ຂປລ
ຂປລ. ກະຊວງສຶກສາທິການ ແລະ ກິລາ (ສສກ) ຈັດກອງປະຊຸມໜ່ວຍງານ ວິຊາການຂະແໜງສຶກສາທິການ ແລະ ກິລາ ລະດັບວິຊາການ ໃນວັນທີ 1 ພະຈິກ 2023 ພາຍໃຕ້ການເປັນ ປະທານຂອງ ທ່ານ ນາງ ຂັນທະລີ ສີຣິພົງພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ
ຂປລ. ກະຊວງສຶກສາທິການ ແລະ ກິລາ (ສສກ) ຈັດກອງປະຊຸມໜ່ວຍງານ ວິຊາການຂະແໜງສຶກສາທິການ ແລະ ກິລາ ລະດັບວິຊາການ ໃນວັນທີ 1 ພະຈິກ 2023 ພາຍໃຕ້ການເປັນ ປະທານຂອງ ທ່ານ ນາງ ຂັນທະລີ ສີຣິພົງພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ ມີທ່ານ ແດນ ເຮວເດິນ ຮອງເອກອັກຄະລັດຖະທູດ ອົດສະຕຣາລີ ປະຈຳ ສປປ ລາວ ແລະ ທ່ານ ແວັງຊອງ ເວຍ ຫົວໜ້າຝ່າຍການຮ່ວມມື ສະຫະພາບເອີຣົບ ປະຈໍາ ສປປ ລາວ ພ້ອມດ້ວຍບັນດາ ຫົວໜ້າ-ຮອງຫົວໜ້າກົມ ພະນັກງານຈາກກົມອ້ອມຂ້າງ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມ, ຈັດຂຶ້ນ ເພື່ອເປັນການປຶກສາຫາລືຂໍ້ ສະເໜີແນະທາງດ້ານນະໂຍບາຍ ທີ່ມາຈາກຜົນການປະເມີນເຄິ່ງສະໄໝ ຂອງແຜນພັດທະນາ ຂະແໜງການສຶກສາ ວິທະຍາສາດ ແລະ ກິລາ ໄລຍະ 5 ປີ (2021-2025); ປຶກສາຫາລື ແລະ ຕົກລົງເຫັນດີກ່ຽວກັບ ບັນດາເອກະສານ ເພື່ອພັດທະນາບົດສະເໜີ ໂຄງການຕໍ່ກອງທຶນສາກົນ ເພື່ອການສຶກສານໍາສະເໜີ ມາດຕະຖານ ການສອນຂອງຄູຊັ້ນປະຖົມ ແລະ ສົນທະນາກ່ຽວກັບ ມາດຕະຖານດັ່ງກ່າວ ມີຜົນຕໍ່ການປະເມີນຄູປະຖົມແນວໃດ ລວມທັງຂົງເຂດວຽກງານອື່ນໆກ່ຽວກັບຄູ.
ໃນກອງປະຊຸມ, ຜູ້ເຂົ້າຮ່ວມໄດ້ຮັບຟັງ ການນໍາສະເໜີບັນດາເອກະສານ ເພື່ອພັດທະນາບົດສະເໜີໂຄງການ ຕໍ່ກອງທຶນສາກົນເພື່ອການສຶກສາ, ປຶກສາຫາລືຂໍ້ສະເໜີແນະທາງ ດ້ານນະໂຍບາຍ ທີ່ມາຈາກ ຜົນການປະເມີນ ເຄິ່ງສະໄໝຂອງແຜນພັດທະນາ ຂະແໜງການສຶກສາ ວິທະຍາສາດ ແລະ ກິລາ ໄລຍະ 5 ປີ (2021-2025) ແລະ ນໍາສະເໜີມາດຕະຖານ ການສອນ ຂອງຄູຊັ້ນປະຖົມ ແລະ ສົນທະນາ ກ່ຽວກັບມາດຕະຖານດັ່ງກ່າວ ມີຜົນຕໍ່ການປະເມີນຄູປະຖົມແນວໃດ ລວມທັງຂົງເຂດວຽກງານອື່ນໆກ່ຽວກັບຄູ ແລະ ປຶກສາຫາລື ປະກອບຄຳຄິດ ຄຳເຫັນຕໍ່ກັບຫົວຂໍ້ຕ່າງໆ ຢ່າງກົງໄປກົງມາ ເພື່ອໃຫ້ໄດ້ເນື້ອໃນ ຄົວຖ້ວນສົມບູນຂຶ້ນ.
ຂໍ້ມູນ-ພາບ: ສສກ
KPL
