ຂປລ
ຂປລ. ນັບຕັ້ງແຕ່ເປີດໃຫ້ບໍລິການຂົນສົ່ງຜູ້ໂດຍສານ ໃນວັນທີ 3 ທັນວາ 2021 ເປັນຕົ້ນມາ,ທາງລົດໄຟລາວ-ຈີນ ໄດ້ດຳເນີນການຂົນສົ່ງຜູ້ໂດຍສານ ຢ່າງປອດໄພ ແລະ ຕໍ່ເນື່ອງ, ພ້ອມທັງຍົກສູງຄຸນນະພາບການຂົນສົ່ງຜູ້ໂດຍສານ ແລະ ສິນຄ້າ ໃຫ້ດີຂຶ້ນເລື້ອຍໆ, ມາຮອດວັນທີ 16 ສິງຫາ 2023 ນີ້
ຂປລ. ນັບຕັ້ງແຕ່ເປີດໃຫ້ບໍລິການຂົນສົ່ງຜູ້ໂດຍສານ ໃນວັນທີ 3 ທັນວາ 2021 ເປັນຕົ້ນມາ,ທາງລົດໄຟລາວ-ຈີນ ໄດ້ດຳເນີນການຂົນສົ່ງຜູ້ໂດຍສານ ຢ່າງປອດໄພ ແລະ ຕໍ່ເນື່ອງ, ພ້ອມທັງຍົກສູງຄຸນນະພາບການຂົນສົ່ງຜູ້ໂດຍສານ ແລະ ສິນຄ້າ ໃຫ້ດີຂຶ້ນເລື້ອຍໆ, ມາຮອດວັນທີ 16 ສິງຫາ 2023 ນີ້, ທາງລົດໄຟລາວ-ຈີນ ໄດ້ສະສົມການຂົນສົ່ງຜູ້ໂດຍສານຫລາຍກວ່າ 2.000 ລ້ານເທື່ອຄົນ. ໃນນັ້ນປະເທດຈີນຂົນສົ່ງຜູ້ໂດຍສານ 1.709 ລ້ານເທື່ອຄົນ ແລະ ປະເທດລາວຂົນສົ່ງຜູ້ໂດຍສານ 300 ລ້ານເທື່ອຄົນ.
ທ່ານ ຊົງຕາວຈຽງ ພະແນກຈັດການໂຄງການກໍ່ສ້າງ ກຸ່ມບໍລີສັດທາງລົດໄຟຈີນ ບໍ່ເຕັນ-ນະຄອນຫລວງວຽງຈັນ ຊ່ວງສັນຍາທີFJSGⅡ ໄດ້ໃຫ້ຮູ້ວ່າ: ທາງລົດໄຟລາວ-ຈີນ ໄດ້ເຊື່ອມຕໍ່ບັນດາສະຖານທີ່ທ່ອງທ່ຽວ ແລະ ສົ່ງເສີມການຫລັງໄຫລຂອງນັກທ່ອງທ່ຽວຢູ່ລຽບຕາມເສັ້ນທາງ, ການຂົນສົ່ງ ແລະ ການແລກປ່ຽນຂໍ້ມູນຂ່າວສານ ໃຫ້ມີປະສິດທິຜົນ ໂດຍສະເພາະແມ່ນບຸນປີໃໝ່ລາວ ແລະ ບຸນປະເພນີອື່ນໆ ໄດ້ມີນັກທ່ອງທ່ຽວຕ່າງປະເທດ ເຊັ່ນ:ເອີຣົບ, ອາເມລິກາ, ນັກທ່ອງທ່ຽວຈີນ, ປະຊາຊົນຊາວລາວທ້ອງຖິ່ນ ແລະ ນັກທ່ອງທ່ຽວຈາກປະເທດອາຊີ, ການທ່ອງທ່ຽວຂ້າມຊາຍແດນ ສືບຕໍ່ທີ່ນິຍົມ. ພວກເຮົາ ໄດ້ເອົາໃຈໃສ່ບຳລຸງຮັກສາແຕ່ລະສະຖານີ ເພື່ອໃຫ້ຜູ້ໂດຍສານມີຄວາມສະດວກໃນການເດີນທາງ, ບໍລິສັດມີພະນັກງານບຳລຸງຮັກສາທັງໝົດ 10 ຄົນ, ແຕ່ຄົນໄດ້ຢູ່ໃນແຕ່ລະອາຄານສະຖານີ ເພື່ອປະຕິບັດການບໍາລຸງຮັກສາສະຖານີ, ກວດກາສ້ອມແປງອຸປະກອນສະໝອງນໍ້າ, ບໍາລຸງຮັກສາລະບົບໄຟຟ້າ ແລະ ອື່ນໆ ເພື່ອປ້ອງກັນການດໍາເນີນທາງລົດໄຟ ຢ່າງປອດໄພ.
ປີຜ່ານມານີ້, ກົມທາງລົດໄຟ ໄດ້ປັບປຸງການສະໜອງການຂົນສົ່ງຜູ້ໂດຍສານ ໃຫ້ດີທີ່ສຸດຕາມສະພາບການປ່ຽນແປງຜູ້ໂດຍສານຂອງທາງລົດໄຟລາວ-ຈີນ, ນັບແຕ່ເດືອນ ມັງກອນຫາເດືອນສິງຫາ ໄດ້ຂົນສົ່ງຜູ້ໂດຍສານ 1.120 ລ້ານເທື່ອຄົນ, ທຽບໃສ່ປີຜ່ານມາເພີ່ມຂຶ້ນ 101% ໂດຍສະເພາະນັບແຕ່ເປີດລົດໄຟໂດຍສານສາກົນ ໃນວັນທີ 13 ເມສາ ເປັນຕົ້ນມາ, ສະສົມຜູ້ໂດຍສານທີ່ມາຈາກ 49 ປະເທດ ແລະ ແຕ່ລະຂົງເຂດ 50.000 ຄົນ, ນັກທ່ອງທ່ຽວໄດ້ເລືອກຂີ່ລົດໄຟລາວ-ຈີນ ເພື່ອເດີນທາງຂ້າມຊາຍແດນທ່ອງທ່ຽວ.
KPL
