ຂປລ
ຂປລ.ວັນທີ 18 ກັນຍາ 2023 ນີ້, ທີ່ແຂວງສາລະວັນ, ກົມໂຄສະນາການທ່ອງທ່ຽວ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດຊຸດຝຶກອົບຮົມ ສ້າງຄວາມເຂັ້ມແຂງ ດ້ານມາດຕະຖານ ການໃຫ້ບໍລິການທ່ອງທ່ຽວ ໃຫ້ແກ່ພະນັກງານ ປະຈຳສູນຂໍ້ມູນຂ່າວສານ ການທ່ອງທ່ຽວ 4 ແຂວງພາກໃຕ້ ຄື: ແຂວງຈຳປາສັກ, ແຂວງເຊກອງ, ແຂວງອັດຕະປື ແລະ ແຂວງສາລະວັນ.
ຂປລ.ວັນທີ 18 ກັນຍາ 2023 ນີ້, ທີ່ແຂວງສາລະວັນ, ກົມໂຄສະນາການທ່ອງທ່ຽວ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດຊຸດຝຶກອົບຮົມ ສ້າງຄວາມເຂັ້ມແຂງ ດ້ານມາດຕະຖານ ການໃຫ້ບໍລິການທ່ອງທ່ຽວ ໃຫ້ແກ່ພະນັກງານ ປະຈຳສູນຂໍ້ມູນຂ່າວສານ ການທ່ອງທ່ຽວ 4 ແຂວງພາກໃຕ້ ຄື: ແຂວງຈຳປາສັກ, ແຂວງເຊກອງ, ແຂວງອັດຕະປື ແລະ ແຂວງສາລະວັນ.
ໂອກາດນີ້, ທ່ານ ນາງ ມະນີສາຄອນ ທຳມະວົງໄຊ ຮອງຫົວໜ້າກົມໂຄສະນາ ການທ່ອງທ່ຽວ ກະຊວງ ຖວທ ໄດ້ຊີ້ໃຫ້ເຫັນເຖິງຈຸດປະສົງ ຂອງການຝຶກອົບຮົມຄັ້ງນີ້ວ່າ: ການສ້າງຄວາມເຂັ້ມແຂງ ດ້ານມາດຕະຖານ ໃຫ້ບໍລິການແກ່ພະນັກງານ ປະຈຳສູນອງຂໍ້ມູນຂ່າວສານ ການທ່ອງທ່ຽວ ແມ່ນມີຄວາມສຳຄັນ ແລະ ຈຳເປັນທີ່ສຸດ ສຳລັບວຽກງານ ການໂຄສະນາການທ່ອງທ່ຽວ ເຊິ່ງເປັນສະຖານທີ່ ຕອບສະໜອງ ຄວາມຕ້ອງການ ຂອງນັກທ່ອງທ່ຽວ ເພື່ອຈະເດີນທາງໄປທ່ອງທ່ຽວ ແຕ່ລະສະຖານທີ່ຢູ່ໃນ ສປປ ລາວ, ສະຖານ ທີ່ແຫລ່ງທ່ອງທ່ຽວ, ການເດີນທາງໄປມາ, ສະຖານທີ່ພັກແຮມ, ຮ້ານອາຫານ, ຮ້ານຄ້າ ແລະ ການບໍລິ ການອື່ນໆ ທີ່ຕິດພັນກັບການທ່ອງທ່ຽວ. ສະນັ້ນ ການບໍລິການຕ່າງໆ ຢູ່ສູນຂໍ້ມູນຂ່າວສານການທ່ອງທ່ຽວຈຶ່ງສຳຄັນ ໂດຍສະເພາະ ແມ່ນບຸກຄະລາກອນຕ້ອງມີຄວາມຮູ້, ຄວາມສາມາດ ແລະ ມີທັກສະ ໃນການບໍລິການສະຫນອງຂໍ້ມູນ, ການແນະນຳຂໍ້ມູນບັນດາ ແຫລ່ງທ່ອງທ່ຽວ ທີ່ນັກທ່ອງທ່ຽວຕ້ອງການ.
ການອົບຮົມຄັ້ງນີ້, ຜູ້ເຂົ້າຮ່ວມໄດ້ຮຽນຮູ້ຄວາມສຳຄັນ ຂອງວຽກງານບໍລິການ, ທັກສະພື້ນຖານການບໍລິການຕ້ອນຮັບແຂກ, ຄວາມໝາຍ ແລະ ຄວາມສຳຄັນ ຂອງວຽກງານບໍລິການສ່ວນໜ້າ, ຂະບວນການ ໜ້າວຽກ ຂອງພະນັກງານການຕ້ອນຮັບ, ທັງຮຽນຮູ້ກ່ຽວກັບ ການການສ້າງຕູ້ສະໜອງ ຂໍ້ມູນຂ່າວສານໂຄສະນາ ການທ່ອງທ່ຽວ, ຂັ້ນຕອນ, ເຕັກນິກ, ວິທີອອກແບບ ສິ່ງພິມໂຄສະນາ ການທ່ອງທ່ຽວ ດ້ວຍໂປຣແກມ Micrsolt PorwerPoint, ການປັບແຕ່ງຮູບດ້ວຍ Adobe Photoshop.
ຂໍ້ມູນ: ກົມໂຄສະນາການທ່ອງທ່ຽວ
KPL
