ຂປລ
ມະຫາວິທະຍາໄລ ຊຽງໄຮ້ ຈຽວທົງ ຂອງສປ ຈີນ, ຜູ້ພັດທະນາກ້ອງໂທລະພາບ ສະເປກໂທຣສະໂກປິກ ຂະໜາດໃຫຍ່ ຊຶ່ງອອກແບບມາ ເພື່ອຄົ້ນຫາດາວເຄາະ ນອກລະບົບສຸຣິຍະ ໄດ້ເປີດເຜີຍວ່າ: ການກໍ່ສ້າງ ກ້ອງໂທລະພາບນີ້ ໃນພື້ນທີ່ ທາງຕາເວັນຕົກ ສຽງເໜືອ ຂອງຈີນ ມີກຳນົດສ້າງສຳເລັດ ແລະ ເປີດໃຊ້ງານ ພາຍໃນປີ 2026.
ຂປລ. ສຳນັກຂ່າວ ຊິນຮວາ ຂອງສປ ຈີນ, ມະຫາວິທະຍາໄລ ຊຽງໄຮ້ ຈຽວທົງ ຂອງສປ ຈີນ, ຜູ້ພັດທະນາ ກ້ອງໂທລະພາບ ສະເປກໂທຣສະໂກປິກ ຂະໜາດໃຫຍ່ ຊຶ່ງອອກແບບມາ ເພື່ອຄົ້ນຫາດາວເຄາະ ນອກລະບົບສຸຣິຍະ ໄດ້ເປີດເຜີຍວ່າ: ການກໍ່ສ້າງ ກ້ອງໂທລະພາບນີ້ ໃນພື້ນທີ່ ທາງຕາເວັນຕົກ ສຽງເໜືອ ຂອງຈີນ ມີກຳນົດສ້າງສຳເລັດ ແລະ ເປີດໃຊ້ງານ ພາຍໃນປີ 2026.
ໂດຍກ້ອງໂທລະພາບ ສະເປກໂທຣສະໂກປິກ ເຕເລສະໂກບ ຈຽວກົງ ຢູນິເວີຣຊີຕີ (Jiaotong University Spectroscopic Telescope) ຈະຖືກກໍ່ສ້າງ ຢູ່ເທິງພູຊ່າຍເສີນເຖິງ ໃກ້ກັບເມືອງ ເຫລີ່ງຫູທີ່ຊິງ ແຂວງຊິງໄຫ ທີ່ໄດ້ຈັດຕັ້ງ ຖານສັງເກດການ ທາງດາລາສາດ ແລະ ຈະເປັນກ້ອງໂທລະພາບ ສະເປກໂຕຣ ອັນໂດດເດັ່ນທີ່ສຸດ ຂອງຈີນ ໃນໄລຍະເວລາໜຶ່ງ. ກ້ອງໂທລະພາບດັ່ງກ່າວ ຈະມີຮູຮັບແສງ ຂະໜາດ 4,4 ແມັດ, ສາມາດສັບປ່ຽນ ລະຫວ່າງແຫລ່ງ ເປົ້າໝາຍໄດ້ຢ່າງວອ່ງໄວ ແລະ ຊ່ວຍເຮັດໃຫ້ ສັງເກດການ ທາງສະເປກໂຕຣ ໄດ້ທັນທີ, ຊຶ່ງຄະນະນັກວິທະຍາສາດ ຄາດວ່າ ກ້ອງດັ່ງກ່າວ ຈະຊ່ວຍໃຫ້ປະສົບຜົນສຳເລັດ ທາງດ້ານການວິໄຈ ຫລາຍລາຍການ ເຊັ່ນ: ດາລາສາດ ໂດເມນເວລາ ແລະ ການສຳຫລວດ ດາວເຄາະ ນອກລະບົບສຸຣິຍະ.
ນອກຈາກນັ້ນ, ກ້ອງໂທລະພາບນີ້ ຍັງຈະມີອຸປະກອນ ສະເປກໂຕຣມິເຕີ ທີ່ມີຄວາມຊັດເຈນສູງ ທີ່ຈະຊ່ວຍໃຫ້ຄວາມ ສາມາດ ເຮັດການສັງເກດການ ທາງສະເປກໂຕຣ ແບບຫລາຍເປົ້າໝາຍ ແລະ ຊັດເຈນສູງ ຊຶ່ງເປັນຄັ້ງທຳອິດຂອງໂລກ, ລວມເຖິງຈະເພີ່ມປະສິດ ທິພາບການກວດຈັບ ດາວເຄາະ ນອກລະບົບສຸລິຍະ ຢ່າງຊັດເຈນ ແລະເລິກເຊິ່ງ.
KPL