ສາຍການບິນຫວຽດເຈັດ ມອບລາຄາພິເສດສະຫລອງວັນແມ່ຍິງສາກົນ

06/03/2024 13:38
Email Print 3116
ຂປລ ເພື່ອສະເຫລີມສະຫລອງວັນແມ່ຍິງສາກົນ ວັນທີ 8 ມີນາ, ສາຍການບິນຫວຽດເຈັດ (Vietjet) ໄດ້ມີລາຄາປີ້ເຮືອບິນພິເສດ ແລະ ຂອງຂວັນພິເສດຫລາຍກວ່າພັນລາຍການ ເພື່ອສ້າງຄວາມຊົງຈຳໃນການເດີນທາງທີ່ດີກັບຄົນທີ່ທ່ານຮັກ.

ເພື່ອສະເຫລີມສະຫລອງວັນແມ່ຍິງສາກົນ ວັນທີ 8 ມີນາ, ສາຍການບິນຫວຽດເຈັດ (Vietjet) ໄດ້ມີລາຄາປີ້ເຮືອບິນພິເສດ ແລະ ຂອງຂວັນພິເສດຫລາຍກວ່າພັນລາຍການ ເພື່ອສ້າງຄວາມຊົງຈຳໃນການເດີນທາງທີ່ດີກັບຄົນທີ່ທ່ານຮັກ. ນັບແຕ່ວັນທີ 6-8 ມີນາ 2024, ຜູ້ໂດຍສານຈາກລາວສາມາດຈອງປີ້ຍົນ ນະຄອນຫລວງວຽງຈັນ-ນະຄອນໂຮ່ຈີມິນ ຂອງສາຍການບິນ Vietjet ທັງຖ້ຽວບິນພາຍໃນ ແລະ ຕ່າງປະເທດ ໃນລາຄາເລີ່ມມຕົ້ນພຽງແຕ່ 0 ໂດລາ ບໍ່ລວມພາສີ ແລະ ຄ່າທຳນຽມ (ລວມພາສີ ແລະ ຄ່າທຳນຽມແມ່ນ 55 ໂດລາ/ຖ້ຽວ) ໂດຍສາມມາດຈອງໄດ້ທີ່ www.vietjetair.com ຫລື ແອັບມືຖື Vietjet Air. ສຳລັບເສັ້ນທາງບິນ ນະຄອນຫລວງວຽງຈັນ-ໂຮ່ຈິມິນ ມີຖ້ຽວບິນໄປກັບ 4 ຖ້ຽວຕໍ່ອາທິດ ໃນວັນຈັນ, ພຸດ, ສຸກ ແລະ ວັນອາທິດ ໃຊ້ເວລາພຽງ 1 ຊົ່ວໂມງ 45 ນາທີຕໍ່ຖ້ຽວເທົ່ານັ້ນ.

ພ້ອມນີ້, ຍັງມີສ່ວນຫລຸດ 10% ສໍາລັບຄ່າໂດຍສານຊັ້ນທຸລະກິດເມື່ອໃຊ້ລະຫັດ BUSINESSWOMAN10 (ຕາມຂໍ້ກໍານົດ ແລະ ເງື່ອນໄຂ) ຜູ້ໂດຍສານສາມາດບິນໄດ້ຢ່າງສະດວກສະບາຍ ແລະ ມີສິ່ງອໍານວຍຄວາມສະດວກຕ່າງໆ. ທ່ານສາມາດເພີດເພີນກັບບໍລິການພິເສດນີ້ ລະຫວ່າງວັນທີ 01 ເມສາ ຫາ 31 ຕຸລາ 2024 (ຍົກເວັ້ນວັນພັກ ແລະ ລະດູການທ່ອງທ່ຽວ), ມອບຄວາມສະດວກສະບາຍໃນການເດີນທາງໃນລະດູຮ້ອນ ແລະ ລະດູໃບໄມ້ຫລົ່ນ ຊຶ່ງໄລຍະນີ້ເໝາະສົມທີ່ສຸດ ທີ່ທ່ານ​ຈະ​ພາ​ຜູ້​ຄົນທີ່​ທ່ານຮັກ​ເດີນ​ທາງ​ທ່ອງ​ທ່ຽວ​ສາຍການບິນ Vietjet ໄປຮອດຈຸດໝາຍປາຍທາງທີ່ຫລາກຫລາຍ ເຊັ່ນ: ໄປຊົມທັດສະນີຍະພາບທີ່ສວຍງາມ ແລະ ອາຫານຫວຽດນາມ, ຊົມດອກຊາກຸລະໃນປະເທດຍີ່ປຸ່ນ, ສ ເກົາຫລີ, ໄປຊົມລະດູໃບໄມ້ຫລົ່ນຢູ່ອົດສະຕຣາລີ. ນອກຈາກນີ້, ສາຍ​ການ​ບິນຫວຽດເຈັດ ຍັງ​ໄດ້​ເປີດ​ເສັ້ນ​ທາງ​ທີ​ 2 ​ຂອງ​ຕົນ​ໄປ​ແຂວງ​ດ້ຽນ​ບຽນ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ຫວຽດ​ນາມ ຊຶ່ງເປີດເມື່ອ 2 ເດືອນ​ຜ່ານ​ມາ ຊຶ່ງຊ່ວຍຫລຸດເວລາເດີນທາງລະຫວ່າງສອງທ້ອງຖິ່ນຈາກ 10 ຊົ່ວໂມງໂດຍການຂັບລົດ ໃຫ້ໜ້ອຍກວ່າ 1 ຊົ່ວໂມງ ດ້ວຍຖ້ຽວບິນທີ່ສະດວກສະບາຍ.

ສາຍການບິນ Vietjet ຍັງມີປະກັນໄພການເດີນທາງ Sky Care ໃຫ້ກັບຜູ້ໂດຍສານທັງໝົດໂດຍບໍ່ເສຍຄ່າ, ຮັບປະກັນວ່ານັກທ່ອງທ່ຽວສາມາດເພີດເພີນກັບຖ້ຽວບິນທີ່ເຕັມໄປດ້ວຍຮອຍຍິ້ມໃນເຮືອບິນທີ່ທັນສະໄໝ. ສາຍການບິນມີອາຫານຫວຽດນາມຮ້ອນໆ, ແຊບໆ, ບໍ່ວ່າຈະເປັນ: ເຝີ, ເຂົ້າຈີ່ຫວຽດນາມ ແລະ ອີກຫລາຍຢ່າງ, ເສີບໂດຍພະນັກງານຫ້ອງໂດຍສານທີ່ເປັນກັນເອງ ແລະ ເປັນມືອາຊີບ. ສອບຖາມຂໍ້ມູນເພີ່ມຕື່ມທີ່ www.vietjetair.com./. 
KPL

ຂ່າວອື່ນໆ

ads
ads

Top