ປູກຜັກສະອາດເປັນສິນຄ້າຊ່ວຍແກ້ໄຂຄວາມທຸກຍາກ

28/02/2024 09:40
Email Print 399
ຂປລ ການແກ້ໄຂຄວາມທຸກຍາກເປັນວຽກງານໜຶ່ງທີ່ລັດຖະບານ ໄດ້ຖືສຳຄັນ ແລະ ເອົາໃຈໃສ່ຊີ້ນຳພາກສ່ວນກ່ຽວຂ້ອງໃຫ້ຕັ້ງໜ້າສົ່ງເສີມປະຊາຊົນບັນດາເຜົ່າຜະລິດໃຫ້ ຫລາຍກາຍເປັນສິນຄ້າຕະຫລອດມາ.

*ການແກ້ໄຂຄວາມທຸກຍາກ ເປັນວຽກງານໜຶ່ງທີ່ລັດຖະບານໄດ້ຖືສຳຄັນ ແລະ ເອົາໃຈໃສ່ຊີ້ນຳພາກສ່ວນກ່ຽວຂ້ອງໃຫ້ຕັ້ງໜ້າສົ່ງເສີມປະຊາຊົນບັນດາເຜົ່າຜະລິດໃຫ້ຫລາຍກາຍເປັນສິນຄ້າຕະຫລອດມາ. ຂະນະດຽວກັນປະຊາຊົນກໍໄດ້ຕື່ນຕົວທັງຕັ້ງໜ້າຈັດຕ້ັງປະຕິບັດຜະລິດຢ່າງເປັນຂະບວນ ເພື່ອສ້າງລາຍຮັບເຂົ້າຄອບຄົວແກ້ໄຂຄວາມທຸກຍາກໃຫ້ນັບມື້ຫລຸດລົງ. ເວົ້າລວມ, ເວົ້າສະເພາະແຂວງບໍລິຄຳໄຊ ໂດຍສະເພາະແມ່ນກຸ່ມຜະລິດ ພືດຜັກສະອາດຢູ່ບັນດາເມືອງຂອງແຂວງນີ້, ໄດ້ພ້ອມກັນຈັດຕັ້ງເປັນກຸ່ມຜະລິດຜັກສະອາດເປັນສິນຄ້າ ອັນໄດ້ສ້າງລາຍຮັບແກ້ໄຂຄວາມທຸກຍາກຂອງແຕ່ລະກຸ່ມຫລາຍຮ້ອຍລ້ານກີບໃນປີຜ່ານມາ.

     ຕາມການໃຫ້ຮູ້ຈາກເຈົ້າໜ້າທ່ີຂະແໜງປູກຝັງ ພະແນກກະສິກຳ ແລະ ປ່າໄມ້ ແຂວງບໍລິຄຳໄຊວ່າ: ໃນປີ 2023 ຜ່ານມານີ້, ຂະແໜງປູກຝັງຕົນໄດ້ເອົາໃຈໃສ່ເຄື່ອນໄຫວຕາມສິດ, ໜ້າທີ່ທີ່ທາງຂັ້ນເທິງມອບໝາຍໃຫ້ເປັນຕົ້ນການຈັດຕັ້ງຜັນຂະຫຍາຍມະຕິ, ຄຳສັ່ງ, ແນວທາງ, ນະໂຍບາຍຂອງພັກ-ລັດວາງອອກມາໂດຍຕະຫລອດ. ອັນພົ້ນເດັ່ນແມ່ນໄດ້ເອົາໃຈໃສ່ຈັດຕັ້ງປະຕິບັດໜ້າທ່ີວິຊາສະເພາະ ໃຫ້ເກີດດອກອອກຜົນໃນແຕ່ລະໄລຍະດ້ວຍການສົ່ງເສີມວິຊາການ ລົງໃກ້ຊິດຕິດແທດກະສິກອນ, ສະໜອງແນວພັນພືດຕ່າງໆ ໃຫ້ແກ່ເຂົາເຈົ້າຜະລິດສະບຽງອາຫານ, ຜະລິດເປັນສິນຄ້າ ເພື່ອນຳລາຍຮັບແກ້ໄຂຄວາມທຸກຍາກຂອງປະຊາຊົນໃຫ້ນັບມື້ຫລຸດເປັນກ້າວໆມາ. ແນວໃດກໍດີສຳລັບການສົ່ງເສີມການຜະລິດເປັນສິນຄ້າກໍມີຫລາຍດ້ານພ້ົນເດ່ັນ ແລະ ປະສົບຜົນສຳເລັດຕາມຄາດໝາຍທີ່ວາງໄວ້ ເຊິ່ງໜຶ່ງໃນນີ້ ກໍແມ່ນວຽກງານສົ່ງເສີມການຜະລິດກະສິກຳສະອາດ ກໍໄດ້ເອົາໃຈໃສ່ຕິດຕາມກຸ່ມປູກຜັກສະອາດ, ຜັກອິນຊີຢູ່ໃນແຕ່ລະເມືອງ.

   

    ພົ້ນເດັ່ນແມ່ນການຜະລິດຜັກອິນຊີຂອງກຸ່ມບ້ານຫົວນາ ເມືອງບໍລິຄັນ ປູກໃນເຮືອນຮົ່ມທັງໝົດ 40 ຫລັງ ມີ 7 ຄອບຄົວ ສາມາດໄດ້ຜົນຜະລິດຫລາຍກວ່າ 3.200 ກິໂລ ລວມເປັນ ເງິນ 33.790.000 ກີບ; ກຸ່ມປູກຜັກອີນຊີບ້ານນາຫາດ ເມືອງຄໍາເກີດ ມີທັງໝົດ 50 ຫລັງ, ມີ 53 ຄອບ ຄົວ, ຜົນຜະລິດໄດ້ 43.440 ກິໂລ ຄິດເປັນເງິນ 414.400.000 ກີບ; ກຸ່ມປູກຜັກໃນເຮືອນຮົ່ມ ບ້ານ ນາເດື່ອ, ບ້ານບຸ່ງປ່າຕາວ, ຊໍາເຕີຍ ເມືອງຄໍາເກີດ ມີທັງໝົດ 18 ຫລັງ, ມີ 18 ຄອບຄົວ, ຜົນຜະລິດ ໄດ້ 15.047 ກິໂລ ຄິດເປັນເງິນ 155.678.000 ກີບ; ກຸ່ມປູກຜັກ ໃນເຮືອນຮົ່ມ ເມືອງວຽງທອງ ມີທັງ ໝົດ 115 ຫລັງ, ມີ 97 ຄອບຄົວ, ຜົນຜະລິດໄດ້ 7.921 ກິໂລ ຄິດ ເປັນເງິນ 146.725.000 ກີບ; ກຸ່ມ ປູກຜັກໃນເຮືອນຮົ່ມບ້ານຜາໂປງ  ເມືອງທ່າພະບາດ ມີທັງໝົດ 27 ຫລັງ,  ມີ 21 ຄອບຄົວ, ຜົນຜະລິດ ໄດ້ 2.828 ກິໂລ ຄິດເປັນເງິນ 107.880.000 ກີບ.

