ປະເທດ ສປຈີນ

01/10/2023 09:02

Email Print 1840

ຂປລ ເນື່ອງໃນໂອກາດ ວັນຊາດ ຂອງ ປະເທດ ສາທາລະນະລັດ ປະຊາຊົນຈີນ (People's Republic of China) ຫລືເອີ້ນວ່າ ສປຈີນ ຄົບຮອບ 74 ປີ ວັນທີ (01.10.1949-01.10.2023). ໂດຍມີ ນະຄອນຫລວງ ຊື່ວ່າ: ປັກກິ່ງ, ຈີນ ເປັນລັດ ເອກະລາດ ໃນອາຊີຕາເວັນອອກ, ຕັ້ງຢູ່ລະຫວ່າງ ສປປ ເກົາຫລີ ກັບ ຫວຽດນາມ ຕິດກັບທະເລຈີນໃຕ້, ອ່າວເກົາຫລີ, ທະເລເຫລືອງ ແລະ ທະເລຈີນຕາເວັນອອກ; ເປັນປະເທດທີ່ມີປະຊາກອນ ຫລາຍທີ່ສຸດໃນໂລກ 1.425 ລ້ານກວ່າຄົນ (ໃນປີ 2023) ເປັນລັດພັກການເມືອງດຽວ, ປົກຄອງໂດຍ ພັກກອມມູນິດ ຈີນ.

ເນື່ອງໃນໂອກາດ ວັນຊາດ ຂອງ ປະເທດ ສາທາລະນະລັດ ປະຊາຊົນຈີນ (People's Republic of China) ຫລືເອີ້ນວ່າ ສປຈີນ ຄົບຮອບ 74 ປີ ວັນທີ (01.10.1949-01.10.2023). ໂດຍມີ ນະຄອນຫລວງ ຊື່ວ່າ: ປັກກິ່ງ, ຈີນ ເປັນລັດ ເອກະລາດ ໃນອາຊີຕາເວັນອອກ, ຕັ້ງຢູ່ລະຫວ່າງ ສປປ ເກົາຫລີ ກັບ ຫວຽດນາມ ຕິດກັບທະເລຈີນໃຕ້, ອ່າວເກົາຫລີ, ທະເລເຫລືອງ ແລະ ທະເລຈີນຕາເວັນອອກ; ເປັນປະເທດທີ່ມີປະຊາກອນ ຫລາຍທີ່ສຸດໃນໂລກ 1.425 ລ້ານກວ່າຄົນ (ໃນປີ 2023) ເປັນລັດພັກການເມືອງດຽວ, ປົກຄອງໂດຍ ພັກກອມມູນິດ ຈີນ. ມີເນື້ອທີ່ທັງໝົດ 9,6 ລ້ານກິໂລຕາແມັດ. ປະຊາຊົນນັບຖື ສາສະໜາພຸດ 18,2%, ສາສະໜາທ້ອງຖິ່ນ 21,9%, ບໍ່ມີສາສະໜາ 52,2% ແລະ ອື່ນໆ; ໃຊ້ພາສາທາງການແມ່ນ ພາສາຈີນກາງ; ສະກຸນເງິນ ຢວນ.

