ຂປລ
ໂຄງການ ກໍ່ສ້າງ ທາງດ່ວນ ຈາກນະຄອນຫລວງ ພະນົມເປັນ ຫາເມືອງ ບາເວັດ ແຂວງສະວາຍລຽງ ຂອງກຳປູເຈຍ ເລີ່ມລົງມື ກໍ່ສ້າງ ຢູ່ແຂວງ ການດານ ໂດຍມີ ທ່ານ ຮຸນເຊັນ, ນາຍົກ ລັດຖະມົນຕີ ກຳປູເຈຍ ແລະ ພາກສ່ວນ ທີ່ກ່ຽວຂ້ອງ ເຂົ້າຮ່ວມ ພິທີເປີດໂຄງການ ໃນຄັ້ງນີ້
ຂປລ.ຕາມຂ່າວຈາກ ວິທະຍຸສາກົນ ແຫ່ງ ສປ ຈີນ,ເມື່ອບໍ່ດົນມານີ້, ໂຄງການ ກໍ່ສ້າງ ທາງດ່ວນ ຈາກນະຄອນຫລວງ ພະນົມເປັນ ຫາເມືອງ ບາເວັດ ແຂວງສະວາຍລຽງ ຂອງກຳປູເຈຍ ເລີ່ມລົງມື ກໍ່ສ້າງ ຢູ່ແຂວງ ການດານ ໂດຍມີ ທ່ານ ຮຸນເຊັນ, ນາຍົກ ລັດຖະມົນຕີ ກຳປູເຈຍ ແລະ ພາກສ່ວນ ທີ່ກ່ຽວຂ້ອງ ເຂົ້າຮ່ວມ ພິທີເປີດໂຄງການ ໃນຄັ້ງນີ້ ໂດຍການລົງທຶນ ກໍ່ສ້າງ ຂອງບໍລິສັດ ຈຳກັດ ໂຄງການທາງ ແລະ ຂົວຈີນ ຈຳກັດ, ຊຶ່ງແມ່ນທາງດ່ວນ ສາຍທີ 2 ຂອງກຳປູເຈຍ, ທີ່ມີຄວາມຍາວ ປະມານ 135 ກິໂລແມັດ, ຕົ້ນທາງ ແມ່ນເລີ່ມຈາກ ເສັ້ນທາງວົງແຫວນ ທີ 3 ຂອງນະຄອນຫລວງ ພະນົມເປັນ, ຜ່ານແຂວງ ການດານ ແລະ ແຂວງເປຣວຽງ, ສ່ວນປາຍທາງ ແມ່ນເມືອງ ບາເວັດ ແຂວງ ສະວາຍລຽງ ຕາມຊາຍແດນ ລະຫວ່າງ ກຳປູເຈຍ-ສສ ຫວຽດນາມ. ການອອກແບບ ຂອງທາງດ່ວນ ແມ່ນສອງຟາກມີ 4 ເລນ, ຍອດມູນຄ່າ ການລົງທຶນ ປະມານ 1.376 ຕື້ໂດລາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL