ຂປລ
ຊາວຍີ່ປຸ່ນ ພວມຜະເຊີນກັບ ລາຄາ ໄຂ່ໄກ່ ທີ່ເພີ່ມສູງຂຶ້ນ ເປັນປະຫວັດສາດ ຫລັງລາຄາ ອາຫານສັດ ສູງຂຶ້ນ ແລະ ການລະບາດ ຂອງພະຍາດ ໄຂ້ຫວັດ ສັດປີກ ໃນປະເທດ ໂດຍລາຄາໄຂ່ໄກ່ ຂະໜາດກາງ ມູນຄ່າ 335 ເຢັນ ຕໍ່ກິໂລກຣາມ
ຂປລ.ຕາມຂ່າວຈາກ ຍີ່ປຸ່ນ, ວັນທີ17ກຸມພານີ້, ຊາວຍີ່ປຸ່ນ ພວມຜະເຊີນກັບ ລາຄາ ໄຂ່ໄກ່ ທີ່ເພີ່ມສູງຂຶ້ນ ເປັນປະຫວັດສາດ ຫລັງລາຄາ ອາຫານສັດ ສູງຂຶ້ນ ແລະ ການ ລະບາດ ຂອງພະຍາດ ໄຂ້ຫວັດ ສັດປີກ ໃນປະເທດ ໂດຍລາຄາໄຂ່ໄກ່ ຂະໜາດກາງ ມູນຄ່າ 335 ເຢັນ ຕໍ່ກິໂລກຣາມ ເປັນລາຄາ ທີ່ສູງຂຶ້ນ ເປັນ 2ເທົ່າ ຈາກປີກາຍ ຍ້ອນສົງຄາມ ລະຫວ່າງ ຣັດເຊຍ ແລະ ອູແກຣນ ສົ່ງຜົນໃຫ້ ເງິນເຢັນ ອ່ອນຄ່າ ເຮັດໃຫ້ ລາຄາ ສາລີ ແລະ ອາຫານສັດ ມີລາຄາ ສູງຂຶ້ນ.ຂະນະທີ່ ປະຊາຊົນ ສ່ວນໃຫຍ່ ຈຳເປັນ ຕ້ອງຫລຸດ ປະລິມານ ການບໍລິໂພກ. ສ່ວນເຂົ້າໜົມປັງ (ເບເກີຣີ) ໃນນະຄອນຫລວງ ໂຕກຽວ ຕ້ອງປັບລາຄາ ເພື່ອຄວາມຢູ່ລອດ ເຖິງແມ້ວ່າ ປັດຈຸບັນ ຈຳນວນ ລູກຄ້າ ຫລຸດລົງ ກໍ່ຕາມ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
