ຂປລ
ລັດຖະບານ ດານມາກ ໄດ້ໃຊ້ຈ່າຍ ງົບປະມານ ໃນໄລຍະການແພ່ລະບາດ ຂອງພະຍາດ ໂຄວິດ-19 ຈຳນວນ 1,19 ແສນລ້ານ ໂຄຣນດານມາກ
ຂປລ.ອ້າງຕາມ ແຫລ່ງຂ່າວ ຊິນຮວາຂອງ ຈີນ, ວັນທີ 4 ເດືອນຕຸລາ, ສຳນັກງານ ສະຖິຕິ ແຫ່ງຊາດ ດານມາກ ເປີດເຜີຍວ່າ: ລັດຖະບານ ດານມາກ ໄດ້ໃຊ້ຈ່າຍ ງົບປະມານ ໃນໄລຍະການແພ່ລະບາດ ຂອງພະຍາດ ໂຄວິດ-19 ຈຳນວນ 1,19 ແສນລ້ານ ໂຄຣນດານມາກ, ຊຶ່ງສ່ວນໃຫຍ່ ໃຊ້ເຂົ້າໃນ ການຈ່າຍເງິນ ຄ່າຊົດເຊີຍ ໃນລະຫວ່າງ ຕົ້ນໄຕມາດທຳອິດ ຂອງ ປີ 2020 ເຖິງ ທ້າຍໄຕມາດ ທຳອິດ ໃນປີ 2022, ພ້ອມກັນນັ້ນ ຍັງກວດພົບວ່າ ງົບປະມານ 68% ຫລື ກວມເອົາ ຈຳນວນເງິນ 8,15 ໝື່ນລ້ານ ໂຄຣນດານມາກ ໄດ້ຖືກນຳໃຊ້ເປັນ ເງິນຊົດເຊີຍ, ໂດຍ ການຈັດສັນຜ່ານ ແຜນຊົດເຊີຍທົ່ວໄປ ຫລື ສະເພາະ ອຸດສາຫະກຳ. ໂດຍການ ໃຊ້ຈ່າຍໂດຍກົງ ກ່ຽວກັບ ເຫດສຸກເສີນ ດ້ານສາທາ ລະນະສຸກ ເຊັ່ນ: ຄ່າໃຊ້ ອຸປະກອນ ປ້ອງກັນ, ການທົດລອງ ພະຍາດ, ການສັກວັກຊິນ ແລະ ການປິ່ນປົວ ໂດຍມີມູນຄ່າລວມເຖິງ 3,37 ໝື່ນລ້ານໂຄຣນ ດານມາກ ແລະ ຍັງໃຊ້ຈ່າຍ ງົບປະມານ 1,78 ໝື່ນລ້ານ ໂຄຣນດານມາກ ກັບ ການທົດລອງ ພະຍາດ ໂດຍສະເພາະ ແລະ ອື່ນໆ./.
KPL