ຂປລ
*ລະຫວ່າງເດືອນພຶດສະພາ ຫາ ເດືອນມິຖຸນານີ້ ແມ່ນໄລຍະແຫ່ງການສອບເສັງ ຂອງນັກຮຽນ ຊັ້ນມັດທະຍົມຕົ້ນ, ມັດທະຍົມປາຍ ສະນັ້ນ, ບັນດາໂຮງຮຽນຕ່າງໆ ກໍໄດ້ສົ່ງເສີມໃຫ້ນັກຮຽນຄົ້ນຄວ້າບົດຮຽນ, ແກ້ບົດເຝິກຫັດ , ຮຽນຕອບຄໍາຖາມສອບເສັງແບບຈໍາລອງ ເພື່ອທົດສອບຄວາມຮູ້, ຄວາມສາມາດຂອງນັກຮຽນເອງ ພ້ອມດຽວກັນນີ້ ກໍຍັງເນັ້ນໜັກໃຫ້ນັກຮຽນທຸກຄົນຮັກສາສຸຂະພາບ ເພື່ອກຽມພ້ອມໃນການສອບເສັງຄັ້ງນີ້.
*ລະຫວ່າງເດືອນພຶດສະພາ ຫາ ເດືອນມິຖຸນາ ນີ້ ແມ່ນໄລຍະແຫ່ງການສອບເສັງ ຂອງນັກຮຽນ ຊັ້ນມັດທະຍົມຕົ້ນ, ມັດທະຍົມປາຍ ສະນັ້ນ, ບັນດາໂຮງຮຽນຕ່າງໆ ກໍໄດ້ສົ່ງເສີມໃຫ້ນັກຮຽນຄົ້ນຄວ້າບົດຮຽນ, ແກ້ບົດເຝິກຫັດ , ຮຽນຕອບຄໍາຖາມແບບສອບເສັງແບບຈໍາລອງ ເພື່ອທົດສອບຄວາມຮູ້, ຄວາມສາມາດຂອງນັກຮຽນເອງ ພ້ອມດຽວກັນນີ້ ກໍຍັງເນັ້ນໜັກໃຫ້ນັກຮຽນທຸກຄົນຮັກສາສຸຂະພາບ ເພື່ອກຽມພ້ອມໃນການສອບເສັງຄັ້ງນີ້.
ອາຈານ ຟອງສະມຸດ ຕຸລາຄົມ ຮອງຜູ້ອໍານວຍການໂຮງຮຽນຮຸ່ງເຮືອງເວົ້າສູ່ຟັງວ່າ: ໄລຍະນີ້ແມ່ນໄລຍະແຫ່ງການສອບເສັງ ຂອງນັກຮຽນຊັ້ນຕ່າງໆ ໂດຍທາງໂຮງຮຽນຂອງພວກເຮົາ ກໍໄດ້ເອົາໃຈໃສ່ເປັນພິເສດ ເພື່ອກຽມຄວາມພ້ອມຕໍ່ການສອບເສັງຈົບຊັ້ນ ປ5 ມ4 ແລະ ມ7 ໂດຍການການຈັດຕັ້ງປະຕິບັດ ການຮຽນ- ການສອນ, ຈັດແບ່ງນັກຮຽນອອກເປັນກຸ່ມ 2 ບໍາລຸງໃນຊົ່ວໂມງ ກິດຈະກໍາ, ພະລະ, ສອນບໍາລຸງຫລັງເລີກຮຽນ ແລະ ສົ່ງຄໍາຖາມທາງວອດແອັບ, ຄູສອນມີແຜນການສອນ, ສ້າງຄໍາຖາມຄົ້ນຄວ້າ ແລະ ເຮັດຫົວສອບເສັງສອບເສັງທົດລອງ ເພື່ອປະເມີນນັກຮຽນ ກ່ອນການສອບເສັງໂຕຈິງທຸກວິຊາ, ຄະນະອໍານວຍ ການ ແລະ ຄູອາຈານແມ່ນໄດ້ຊຸກຍູ້, ລະດົມໃຫ້ນັກຮຽນມາຮຽນເປັນປົກະຕິ ແລະ ຮຽນບໍາລຸງ, ໃຫ້ບົດຝຶກຫັດ, ໃຫ້ວຽກບ້ານ, ເພື່ອໃຫ້ນັກຮຽນໄດ້ຄົ້ນຄວ້າ ແລະ ແກ້ຢູ່ບ້ານ ແລ້ວສົ່ງມາໃຫ້ຄູກວດ, ຄູປະຈໍາຫ້ອງຍັງໄດ້ພົວພັນຜູ້ປົກຄອງ ຊ່ວຍລະດົມນັກຮຽນມາຮຽນເປັນປົກະຕິບໍ່ຂາດໂຮງຮຽນ ຢາກຂໍຝາກເຖິງນ້ອງ ນັກຮຽນ ໃນໄລຍະການກະກຽມສອບເສັງ ແມ່ນໃຫ້ມາຮຽນເປັນປົກະຕິ ເອົາໃຈໃສ່ຄົ້ນຄວ້າໃນຫລາຍວິທີ ເພື່ອຈະສອບເສັງຈົບຊັ້ນໃຫ້ໄດ້ຄະແນນສົມບູນທຸກຄົນ ໃນໄລຍະນີ້ເພາະມີຄວາມສໍາຄັນຫລາຍ ກັບອະນາຄົດຂອງນັກຮຽນເອງ. ສະນັ້ນ, ນັກຮຽນເອງຕ້ອງເປັນເຈົ້າການ ໃນການສຶກສາຄົ້ນຄວ້າບົດຮຽນທີ່ບັນດາຄູ່ອາຈານ ມອບໃຫ້ເພາະມັນເປັນທິດທາງໃນການສອບເສັງໂຕຈິງ.
ອາຈານ ຟອງສະມຸດ ເວົ້າຕື່ມວ່າ: ສໍາລັບການສອບເສັງຈົບຊັ້ນ ມ4, ມ7 ຄັ້ງນີ້ ທີ່ຈະມີຂຶ້ນໃນເດືອນ ມີຖຸນານີ້ ທາງໂຮງຮຽນພວກເຮົາ ແມ່ນຖືກສອບເສັງ ຢູ່ສູນສອບເສັງ ມປາຍໂຮ່ຈີ່ມິງ.ສໍາລັບຄະແນນສອບເສັງຂອງນັກຮຽນ ແມ່ນໄດ້ວາງຄາດຫມາຍສູ້ຊົນ ໃຫ້ໄດ້ຄະແນນໃຫ້ໄດ້ຄະແນນ 7ຂຶ້ນໄປ ແລະ ເສັງໄດ້ສົມ ບູນ. ສຸດທ້າຍນີ້ ຢາກຂໍຝາກເຖິງນ້ອງນັກຮຽນ ໃນໄລຍະການກະກຽມສອບເສັງ ແມ່ນໃຫ້ມາຮຽນເປັນປົກະຕິ ເອົາໃຈໃສ່ຄົ້ນຄວ້າໃນຫລາຍວິທີ ເພື່ອຈະສອບເສັງຈົບຊັ້ນໃຫ້ໄດ້ຄະແນນສົມບູນທຸກຄົນ.
ໂຮງຮຽນຮຸ່ງເຮືອງ ສ້າງຕັ້ງຂຶ້ນໃນປີ 2004 ມີເນື້ອທີທັງຫມົດ 18.440 ຕາແມັດ ປະກອບມີ: ຫ້ອງຮຽນ 71ຫ້ອງ, ຫ້ອງຄອມພິວເຕີ 3 ຫ້ອງ, ຫ້ອງສະຫມຸດ 1 ຫ້ອງ, ຫ້ອງການ 3ຫ້ອງ, ຫ້ອງປະຊຸມ 1 ຫ້ອງ, ຫ້ອງພັກຄູ 2 ຫ້ອງ, ເວທີສະແດງ 1 ຫລັງ, ສະໂມສອນ 4 ຫລັງ, ຫ້ອງນໍ້າ 60 ຫ້ອງ ແລະ ຫໍພັກຄູ 3 ຫລັງ ສໍາລັບຊັ້ນຮຽນແມ່ນມີແຕ່ຂັ້ນລ້ຽງເດັກ, ອະນຸບານ, ປະຖົມ ແລະ ມັດທະຍົມສົມບູນ.
ຂຽນໂດຍ: ມາລີດາ
KPL