ເສດຖະກິດຂອງຈີນ ໄດ້ຂະຫຍາຍຕົວ ຢ່າງວ່ອງໄວ ເປັນຕົ້ນ ການລົງທຶນ ແລະ ການສົ່ງອອກ ເພີ່ມຂຶ້ນ 70 ເທົ່າເທື່ອ, ກາຍເປັນ ມະຫາອຳນາດ ທາງດ້ານເສດຖະກິດ ໂດຍມີ ລວມຍອດ ຜະລິດ ຕະພັນພາຍໃນ(GDP) 17,73 ພັນຕື້ ໂດລາສະຫະລັດ (ໃນປີ 2021); ສະເລ່ຍຕໍ່ຫົວຄົນ 12.556 ກວ່າໂດລາສະຫະລັດຕໍ່ປີ; ອັດຕາການຈະເລີນເຕີບໂຕທາງດ້ານເສດຖະກິດ 8,1 % ຕໍ່ປີ. ສິນຄ້າທີ່ສົ່ງອອກລວມມີ: ເຄື່ອງກົນຈັກ, ຜະລິດຕະພັນ ເຄື່ອງໃຊ້ໄຟຟ້າ, ເຄື່ອງນຸ່ງຫົ່ມ, ເຫລັກ ແລະ ໂທລະສັບມືຖື. ສ່ວນສິນຄ້າທີ່ນຳເຂົ້າເຊັ່ນ: ນ້ຳມັນ, ແຮ່ເຊື້ອໄຟ, ຢາງ, ແຜງວົງຈອນໄຟຟ້າ ແລະ ອື່ນໆ. ສ່ວນປະເທດຄູ່ການຄ້າ ທີ່ສຳຄັນມີ ເຂດຮົງກົງ, ສ.ອາເມລິກາ, ຍີ່ປຸ່ນ, ສ.ເກົາຫລີ, ເຢຍລະມັນ, ອົດສະຕຣາລີ ຕາມລຳດັບ. ນອກນີ້ ຍັງມີສະຖານທີ່ທ່ອງທ່ຽວ ສວຍງາມເປັນຕົ້ນ: ນະຄອນຫລວງ ປັກກິ່ງ ເປັນຈຸດສູນລວມຂອງປະຫວັດສາດ ອັນເກົ່າແກ່ຂອງ ຈີນ 3.000 ກວ່າປີ ເຊັ່ນ ພະລາຊາວັງຍຸກເກົ່າ, ພິພິດຕະພັນ ແຫ່ງຊາດ; ເກາະຮົງກົງ; ກຳແພງເມືອງຈີນ ມີຄວາມຍາວ ປະມານ 8.800 ກິໂລຕາແມັດ ກາຍເປັນກຳແພງທີ່ມີ ຂະໜາດຍາວທີ່ສຸດໃນໂລກ ແລະ ອື່ນໆ.

ປະເທດ ສປຈີນ ແລະ ປະເທດ ສປປ ລາວ ໄດ້ສ້າງຕັ້ງສາຍພົວພັນ ທາງການທູດຮ່ວມກັນ ເມື່ອວັນທີ 25.04.1961 ເປັນຕົ້ນມາ. ຕະຫລອດ ໄລຍະຜ່ານມາ ຄວາມໄວ້ເນື້ອເຊື່ອໃຈ ເຊິ່ງກັນ ແລະ ກັນ ລະຫວ່າງສອງພັກ-ສອງລັດ ແລະ ປະຊາຊົນສອງຊາດ ລາວ-ຈີນ ໄດ້ຮັບການເພີ່ມທະວີ ນັບມື້ສູງຂຶ້ນ, ການຂະຫຍາຍຕົວ ຂອງການຮ່ວມມື ສອງຝ່າຍ ໃນດ້ານຕ່າງໆ ໄດ້ນຳເອົາຜົນປະໂຫຍດ ອັນໃຫຍ່ຫລວງ ມາສູ່ປະຊາຊົນ ສອງຊາດພວກເຮົາ. ອັນເປັນການສ່ອງແສງໃຫ້ເຫັນ ເຖິງສາຍພົວພັນ ມິດຕະພາບ ທີ່ເປັນມູນເຊື້ອ , ຊຶ່ງໄດ້ຮັບການຖະນຸ ຖະໜອມ ເພີ່ມພູນຄູນສ້າງ ທີ່ມີປະສິດທິຜົນຢ່າງຕໍ່ເນື່ອງ ທັງຂອງສອງຝ່າຍ ແລະ ຫລາຍຝ່າຍ, ອັນພົ້ນເດັ່ນກວ່າໝູ່ ແມ່ນການຍົກລະດັບ ສາຍພົວພັນຮ່ວມມື ມາເປັນຄູ່ຮ່ວມມື ແບບຍຸດທະສາດຮອບດ້ານ, ໝັ້ນຄົງຍາວນານ.

