ຂປລ
ຂປລ. ໃນວັນທີ 1 ພະຈິກ 2022 ນີ້, ສະຖານີເມືອງໄຊ ເປີດດຳເນີນທຸລະກຳຂົນສົ່ງສິນຄ້າຢ່າງເປັນທາງການ, ອັນເປັນຂີດໝາຍວ່າສະຖານີຂົນສົ່ງສິນຄ້າທາງລົດໄຟ ຈີນ-ລາວ ໄດ້ເປີດໃຫ້ບໍລິການ ຄົບທຸກຊະນິດແລ້ວ ເຊິ່ງມີ ທັງໝົດ 7 ແຫ່ງຄື: ສະຖານີວຽງຈັນໃຕ້
ຂປລ. ໃນວັນທີ 1 ພະຈິກ 2022 ນີ້, ສະຖານີເມືອງໄຊ ເປີດດຳເນີນທຸລະກຳຂົນສົ່ງສິນຄ້າຢ່າງເປັນທາງການ, ອັນເປັນຂີດໝາຍວ່າສະຖານີຂົນສົ່ງສິນຄ້າທາງລົດໄຟ ຈີນ-ລາວ ໄດ້ເປີດໃຫ້ບໍລິການ ຄົບທຸກຊະນິດແລ້ວ ເຊິ່ງມີ ທັງໝົດ 7 ແຫ່ງຄື: ສະຖານີວຽງຈັນໃຕ້, ສະຖານີໂພນໂຮງ, ສະຖານີວັງວຽງ, ສະຖານີຫລວງພະບາງ, ສະຖານີນາເຕີຍ ແລະ ສະຖານີເມືອງໄຊ, ເປັນການອຳນວຍຄວາມສະດວກ ໃຫ້ແກ່ການຂົນສົ່ງສິນຄ້າ, ຊ່ວຍຊຸກຍູ້ ເສດຖະກິດທ້ອງຖິ່ນ ແລະ ພາກພື້ນ.
ສະຖານີເມືອງໄຊ ຕັ້ງຢູ່ແຂວງອຸດົມໄຊ ໃຈກາງທາງພາກເໜືອຂອງລາວ, ເປັນທັງສະຖານີ ຂົນສົ່ງຜູ້ໂດຍສານ ແລະ ຂົນສົ່ງສິນຄ້າ, ມີເນື້ອທີ່ທັງໝົດ 4.582 ຕາແມັດ, ຄວາມຍາວຂອງລາງ ຂົນສົ່ງສິນຄ້າ ພາຍໃນສະຖານີແມ່ນ 367 ແມັດ, ເຮັດວຽກໄດ້ສູງສຸດ 12 ຕູ້ລົດ, ມີລາງຮັບສົ່ງລົດໄຟ 3 ລາງ. ປັດຈຸບັນ, ພະນັກງານຄຸ້ມຄອງ ແລະ ພະນັກງານປະຕິບັດການ ຂອງສະຖານີຂົນສົ່ງສິນຄ້າ ແມ່ນມີຄວາມພ້ອມ ໃນການໃຫ້ບໍລິການແລ້ວ ແລະ ອຸປະກອນ ການບັນທຸກ, ເຄື່ອງຊັ່ງນໍ້າໜັກລົດບັນທຸກ, ເຄື່ອງເຕີມນໍ້າມັນ ແລະ ອື່ນໆກໍໄດ້ກຽມພ້ອມແລ້ວ ເພື່ອຕອບສະໜອງເງື່ອນໄຂ ການເປີດດຳເນີນທຸລະກຳຂົນສົ່ງສິນຄ້າ ໄດ້ຢ່າງຄົບຖ້ວນ.
ສ່ວນໃນດ້ານການຂົນສົ່ງສິນຄ້າ, ສະຖານີຂົນສົ່ງສິນຄ້າເມືອງໄຊ ຫລັກໆແມ່ນດຳເນີນ ການຮັບສົ່ງຕູ້ຄອນເທນເນີ ໃນເບື້ອງຕົ້ນຂອງການເປີດບໍລິການ, ຕົ້ນຕໍແມ່ນຊ່ວຍຊຸກຍູ້ ການສົ່ງອອກຜົນຜະລິດ, ຜະລິດຕະພັນກະສິກຳ, ພືດພັນທົດແທນ ແລະ ແຮ່ໂລຫະເປັນຕົ້ນ.
ຂໍ້ມູນ-ພາບ: ບໍລິສັດທາງລົດໄຟ
KPL