   ເຈ້ົາໜ້າທີ່ຂະແໜງປູກຝັງຍັງໃຫ້ຮູ້ຕື່ມວ່າ: ສຳລັບໃນຕໍ່ໜ້າກໍຈະສືບຕໍ່ເອົາໃຈໃສ່ສົ່ງເສີມກຸ່ມຜະລິດພືດ ຜັກດັ່ງກ່າວໃຫ້ດີຂຶ້ນ ທັງສາມາດສ້າງລາຍຮັບຫລາຍຂຶ້ນກວ່າເກົ່າ ເພື່ອແກ້ໄຂຄວາມທຸກຍາກໃຫ້ຫລຸດໜ້ອຍຖອຍລົງ. ແນວໃດກໍຕາມນອກຈາກເອົາໃຈໃສ່ສົ່ງເສີມຜະລິດ ແລະ ສ້າງລາຍຮັບເຂົ້າຄອບຄົວກຸ່ມແລ້ວ ຍັງເປັນການປະກອບສ່ວນຫລຸດຜ່ອນການນຳເຂົ້າພືດຜັກບ່ອນອື່ນໆ ໂດຍສະເພາະແມ່ນຈາກຕ່າງປະເທດອີກຕື່ມ. ຂະນະດຽວກັນການຈັດຕັ້ງປະຕິບັດວຽກງານດັ່ງກ່າວ ແມ່ນຈັດຕັ້ງປະຕິບັດໄປຕາມໂຄງປະກອບຂອງແຜນການທີ່ໄດ້ກຳນົດໄວ້ໃນ 3 ເສົາຄໍ້າ 4 ແຜນ ງານ 10 ແຜນດຳເນີນງານ ແລະ 13 ນະໂຍບາຍສະໜັບສະໜູນການປູກຝັງ ຄໍ້າປະກັນສະບຽງອາຫານ ແລະ ຜະລິດເປັນສິນຄ້າ.

ໂດຍ: ເຂົ້າຈານນໍ້າ

KPL

ຂ່າວອື່ນໆ

    • ມ່ວນຊືນໃຫ້ພໍດີບົດ-ສາລະຄະດີ

      ມ່ວນຊືນໃຫ້ພໍດີ

      4/11/2024 9:20:19 AM

      ມື້ຮືກໍ່ເຂົ້າສູ່ເທສະການສະຫລອງສົ່ງທ້າຍປີເກົ່າຕ້ອນຮັບປີ ໃໝ່ລາວ ພ.ສ 2567 ແລ້ວ, ນັບແຕ່ທ້າຍອາທິດແລ້ວມາອາທິດນ້ີຍິນມາວ່າຫລາຍສໍານັກງານຫ້ອງການ ແລະ ຄອບຄົ ໄດ້ສັງສັນສາມັກຄີກັນລ່ວງໜ້າແດ່ແລ້ວ ເພື່ອວ່າໃນໄລຍະສະຫລອງບຸນແທ້ໆຕ່າງຄົນໄປຕາມເປົ້າໝາຍໃຜລາວ, ເປັນການໝູນໃຊ້ກາລະໂອກາດອັນອໍານວຍ ໄດ້ທັງຮີດຄອງ ແລະ ຄວາມສາມັກຄີ.

    • ສະກັດກັ້ນການສວຍໂອກາດບົດ-ສາລະຄະດີ

      ສະກັດກັ້ນການສວຍໂອກາດ

      4/9/2024 5:58:32 AM

      ໃກ້ຮອດປີໃໝ່ລາວ, ອາທິດນີ້ຈະມີຫລາຍສໍານັກງານອົງການ ຕະຫລອດຮອດຄອບຄົວຫົວເຮືອນ ມີແຜນຈັດສົ່ງທ້າຍປີເກົ່າຕ້ອນຮັບປີໃໝ່ ເພື່ອວ່າໄລຍະປີໃໝ່ ເອົາເວລາໄປທ່ອງທ່ຽວສົ່ງເສີມປີທ່ອງທ່ຽວລາວ ໃຫ້ຄຶກຄື້ນມ່ວນຊື່ນພາຍໃຕ້ຄໍາຂວັນ ທ່ອງທ່ຽວປອດໄພ ຊື່ນໃຈວັດທະນະທໍາ, ທໍາມະຊາດ ແລະ ປະຫວັດສາດ.