ການແລກປ່ຽນ ລະຫວ່າງປະຊາຊົນ ມີການພັດທະນາຢ່າງບໍ່ຢຸດຢັ້ງ, ນັກທ່ອງທ່ຽວຈີນ ເຂົ້າມາທ່ຽວລາວ ເພີ່ມຂຶ້ນເລື້ອຍໆ, ນັກສຶກສາລາວ ທີ່ໄປຮຽນຢູ່ຈີນ ມີຈຳນວນຫລວງຫລາຍ. ຊຶ່ງຈີນ ແລະ ລາວ ໄດ້ຮ່ວມສຸກ ຮ່ວມທຸກ ຮັກແພງ ແລະ ເຂົ້າໃຈ ເຊິ່ງກັນ ແລະ ກັນ, ການສະໜັບສະໜູນ ຢ່າງຈິງໃຈ ເປັນເສົາຄໍ້າ ອັນໜັກແໜ້ນໃຫ້ແກ່ ສາຍພົວພັນ ຈີນ-ລາວ ທີ່ສືບຕໍ່ພັດທະນາ ໄປຢ່າງແໜ້ນແຟ້ນ, ຄວາມສາມັກຄີ ສູ້ຊົນຮ່ວມກັນ ເປັນກຳລັງແຮງຊຸກຍູ້ ຢ່າງບໍ່ເຫືອດແຫ້ງ, ສອງຝ່າຍໄດ້ຖອດຖອນ ບົດຮຽນ ຊ່ວຍເຫລືອ ເຊິ່ງກັນ ແລະ ກັນ ໃຫ້ກ້າວຂຶ້ນສູ່ລະດັບໃໝ່ ມີການກ້າວກະໂດດ ອັນຍິ່ງໃຫຍ່. ປັດຈຸບັນ ຈີນ ໄດ້ຊ່ວຍເຫລືອລາວ ຢ່າງຫລວງຫລາຍ ບໍ່ວ່າຈະເປັນດ້ານການສຶກສາ, ການເງິນ ,ການລົງທຶນ ແລະ ອື່ນໆ.

