ຂປລ
ຂປລ. ໃນໂອກາດ ລົງເຄື່ອນໄຫວວຽກງານ ຢູ່ແຂວງອຸດົມໄຊ ລະຫວ່າງວັນທີ 23-25 ກຸມພາ 2024 ນີ້, ທ່ານ ອາລຸນໄຊ ສູນນະລາດ ລັດຖະມົນຕີ, ຫົວໜ້າຫ້ອງວ່າການ ສໍານັກງານນາຍົກລັດລັດ ຖະມົນຕີ ພ້ອມຄະນະ ໄດ້ເຄື່ອນໄຫວຢ້ຽມຢາມ ຂົງເຂດການຜະລິດລະດູແລ້ງ ຢູ່ເມືອງຫລາ.
ຂປລ. ໃນໂອກາດ ລົງເຄື່ອນໄຫວວຽກງານ ຢູ່ແຂວງອຸດົມໄຊ ລະຫວ່າງວັນທີ 23-25 ກຸມພາ 2024 ນີ້, ທ່ານ ອາລຸນໄຊ ສູນນະລາດ ລັດຖະມົນຕີ, ຫົວໜ້າຫ້ອງວ່າການ ສໍານັກງານນາຍົກລັດລັດ ຖະມົນຕີ ພ້ອມຄະນະ ໄດ້ເຄື່ອນໄຫວຢ້ຽມຢາມ ຂົງເຂດການຜະລິດລະດູແລ້ງ ຢູ່ເມືອງຫລາ.
ໂອກາດນີ້, ທ່ານ ຫຸມພັນ ບຸບຜາຄຳ ເຈົ້າເມືອງໆຫລາ ກໍໄດ້ໃຫ້ຮູ້ວ່າ: ມາຮອດປັດຈຸບັນ, ການເກັບກ່ຽວຜົນຜະລິດພືດລະດູແລ້ງຢູ່ພາຍໃນເມືອງ ແມ່ນສຳເລັດເປັນສ່ວນຫລາຍ ໂດຍສະເພາະ ແມ່ນການເກັບກ່ຽວເຂົ້ານາແຊງ, ຜັກບົ່ວ, ຜັກທຽມ, ຖົ່ວເບີ, ສາລີຫວານ, ໝາກອຶ ແລະ ພືດສະນິດອື່ນໆ ລວມທັງໝົດ 16 ບ້ານ, ມີເນື້ອທີ່ປູກ ທັງໝົດ 19.945 ເຮັກຕາ, ມີ 810 ຄອບຄົວ, ມີ 3 ບໍລິສັດທີ່ເຂົ້າມາສົ່ງເສີມ ການປູກພືດລະດູແລ້ງ ທີ່ເມືອງຫລາ ເຮັດໃຫ້ປະຊາຊົນພາຍໃນເມືອງມີລາຍຮັບຈາກການປູກພືດລະດູແລ້ງຫລາຍຂຶ້ນ.
ໃນໂອກາດນີ້, ທ່ານ ອາລຸນໄຊ ສູນນະລາດ ພ້ອມດ້ວຍຄະນະ ກໍໄດ້ລົງຢ້ຽມຢາມ ການປະຕິບັດໜ້າທີ່ ຂອງພະນັກງານ ບໍລິສັດໃນການຄັດແຍກຖົ່ວເບີ, ພ້ອມທັງສະແດງຄວາມຊົມເຊີຍຕໍ່ ການນຳເມືອງ ແລະ ບໍລິສັດ ທີ່ໄດ້ເອົາໃຈໃສ່ເຂົ້າໃນ ການສົ່ງເສີມປະຊາຊົນ ປູກພືດລະດູແລ້ງ ເພື່ອສ້າງລາຍຮັບ ຊົດເຊີຍຜົນເສຍຫາຍ ຈາກໄພພິບັດໃນໄລຍະຜ່ານມາ, ພ້ອມທັງສ້າງ ວຽກເຮັດງານທຳ ໃຫ້ແກ່ໄວໜຸ່ມພາຍໃນເມືອງ ຕື່ມອີກ.
ຂ່າວ: ແສງອາທິດ
KPL