    • ຊາວໜຸ່ມລາວ ແມ່ນກຳລັງແຮງໃນພາລະກິດສ້າງສາພັດທະນາປະເທດຊາດບົດ-ສາລະຄະດີ

      ຊາວໜຸ່ມລາວ ແມ່ນກຳລັງແຮງໃນພາລະກິດສ້າງສາພັດທະນາປະເທດຊາດ

      4/9/2024 5:45:56 AM

      ພັກປະຊາຊົນ ປະຕິວັດລາວໄດ້ຂະໜານນາມຊາວໜຸ່ມວ່າ: ເປັນແຂນຂວາຂອງພັກ, ເປັນກະດູກສັນຫລັງຂອງປະເທດຊາດ, ເປັນຜູ້ສືບທອດທີ່ຈົ່ງຮັກພັກດີຂອງປະເທດຊາດ, ມູນເຊື້ອ ແລະ ວິລະກໍາຂອງຊາດໄດ້ຮັບການຜັນຂະຫຍາຍ ເປັນການກະທໍາປະຕິວັດຂອງຊາວໜຸ່ມ ຊຶ່ງສາມາດຕອບສະໜອງໄດ້ຄວາມຮຽກຮ້ອງຕ້ອງການຂອງພັກ, ຂອງປະເທດຊາດ ແລະ ເຮັດສໍາເລັດພາລະກໍາຂອງຕົນ.

    • 60 ປີ ຊາວໜຸ່ມລາວ ເຕີບໃຫຍ່ຂະຫຍາຍຕົວໃນທຸກພາລະກິດຂອງຊາດບົດ-ສາລະຄະດີ

      60 ປີ ຊາວໜຸ່ມລາວ ເຕີບໃຫຍ່ຂະຫຍາຍຕົວໃນທຸກພາລະກິດຂອງຊາດ

      4/8/2024 11:28:13 AM

      ຕະຫລອດໄລຍະ 69 ປີ ແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວ, ຊາວໜຸ່ມປະຊາຊົນ ປະຕິວັດລາວ ແມ່ນມີບົດບາດສໍາຄັນໃນທຸກພາລະກິດຂອງຊາດ ແລະ ມີບົດບາດໃນການຕັດສິນທຸກໄຊຊະນະຂອງການປະຕິວັດຊາດ ເພາະຊາວໜຸ່ມແມ່ນກໍາລັງແຂນຂວາຂອງຂອງພັກ, ເປັນກະດູກສັນຫລັງຂອງຊາດ ທີ່ເຕັມໄປດ້ວຍມູນເຊື້ອນໍ້າໃຈຮັກເຊື້ອແພງຊາດອັນດູດດື່ມ ມີວັດທະນະທໍາອັນດີງາມ ແລະ ມີ ຄວາມເສຍສະຫລະອັນສູງສົ່ງໃນການປະກອບສ່ວນໃນພາລະກໍາປະຫວັດສາດ ແລະ ເຮັດສໍາເລັດໜ້າທີ່ຂອງການປະຕິວັດປະຊາທິປະໄຕ.

    • ລ້ຽງໄກ່ພັນໄຂ່ ລາຍຮັບດີມີກຳໄລບົດ-ສາລະຄະດີ

      ລ້ຽງໄກ່ພັນໄຂ່ ລາຍຮັບດີມີກຳໄລ

      4/8/2024 11:20:26 AM

      ໄຂ່ ເປັນອາຫານທີ່ນິຍົມຊົມຊອບຂອງຜູ້ບໍລິໂພກ ເນື່ອງຈາກວ່າສາມາດນໍາມາປຸງແຕ່ງອາຫານໄດ້ຫລາກຫລາຍ ບໍ່ວ່າຈະຕົ້ມ, ຂົ້ວ ຫລື ເປັນສ່ວນປະກອບຂອງອາຫານເຍື່ອງອື່ນໆ ກໍ່ແຊບຊ້ອຍ, ກິນງ່າຍໄດ້ທັງເດັກນ້ອຍ ແລະ ຜູ້ໃຫຍ່.

ads
ads

Top