ຂປລ
ລັດຖະບານໄທ ຫັນປ່ຽນກົນລະຍຸດໃໝ່ ເພື່ອດຶງດູດນັກທ່ອງທ່ຽວ ເຂົ້າມາປະເທດຂອງຕົນຫລາຍຂຶ້ນ ລວມດຶງເອົາເງິນ
ຕາຕ່າງປະເທດ ເພື່ອສ້າງຄວາມເຂັ້ມແຂງໃຫ້ເສດຖະ ກິດພາຍໃນ ທ່າມກາງເສດຖະກິດ, ສະພາບການເມືອງໂລກ ແລະ ເງິນ ເຟີ້ໃນໂລກຍັງສັ່ນຄອນຕໍ່ເນື່ອງ.
*ລັດຖະບານໄທ ຫັນປ່ຽນກົນລະຍຸດໃໝ່ ເພື່ອດຶງດູດນັກທ່ອງທ່ຽວ ເຂົ້າມາປະເທດຂອງຕົນຫລາຍຂຶ້ນ ລວມດຶງເອົາເງິນຕາຕ່າງປະເທດ ເພື່ອສ້າງຄວາມເຂັ້ມແຂງໃຫ້ເສດຖະ ກິດພາຍໃນ ທ່າມກາງເສດຖະກິດ, ສະພາບການເມືອງໂລກ ແລະ ເງິນ ເຟີ້ໃນໂລກຍັງສັ່ນຄອນຕໍ່ເນື່ອງ. ວັນທີ 4 ກັນຍາ 2023, ຂ່າວສົດ ຂອງໄທ ໄດ້ລາຍງານວ່າ: ທ່ານ ສິດ ທິວັດ ຊີວະຣັດນະພອນ, ປະທານສະມາຄົມທຸລະກິດທ່ອງທ່ຽວໄທ ໄດ້ເປີດເຜີຍວ່າ: ລັດຖະບານໄທ ໄດ້ປະກາດແນວທາງການສ່ົງເສີມ ການທ່ອງທ່ຽວຢ່າງຈະແຈ້ງ ໂດຍຍົກເວັ້ນວີຊາ ຫລື ບໍ່ເກັບຄ່າວີຊາ ສໍາລັບນັກທ່ອງທ່ຽວຈີນນັ້ນ ໝາຍວ່ານັກທ່ອງທ່ຽວຈີນ ພຽງຖືປັດສະປອດເດີນທາງເຂົ້າປະເທດໄທດ້ເລີຍ ແລະ ຄາດວ່າການຍົກເວັ້ນ ບໍ່ເກັບຄ່າວີຊານີ້ຈະຈັດຕັ້ງປະຕິບັດຊົ່ວຄາວໃນໄລຍະລະດູການທ່ອງທ່ຽວຈະມາເຖິງນີ້ ຫລື ໄຮຊີຊັນ ນັບແຕ່ເດືອນຕຸລາ 2023 ເປັນຕົ້ນໄປ.
ນະໂຍບາຍການຍົກເວັ້ນບໍ່ເກັບຄ່າວີຊ່າ ເຊິ່ງໄດ້ຮັບການຊີ້ນໍາຈາກ ທ່ານນາຍົກຄົນໃໝ່ ເພື່ອດຶງດູດການທ່ອງທ່ຽວໃຫ້ຟົດຟື້ນກວ່າເກົ່າ ປັດຈຸບັນບັນດາບໍລິສັດທ່ອງທ່ຽວຈີນ ໄດ້ຮັບຊາບກ່ຽວກັບເລື່ອງນີ້ຄາດວ່ານັກທ່ອງທ່ຽວຈີນ ກຽມຄວາມພ້ອມຈະ ເດີນທາງ ເຂົ້າມາຢ້ຽມຢາມປະເທດໄທຫລາຍຂ້ຶນ ໂດຍຜ່ານຊ່ອງທາງສາຍການບິນ, ເສັ້ນທາງລົດໄຟລາວ-ຈີນ ແລະ ຜ່ານສາຍທາງຊາຍແດນອື່ນໆ. ປັດຈຸບັນນີ້ໜ່ວຍງານກ່ຽວຂ້ອງພາຍໃນປະເທດໄທ ກະກຽມກາບບໍລິການຮອບດ້ານໃຫ້ນັກທ່ອງທ່ຽວ ໂດຍສະ ເພາະການຄວບ ຄຸມລາຄາສິນຄ້າ, ຄວາມປອດໄພ, ບໍລິການລົດແທັກຊີ, ໂຮງແຮມ, ເຮືອນພັກ, ຮ້ານອາຫານ ທີ່ສະອາດ-ປອດໄພ, ການຮ່ວມມືກັບອາຊຽນ ແລະ ອື່ນໆ ເພື່ອຮັບມືກັບໄລຍະລະດູການທ່ອງທ່ຽວ ຈະເປີດສາກຂຶ້ນພາຍໃນເດືອນຕຸລາເປັນຕົ້ນໄປ, ແຕ່ສິ່ງທີ່ໜ້າສົນໃຈ ທີ່ສຸດໄລຍະບຸນປີໃໝ່ຈີນ ຄາດວ່າ ນັກທ່ອງທ່ຽວຈະເຂ້ົາມາທ່ຽວໄທ ປະມານ 1-2 ລ້ານຄົນ.
KPL