ໂດຍ: ດາວັນ

KPL

ອາຊຽນ ASEAN
ປະເທດ ເປຣູ
4/28/2025 2:01:56 PM
ປະເທດເປຣູ (Peru) ທີ່ມີຊື່ທາງການຄື ສາທາລະນະລັດ ເປຣູ(Republic Of Peru), ມີນະຄອນຫລວງຊື່ວ່າ ລີມາ(Lima), ຕັ້ງຢູ່ທາງຕາເວັນຕົກຂອງທະວີບ ອາເມລິກາໃຕ້ ມີຊາຍແດນທິດເໜືອຕິດກັບ ເອກວາດໍ ແລະ ໂກໂລມບີ , ທິດຕາເວັນອອກຕິດກັບ ບຣາຊິນ ແລະ ໂບລີວີ, ທິດໃຕ້ຕິດກັບ ຊີເລ ແລະ ທິດຕາເວັນຕົກຕິດກັບ ມະຫາສະໝຸດປາຊີຟິກ. ມີເນື້ອທີ່ທັງໝົດ1.285.000 ກິໂລຕາແມັດ, ກວມເອົາປະຊາກອນ 33,85 ລ້ານຄົນ(ໃນປີ 2023)
ອາຊຽນ ASEAN
ຄະນະຜູ້ແທນລາວ ເຂົ້າຮ່ວມກອງປະຊຸມສະພາ ປະຊາຄົມວັດທະນະທຳ-ສັງຄົມອາຊຽນ ຄັ້ງທີ 33
4/28/2025 9:27:05 AM
ຂປລ. ໃນລະຫວ່າງວັນທີ 22-26 ເມສາ 2025 ທີ່ເມືອງກຸຈິງ ແຂວງສາລະວັກ ປະເທດມາເລເຊຍ, ທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ແຫ່ງ ສປປ ລາວ ໄດ້ນໍາພາຄະນະຜູ້ແທນ ເຂົ້າຮ່ວມກອງປະຊຸມສະພາປະຊາຄົມ ວັດທະນະທຳ-ສັງຄົມອາຊຽນ ຄັ້ງທີ 33
ອາຊຽນ ASEAN
ປະເທດ ສປຈີນ
4/25/2025 11:59:37 AM
ປະເທດຈີນ(China) ມີຊື່ຢ່າງເປັນທາງການວ່າ: ສາທາລະນະລັດ ປະຊາຊົນຈີນ(People’s Republic of China), ມີນະຄອນ ຫລວງ ຊື່ວ່າ: ປັກກິ່ງ, ຈີນ ເປັນລັດເອກະລາດ ໃນອາຊີຕາເວັນອອກ, ຕັ້ງຢູ່ລະຫວ່າງ ສປປ ເກົາຫລີ ກັບ ຫວຽດນາມ ຕິດກັບທະເລຈີນໃຕ້, ອ່າວເກົາຫລີ, ທະເລເຫລືອງ ແລະ ທະເລຈີນຕາເວັນອອກ; ເປັນປະເທດທີ່ມີ ປະຊາກອນ ຫລາຍທີ່ ສຸດໃນໂລກ 1,411 ຕື້ກວ່າຄົນ(ໃນປີ 2023)
ອາຊຽນ ASEAN
ນະໂຍບາຍພາສີຂອງສ.ອາເມລິກາ ສ້າງຜົນກະທົບຕໍ່ການຄ້າໃນພາກພື້ນ-ສາກົນ
4/10/2025 4:34:33 PM
ອາຊຽນ ໄດ້ຈັດກອງປະຊຸມ ລັດຖະມົນຕີ ເສດຖະກິດ ອາຊຽນ ຜ່ານທາງວິດີໂອ, ເພື່ອປຶກສາ ຫາລືວ່າ ຈະເຮັດແນວໃດ ເພື່ອຮັບມືກັບ ນະໂຍບາຍ ພາສີ ຫລ້າສຸດ ຂອງ ສ.ອາເມລິກາ ແລະ ໄດ້ອອກຖະແຫລງການຮ່ວມ ຫລັງກອງປະຊຸມ.
ອາຊຽນ ASEAN
ສປປ ລາວ ຮ່ວມສະເຫລີມສະຫລອງ ວັນສັງຄົມສົງເຄາະອາຊຽນ
3/27/2025 5:01:34 PM
ຂປລ. ສປປ ລາວ ໄດ້ຮ່ວມກັບບັນດາປະເທດສະມາຊິກອາຊຽນ ສະເຫລີມສະຫລອງວັນສັງຄົມສົງເຄາະອາຊຽນ (15 ມີນາ) ເພື່ອຍົກສູງບົດບາດອັນສໍາຄັນ ຂອງນັກສັງຄົມສົງເຄາະ ແລະ ບຸກຄະລາກອນສັງຄົມສົງເຄາະ ໃນການຫລຸດຜ່ອນຄວາມສ່ຽງ ຈາກໄພພິບັດ ແລະ ການສ້າງຄວາມທົນທານຕໍ່ ການປ່ຽນແປງສະພາບ ດິນຟ້າອາກາດ ໃນວັນທີ 25 ມີນາ 2025 ທີ່ນະຄອນຫລວງວຽງຈັນ ໂດຍມີພະນັກງານຈາກພາກລັດ, ສະຖາບັນການສຶກສາ, ຄູ່ຮ່ວມພັດທະນາ ແລະ ນັກສຶກສາທີ່ໜຸ່ມນ້ອຍ ຈາກພາກວິຊາສັງຄົມສົງເຄາະ ແລະ ການພັດທະນາ ຄະນະວິທະຍາສາດສັງຄົມ ເຂົ້າຮ່ວມ.