*ປ້າຍທີ່ນຳໃຊ້ໃນ ສປປ ລາວ ມີຫລາຍປະເພດ 3 ເປັນຕົ້ນ: ປ້າຍບົ່ງບອກ ແມ່ນ ປ້າຍທີ່ມີເນື້ອໃນ ຊີ້ບອກ ແນະນໍາ ຊື່ ສໍານັກງານ, ອົງການລັດ ແລະ ເອກະຊົນ, ສະຖານທີ່ຕ່າງໆ, ໜ່ວຍ, ຄຸ້ມ, ບ້ານ, ເມືອງ, ເທສະບານ, ນະຄອນ, ແຂວງ, ນະຄອນຫລວງ, ຖະໜົນ, ທິດທາງການ ສັນຈອນ, ດ່ານເຂົ້າ-ອອກລະຫວ່າງປະເທດ, ເຕືອນ, ບັງຄັບ, ເກືອດຫ້າມ ອື່ນໆ; ປ້າຍສຶກສາອົບຮົມ ແມ່ນ ປ້າຍທີ່ມີເນື້ອໃນ ເຜີຍແຜ່ ແນວທາງ, ນະໂຍບາຍ, ກົດໝາຍ, ລະບຽບການ, ຮູບພາບຕ່າງໆ ເພື່ອປຸກລະດົມນໍ້າໃຈຮັກຊາດ, ຮັກມູນເຊື້ອ ວັດທະນະທໍາຮີດຄອງປະເພນີອັນດີງາມຂອງ ຊາດ ແລະ ປ້າຍໂຄສະນາ ແມ່ນປ້າຍທີ່ມີເນື້ອໃນ ນໍາສະເໜີ ສະຖານທີ່ການຜະລິດ, ຜະລິດຕະພັນສິນຄ້າ, ອຸປະໂພກ, ບໍລິໂພກ, ສະຖານທີ່ທ່ອງທ່ຽວ ແລະ ການບໍລິການຕ່າງໆ.

ນອກຈາກນີ້ ຍັງແບ່ງອອກເປັນ 3 ຊະນິດ ຕົ້ນຕໍ ຄື: ປ້າຍ ພິມ; ປ້າຍ ຂຽນ,ແຕ້ມ, ປັ້ນ, ຫລໍ່, ຄວັດ ຫລື ແກະສະຫລັກ ແລະ ປ້າຍ ເອເລັກໂຕຣນິກ. ໃນນັນ, ປ້າຍພິມ ແມ່ນ ປ້າຍທີ່ໄດ້ນໍາເອົາຕົ້ນສະບັບ ທີ່ເປັນຕົວໜັສື, ຮູບພາບ, ຮູບແຕ້ມ, ເຄື່ອງໝາຍການຄ້າ ຫລື ເຄື່ອງໝາຍ ອື່ນໆ ມາພິມໃສ່ວັດສະດຸຕ່າງໆ. ສ່ວນປ້າຍຂຽນ, ແຕ້ມ, ປັ້ນ, ຫລໍ່, ຄວັດ ຫລື ແກະສະຫລັກ. ສຳລັບ, ປ້າຍຂຽນ, ແຕ້ມ, ປັ້ນ, ຫລໍ່, ຄວັດ ຫລື ແກະສະຫລັກ ແມ່ນ ປ້າຍທີ່ໄດ້ຜ່ານຂະບວນການໃຊ້ວັດຖຸປະກອນ ເຕັກນິກສະເພາະດ້ານວິຈິດສິນ ມາຂຽນ, ແຕ້ມ, ປັ້ນ, ຫລໍ່, ຄວັດ ຫລື ແກະ ສະຫລັກ ໃສ່ໄມ້, ຫີນອ່ອນ ແລະ ວັດຖຸ ອື່ນ ເປັນຕົວໜັງສື, ຮູບພາບ, ຮູບແຕ້ມ, ເຄື່ອງໝາຍການຄ້າ ຫລື ເຄື່ອງໝາຍອື່ນໆ. ປ້າຍເອເລັກໂຕຣນິກ ແມ່ນ ປ້າຍທີ່ນໍາໃຊ້ໄຟຟ້າເຂົ້າໃນການຕິດຕັ້ງ ໃນຮູບແບບຈໍພາບ, ຕູ້ໄຟຟ້າ, ລະບົບ ຄອມພິວເຕີທີ່ມີແສງສີ ໂດຍມີພາບເຄື່ອນໄຫວ ຫລື ບໍ່ເຄື່ອນ ໄຫວ ຊຶ່ງບັນຈຸຂໍ້ມູນ ຂ່າວສານ ທີ່ເປັນຕົວໜັງສື ຫລື ຮູບ ພາບ, ຮູບແຕ້ມ ຫລື ເຄື່ອງໝາຍການຄ້າ ຫລື ເຄື່ອງໝາຍອື່ນໆ.

KPL