ຂປລ
ຂປລ. ແຫລ່ງຂ່າວຈາກ ເມືອງໝື່ນ ແຂວງວຽງຈັນ ໃຫ້ຮູ້ວ່າ: ໃນວັນທີ 27-28 ກຸມພາ 2024 ນີ້, ເມືອງໝື່ນ ຈັດຝຶກອົບຮົມການສອບເສັງເອົາໃບຂັບຂີ່ລົດຈັກ, ລົດເບົາ ມີນັກຂັບຂີ່ເຂົ້າຮ່ວມ 130 ຄົນ. ທັງນີ້
ຂປລ. ແຫລ່ງຂ່າວຈາກ ເມືອງໝື່ນ ແຂວງວຽງຈັນ ໃຫ້ຮູ້ວ່າ: ໃນວັນທີ 27-28 ກຸມພາ 2024 ນີ້, ເມືອງໝື່ນ ຈັດຝຶກອົບຮົມການສອບເສັງເອົາໃບຂັບຂີ່ລົດຈັກ, ລົດເບົາ ມີນັກຂັບຂີ່ເຂົ້າຮ່ວມ 130 ຄົນ. ທັງນີ້, ກໍເພື່ອເປັນການສ້າງໃຫ້ຜູ້ຂັບຂີ່ ໃຊ້ລົດໃຊ້ຖະໜົນຢ່າງຖືກຕ້ອງຕາມລະບຽບການສັນຈອນ, ແກ້ໄຂ, ຫລຸດຜ່ອນປາກົດການຫຍໍ້ທໍ້ໃນສັງຄົມ ກໍຄື ອຸບັດເຫດ ແລະ ເສຍຊີວິດຕາມທ້ອງຖະໜົນ, ທັງເປັນການສ້າງຄວາມຮູ້ພື້ນຖານກ່ຽວກັບກົດ ຈະລາຈອນ, ຄຸນສົມບັດ ມາລະຍາດໃນການຂັບຂີ່, ເຕັກ ນິກຂອງການຂັບຂີ່ທີ່ປອດໄພ ໃຫ້ແກ່ນັກຂັບຂີ່ອີກດ້ວຍ.
ໂອກາດນີ້, ຄະນະກຳມະການຮັບຜິດຊອບ ໄດ້ອະທິບາຍກ່ຽວກັບກົດຈະລາຈອນ, ປ້າຍ, ເຄື່ອງໝາຍ ແລະ ໄຟສັນຍານ. ຈາກນັ້ນ, ນັກຝຶກອົບຮົມກໍໄດ້ ສອບເສັງ ທັງພາກທິດສະດີ ແລະ ພາກ ປະຕິ ບັດຕົວຈິງ. ໃນນັ້ນ, ເສັງໄດ້ຫ້ອງ A ຈໍານວນ 5 ທ່ານ, ເສັງໄດ້ຫ້ອງ B ຈໍານວນ 4 ທ່ານ, ເສັງໄດ້ AB ຈໍານວນ 121 ທ່ານ.
ຂ່າວ-ພາບ: ນາງ ວັນນາ
KPL