ຂປລ
ກອງປະຊຸມ ຄະນະ ກຳມະການ ສຳຮອງ ສະບຽງ ອາຫານ ອາຊຽນ (AFSRB) ຈັດຂຶ້ນ ລະຫວ່າງ ວັນທີ7 ຫາ8 ມິຖຸນານີ້ ຢູ່ອິນໂດເນເຊຍ ເພື່ອປຶກສາ ຫາລື ກ່ຽວກັບ ຫລາຍບັນຫາ ທີ່ກ່ຽວຂ້ອງເຖິງ ສະບຽງ ອາຫານ, ລວມມີ ວິກິດການ ດ້ານສະບຽງ ອາຫານ, ເອລນີໂນ (El Nino) ແລະ ວິທີການ ກະກຽມສຳຮອງ ສະບຽງ ອາຫານ ທີ່ເໝາະສົມ ຢູ່ບັນດາ ປະເທດ ອາຊຽນ.
ຂປລ.ຕາມຂ່າວຈາກ ວິທະຍຸສາກົນ ສສ ຫວຽດນາມ,ກອງປະຊຸມ ຄະນະ ກຳມະການ ສຳຮອງ ສະບຽງ ອາຫານ ອາຊຽນ (AFSRB) ຈັດຂຶ້ນ ລະຫວ່າງ ວັນທີ7 ຫາ8 ມິຖຸນານີ້ ຢູ່ອິນໂດເນເຊຍ ເພື່ອປຶກສາ ຫາລື ກ່ຽວກັບ ຫລາຍບັນຫາ ທີ່ກ່ຽວຂ້ອງເຖິງ ສະບຽງ ອາຫານ, ລວມມີ ວິກິດການ ດ້ານສະບຽງ ອາຫານ, ເອລນີໂນ (El Nino) ແລະ ວິທີການ ກະກຽມສຳຮອງ ສະບຽງ ອາຫານ ທີ່ເໝາະສົມ ຢູ່ບັນດາ ປະເທດ ອາຊຽນ. ຈາກນັ້ນ ທ່ານ Arief Prasetyo Adi, ຜູ້ນຳ ອົງການ ສະບຽງ ອາຫານ ແຫ່ງຊາດ ອິນໂດເນເຊຍ (NFA) ເປີດເຜີຍວ່າ: ອິນໂດເນເຊຍ ແລະ ບັນດາ ປະເທດ ອາຊຽນ ຕ້ອງມີການກະທຳ ຢ່າງລະອຽດ ເພື່ອແກ້ໄຂ ຄວາມສ່ຽງ ດ້ານວິກິດການ ດ້ານສະບຽງ ອາຫານ ທົ່ວໂລກ, ລວມມີ ບັນດາຄວາມສ່ຽງ ທີ່ບໍ່ເຄີຍມີມາກ່ອນ ຕໍ່ລະບົບ ສະບຽງ ອາຫານ. ແລະ ຕ້ອງຮັບປະກັນ ຄວາມໝັ້ນຄົງ ຂອງແຫລ່ງ ສະບຽງອາຫານ ທີ່ມີຢູ່ແລ້ວ, ຄວາມສາມາດ ໃນການເຂົ້າເຖິງ ແລະ ນຳໃຊ້ ສະບຽງ ອາຫານ ໃນພາກພື້ນນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
