ຂປລ
ຂປລ. ສປປ ລາວ ເປັນເຈົ້າພາບຈັດກອງປະຊຸມ ເຈົ້າໜ້າທີອາວຸໂສ ເຂດສາມຫລ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 13 ໃນວັນທີ 29 ກຸມພາ 2024 ຢູ່ແຂວງອັດຕະປື ໂດຍການເປັນປະທານຂອງ ທ່ານ ທອງຜ່ານ ສະຫວັນເພັດ ຮອງລັດຖະມົນຕີ ກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສ ເຂດສາມຫລ່ຽມພັດທະ ນາ ກຳປູເຈຍ-ລາວ-ຫວຽດນາມ
ຂປລ. ສປປ ລາວ ເປັນເຈົ້າພາບຈັດກອງປະຊຸມ ເຈົ້າໜ້າທີອາວຸໂສ ເຂດສາມຫລ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 13 ໃນວັນທີ 29 ກຸມພາ 2024 ຢູ່ແຂວງອັດຕະປື ໂດຍການເປັນປະທານຂອງ ທ່ານ ທອງຜ່ານ ສະຫວັນເພັດ ຮອງລັດຖະມົນຕີ ກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສ ເຂດສາມຫລ່ຽມພັດທະ ນາ ກຳປູເຈຍ-ລາວ-ຫວຽດນາມ, ມີຄະນະຜູ້ແທນຈາກປະເທດສະມາຊິກເຂົ້າຮ່ວມ ຈາກສູນກາງ ແລະ ທ້ອງຖິ່ນ, ພ້ອມທັງບັນດາການນຳ ແລະ ພາກສ່ວນກ່ຽວຂ້ອງ ຈາກ 4 ແຂວງພາກໃຕ້ ຈຳປາສັກ, ສາລະວັນ, ອັດຕະປື ແລະ ເຊກອງ ໃນເຂດສາມຫລ່ຽມພັດທະນາ ຂອງ ສປປ ລາວ ເຂົ້າຮ່ວມ.
ກອງປະຊຸມ ໄດ້ຕີລາຄາຄືນຄວາມຄືບໜ້າ ກ່ຽວກັບການຈັດຕັ້ງປະຕິບັດແຜນແມ່ບົດ ວ່າດ້ວຍ ການພັດທະ ນາເສດຖະກິດ-ສັງຄົມ ໃນເຂດສາມຫລ່ຽມພັດທະນາ ຮອດປີ 2020 ແລະ ສະບັບປັບປຸງໃໜ່ ຮອດປີ 2030, ແຜນປະຕິບັດງານວ່າດ້ວຍ ການເຊື່ອມຈອດ ດ້ານເສດຖະກິດ ຮອດປີ 2030, ແຜນພັດທະນາການທ່ອງທ່ຽວເຂດ ສາມຫລ່ຽມພັດທະນາ. ພ້ອມກັນນີ້, ຍັງໄດ້ຮັບຟັງການລາຍງານຜົນຂອງ 4 ກອງປະຊຸມອະນຸກໍາມະການ: ກອງປະຊຸມອະນຸກຳມະການດ້ານຄວາມໝັ້ນຄົງ ແລະ ວຽກງານການຕ່າງປະເທດ, ກອງປະຊຸມອະນຸ ກຳມະການດ້ານເສດ ຖະກິດ, ກອງປະຊຸມອະນຸກໍາມະການດ້ານສັງຄົມ ແລະ ສິ່ງແວດລ້ອມ ແລະ ກອງປະຊຸມອະນຸກຳມະການປະສານງານ ລະດັບແຂວງ ແລະ 3 ກິດຈະກໍາປີ້ນອ້ອມ ເພື່ອທົບທວນຄືນຄວາມຄືບໜ້າ ແລະ ກໍານົດທິດທາງ
ການຮ່ວມມື ໃນແຕ່ລະດ້ານຂອງຂອບການຮ່ວມມືດັ່ງກ່າວ ເຊິ່ງໄດ້ເນັ້ນໃສ່ການສົ່ງເສີມການຄ້າ ແລະ ການລົງທຶນ, ການແລກປ່ຽນວັດທະນະທໍາ ໂດຍຜ່ານກິດຈະກໍາຊາວໜຸ່ມ ຂອງປະເທດ CLV.
ກອງປະຊຸມ ໄດ້ຮັບຮອງເອົາບົດບັນທຶກກອງປະຊຸມເຈົ້່າໜ້າທີ່ອາວຸໂສ ເຂດສາມຫລ່ຽມພັດທະນາ ກຳປູ ເຈຍ-ລາວ-ຫວຽດນາມ ເພື່ອລາຍງານຕໍ່ ຄະນະກຳມະການປະສານງານຮ່ວມ ເຂດສາມຫລ່ຽມພັດທະນາ ໃນວັນທີ 1ມີນາ 2024.
ກອງປະຊຸມເຈົ້າໜ້າທີ່ອາວຸໂສ ເຂດສາມຫລ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງຕໍ່ໄປ ຈະຈັດຂຶ້ນ ໃນປີ 2026 ທີ່ ສສ ຫວຽດນາມ.
ພາບ: ຂັນໄຊ
KPL
