ຂປລ
ຊຶ່ງບັນທຸກ ສິນຄ້າ ອິຄອມເມິຣ ຂ້າມຊາຍແດນ ດ້ວຍມູນຄ່າລວມ 8,22 ລ້ານຢວນ (ສະກຸນເງິນຈີນ) ໄດ້ບິນ ອອກຈາກ ແຂວງໄຫ່ຫນານ (ໄຫຫລຳ) ທາງພາກໃຕ້ ຂອງ ຈີນ ໄດ້ມຸ້ງໜ້າ ໄປສູ່ເມືອງ ດັລລັສ ຂອງ ສ.ອາເມລິກາ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ເຮືອບິນເຊົ່າເໝົາ ຊຶ່ງບັນທຸກ ສິນຄ້າ ອິຄອມເມິຣ ຂ້າມຊາຍແດນ ດ້ວຍມູນຄ່າລວມ 8,22 ລ້ານຢວນ (ສະກຸນເງິນຈີນ) ໄດ້ບິນ ອອກຈາກ ແຂວງໄຫ່ຫນານ (ໄຫຫລຳ) ທາງພາກໃຕ້ ຂອງ ຈີນ ໄດ້ມຸ້ງໜ້າ ໄປສູ່ເມືອງ ດັລລັສ ຂອງ ສ.ອາເມລິກາ. ນີ້ຖືເປັນ ການເປີດຕົວ ເສັ້ນທາງບິນ ຂົນສົ່ງ ສິນຄ້າ ທາງອາກາດ ສາຍໃໝ່ ສະເພາະ ການຂົນສົ່ງ ສິນຄ້າ.
ເຈົ້າໜ້າທີ່ ກົມພາສີ ກ່ຽວຂ້ອງ ກ່າວວ່າ ນີ້ເປັນເສັ້ນທາງ ຂົນສົ່ງ ສິນຄ້າ ທາງອາກາດ ເບື້ອງຕົ້ນ, ເປັນເສັ້ນທາງ ທຳອິດຂອງໄຫ່ຫນານ ໄປຍັງ ສ.ອາເມລິກາ, ໂດຍ ຖ້ຽວບິນ ປະຖົມມະລຶກ ໄດ້ອອກຈາກ ສະໜາມບິນ ນານາຊາດ ເຫມີຍຫລານ ນະຄອນ ໄຫ່ໂຂ່ວ ເມືອງເອກ ຂອງ ແຂວງ ໄຫ່ຫນານ. ນອກນັ້ນ ກົມພາສີດັ່ງກ່າວ ຍັງລະບຸວ່າ ໄຫ່ຫນານ ຈະໃຊ້ ປະໂຫຍດ ຈາກ ສະໜາມບິນ ສາກົນນີ້ ແລະ ຈະຍົກ ລະດັບ ຄວາມພະຍາຍາມ ເພື່ອສ້າງຕົນເອງ ໃຫ້ເປັນ ສູນການບິນ ລະດັບ ພາກພື້ນ ສຳລັບ ການບິນ ໄປຍັງ ມະຫາສະໝຸດ ປາຊີຟິກ ແລະ ມະຫາສະໝຸດ ອິນເດຍ./
KPL
