*ພາຍຫລັງທີ່ ສປປລາວ ໄດ້ດໍາເນີນນະໂຍບາຍປະຕູເປີດກວ້າງ ການປ່ຽນແປງໃໝ່ ໄດ້ເຮັດນັກລົງ ທຶນຕ່າງປະເທດເຂົ້າມາລົງທຶນຢູ່ ລາວເພີ່ມຂຶ້ນຢ່າງຫລວງຫລາຍ ເຊັ່ນ: ສປ ຈີນ, ສສ ຫວຽດນາມ, ໄທ, ສ ເກົາຫລີ, ຍີ່ປຸ່ນ ແລະ ປະເທດ ເພື່ອນມິດສາກົນ. ໃນນັ້ນສິ່ງທ ພົ້ນເດັ່ນຄື: ກຸ່ມນັກລົງທຶນຈາກ ສປ ຈີນ ໄດ້ເລີ່ມເຂົ້າມາລົງທຶນຢູ່ ສປປ ລາວ ນັບຕັ້ງແຕ່ຊຸມປີ 90 ເປັນຕົ້ນມາ.ໃນໄລຍະ 30 ກວ່າປີຜ່ານມາ, ການລົງທຶນຂອງ ສປ ຈີນ ຢູ່ ສປປ ລາວ ມີການເຕີບໃຫຍ່ຂະຫຍາຍ ຕົວຢ່າງຕໍ່ເນື່ອງ, ຕາມຂໍ້ມູນຈາກ ກະຊວງແຜນການ ແລະ ການລົງ ທຶນ ໄດ້ລາຍງານວ່າ: ສປ ຈີນ ຢູ່ລາວ ຖືກຈັດຢູ່ອັນດັບທີ 1 ຈາກ 53 ປະເທດ ທີ່ເຂົ້າມາລົງທຶນໃນ ສປປ ລາວ ມາຮອປັດຈຸບັນການລົງທຶນ ຂອງ ສປ ຈີນ ຢູ່ ສປປ ລາວ ມີຈໍານວນ 800 ກວ່າໂຄງການ ລວມ ມູນຄ່າປະມານ 16 ຕື້ໂດລາສະ ຫະລັດ ເຊິ່ງກວມເອົາຫລາຍຂົງ ເຂດວຽກງານ ເປັນຕ້ົນແມ່ນການພັດທະນາພື້ນຖານໂຄງລ່າງ, ພະ ລັງງານ-ບໍ່ແຮ່, ວິທະຍາສາດ-ເຕັກ ໂນໂລຊີ, ອຸດສາຫະກໍາ-ການຄ້າ, ກະສິກໍາ, ການສຶກສາ, ທ່ອງທ່ຽວ ແລະ ຂະແໜງການອື່ນໆ ແລະ ໄດ້ ປະກອບສ່ວນສໍາຄັນເຂົ້າໃນການ ພັດທະນາເສດຖະກິດ-ສັງຄົມ ຂອງ ສປປ ລາວ ກໍຄື ການສ້າງວຽກ ເຮັດງານທໍາໃຫ້ປະຊາຊົນລາວ ເຮັດໃຫ້ຊີວິດການເປັນຢູ່ຂອງປະ ຊາຊົນລາວ ຈຳນວນບໍ່ໜ້ອຍໄດ້ຮັບ ການປັບປຸງຍົກລະດັບໃຫ້ດີຂຶ້ນ ເປັນກ້າວໆມາ. ແຕ່ອັນທີ່ພົ້ນເດັ່ນ ທີ່ສຸດກໍແມ່ນການກໍ່ສ້າງເສ້ັນທາງ ລົດໄຟ ລາວ - ຈີນ ທີ່ໄດ້ລົງມືກໍ່ສ້າງ ໃນຕົ້ນປີ 2016 ແລະ ເປີດໃຫ້ບໍລິ ການນັບແຕ່ວັນທີ 3 ທັນວາ 2021 ເປັນຕົ້ນມາ. ເສັ້ນທາງລົດໄຟ ລາວ-ຈີນ ໄດ້ປະກອບສ່ວນອັນສໍາຄັນ ໃນການປະຕິບັດຍຸດທະສາດ ຂອງ ສປປ ລາວ ໃນການຫັນປະເທດທີ່ ບໍ່ມີຊາຍແດນຕິດກັບທະເລ ເປັນ ປະເທດເຊື່ອມໂຍງເຊື່ອມຈອດກັບ ພາກພື້ນ ແລະ ສາກົນ. ພ້ອມນັ້ນ, ເສັ້ນທາງລົດໄຟ ລາວ - ຈີນ ໄດ້ເຮັດ ໃຫ້ສະພາບແວດລ້ອມການລົງທຶນ ຢູ່ ສປປ ລາວ ໄດ້ຮັບການປັບ ປຸງ, ກາຍເປັນປັດໄຈສຳຄັນໃນການດຶງ ດູດການລົງທຶນຈາກຕ່າງປະເທດ ເນື່ອງຈາກມີຄວາມສະດວກໃນ ການຂົນສົ່ງສິນຄ້າ, ການລົງທຶນ, ການທ່ອງທ່ຽວ. ນອກຈາກນັ້ນຍັງ ຊ່ວຍປະຢັດເວລາ ແລະ ງົບປະມານ ໃນການຂົນສົ່ງ. ເສັ້ນທາງລົດໄຟ ລາວ - ຈີນ ຍັງໄດ້ນໍາເອົາຜົນປະ ໂຫຍດຫລາຍດ້ານໃນຍົກລະດັບ ຊີວິດການເປັນຢູ່ຂອງປະຊາຊົນ ສອງຊາດ ລາວ - ຈີນ ລວມທັງບັນ ດາປະເທດອະນຸພາກພື້ນ ແລະ ສາ ກົນ ເຊິ່ງໄດ້ກາຍເປັນທ່າແຮງອັນ ສໍາຄັນທີ່ໄດ້ກະຕຸ້ນອຸດສາຫະກໍາ ທ່ອງທ່ຽວຂອງ ສປປ ລາວ. ຍ້ອນ ຄວາມສະດວກສະບາຍໃນການ ເດີນທາງຈໍານວນຜູ້ຊົມໃຊ້ເສັ້ນ ທາງລົດໄຟ ລາວ - ຈີນ ຈຶ່ງນັບມື້ ນັບເພີ່ມຂຶ້ນຢ່າງຕໍ່ເນື່ອງ. ສະນັ້ນ, ຈຶ່ງມີຄວາມຈຳເປັນຕ້ອງໄດ້ເພີ່ມ ຖ້ຽວລົດ ໄຟຂົນສົ່ງຜູ້ໂດຍສານ ເພື່ອຕອບສະໜອງຄວາມຕ້ອງ ການຂອງຜູ້ຊົມໃຊ້ທີ່ນັບມື້ເພີ່ມ ຂຶ້ນ. ນັບແຕ່ເລີ່ມເປີດເສັ້ນທາງລົດໄຟ ລາວ - ຈີນ ມາຮອດເດືອນມິຖຸນາ 2023, ບໍລິສັດທາງລົດໄຟ ລາວ -ຈີນ ສາມາດດຳເນີນການຂົນສົ່ງສິນ ຄ້າໄດ້ທັງໝົດ 4.097.300 ໂຕນ. ໃນນັ້ນ, ສາມາດຂົນສົ່ງສິນຄ້າຈາກ ສປປ ລາວ ໄປ ສປ ຈີນ ໄດ້ປະມານ 3.450.000 ກວ່າໂຕນ, ຂົນສົ່ງ ສິນຄ້າຈາກຈີນມາລາວ 650.900 ກວ່າໂຕນ.ສ່ວນສິນຄ້າທີ່ ສປປ ລາວ ສົ່ງ ອອກໄປຈີນ ກໍມີຫລາຍປະເພດ ເປັນຕົ້ນແມ່ນ ຢາງພາລາ, ແຮ່ ເຫລັກ, ເຂົ້າສານ, ຖ່ານ, ແປ້ງມັນ ຕົ້ນ, ແຮ່ສັງກະສີ, ແຮ່ເຫລັກ,  ໝາກ ໄມ້ ແລະ ອື່ນໆ. ອັນນີ້ສະແດງໃຫ້ ເຫັນວ່າສິນຄ້າຂອງ ສປປ ລາວ ໄດ້ເຂົ້າເຖິງຕະຫລາດໃຫຍ່ ແລະ ມີກໍາລັງຊື້ຫລາຍ. ພ້ອມດຽວກັນ ນັ້ນ, ລົດໄຟລາວ-ຈີນ ຍັງໄດ້ປະ ກອບສ່ວນອັນສໍາຄັນ ໃນການສ້າງ ວຽກເຮັດງານທໍາໃຫ້ແກ່ປະຊາຊົນ ລາວເປັນຈຳນວນຫລວງຫລາຍ, ຊ່ວຍ ສປປ ລາວ ພັດທະນາບຸກຄະ ລາກອນໃນຂົງເຂດເຕັກນິກທາງລົດໄຟ. ໃນນັ້ນ, ວິທະຍາໄລເຕັກນິກ- ວິຊາຊີບການລົດໄຟ ທີ່ໄດ້ຮັບການ ສ້າງຕັ້ງຂຶ້ນຢູ່ ສປປ ລາວ ພາຍ ຫລັງທີ່ມີເສັ້ນທາງລົດໄຟ ລາວ- ຈີນ ຈະເລີ່ມເປີດການຮຽນ-ການ ສອນໃນໄວໆນ້ີ ເຊ່ິງຈະກາຍເປັນ ເວທີສຳຄັນໃນການເສີມສ້າງຂີດ ຄວາມສາມາດ ໃຫ້ແກ່ຄົນລາວ ກ່ຽວກັບເຕັກນິກການຂັບຂ່ີ, ການ ສ້ອມແປງ, ບໍາລຸງຮັກສາລະບົບ ໂຄງລ່າງພື້ນຖານການຂົນສົ່ງທາງ ລົດໄຟການບໍລິການຜູ້ໂດຍສານ ທາງລົດໄຟ, ການຄຸ້ມຄອງຂົນ ສົ່ງທາງລົດໄຟ ແລະ ອື່ນໆ.   ແນວໃດ ກໍດີ ໃນອະນາຄົດ ເສັ້ນທາງລົດໄຟ ລາວ-ຈີນຈະສືບພັດທະນາ ແລະ ຂະຫຍາຍເຄືອຂ່າຍເຊີື່ອມໂຍງ- ເຊື່ອມກັບໄທ, ມາເລເຊຍ, ສິງກະໂປ ນອກຈາກນັ້ນຫລາຍຊາດອາຊຽນ ຍັງສຶກສາຈະພັດທະນາເຊື່ອມຈອດ ລາວ ໂດຍສະເພາະກໍາປູເຈຍ, ຫວຽດນາມ ແລະ ອື່ນໆ.

KPL