ຂປລ
ເຈົ້າໜ້າທີ່ ລັດຖະບານ ສີລັງກາ ເປີດເຜີຍວ່າ: ກະຊວງ ສຶກສາທິການ ຂອງ ສີລັງກາ ຈະເລີ່ມ ແຈກຢາຍບັດ ຂອງ ຂວັນ ສຳລັບ ການຊື້ເກີບ ໃຫ້ເດັກນ້ອຍ ທີ່ທຸກຍາກ ຈຳນວນ 747.000 ຄົນ ນັບແຕ່ ວັນທີ 4 ທັນວາ ເປັນຕົ້ນໄປ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 28 ພະຈິກ, ເຈົ້າໜ້າທີ່ ລັດຖະບານ ສີລັງກາ ເປີດເຜີຍວ່າ: ກະຊວງ ສຶກສາທິການ ຂອງ ສີລັງກາ ຈະເລີ່ມ ແຈກຢາຍບັດ ຂອງ ຂວັນ ສຳລັບ ການຊື້ເກີບ ໃຫ້ເດັກນ້ອຍ ທີ່ທຸກຍາກ ຈຳນວນ 747.000 ຄົນ ນັບແຕ່ ວັນທີ 4 ທັນວາ ເປັນຕົ້ນໄປ.
ທ່ານ ຊູຊິລ ເປຣມາຢັນທາ ລັດຖະມົນຕີ ກະຊວງ ສຶກສາທິການ ຂອງ ສີລັງກາ ໄດ້ກ່າວຕໍ່ ລັດຖະສະພາວ່າ: ການແຈກຢາຍບັດ ຂອງ ຂວັນນີ້ ຈະສິ້ນສຸດ ໃນວັນທີ 24 ທັນວາ ເພື່ອໃຫ້ ເດັກນ້ອຍ ສາມາດຊື້ເກີບ ໃສ່ໄປ ໂຮງຮຽນໄດ້ ໃນໄລຍະປີໃໝ່. ນອກນັ້ນ, ທ່ານ ຊູຊິລ ເປຣມາຢັນທາ ວ່າ ລັດຖະບານ ພວມວາງແຜນ ຈັດຫາ ວັດຖຸອັນຈຳເປັນ ສຳລັບ ນັກຮຽນຍິງ ໂດຍເລີ່ມ ແຕ່ປີໜ້າ ເປັນຕົ້ນໄປ. ຈຳນວນ ນັກຮຽນ ຊັ້ນປະຖົມ ໃນສີລັງກາ ລວມມີ 1,6 ລ້ານຄົນ ແລະ ນັກຮຽນ ໃນລະດັບ ຊັ້ນສູງກວ່າ ປະຖົມປີທີ 6 ຈຳນວນ 2,4 ລ້ານຄົນ ຊຶ່ງໃນນັ້ນ ຄາດວ່າ ແມ່ຍິງ ລວມມີ 1,2 ລ້ານຄົນ./.
KPL
