ຂປລ
ຂປລ. ພິທີເຊັນບົດບັນທຶກ ຄວາມເຂົ້າໃຈ ລະຫວ່າງ ກະຊວງຖະແຫລງຂ່າວ, ວັດທະນະນທຳ ແລະ ທ່ອງທ່ຽວ (ຖວທ) ແລະ ບໍລິສັດ ແອວ ຈີ ເອ ເອັສ ທີ່ປຶກສາດ້ານການຄ້າ ແລະ ການລົງທຶນ ກ່ຽວກັບການສຶກສາ ຄວາມເປັນໄປໄດ້ ໂຄງການພັດທະນາລະບົບຖານຂໍ້ມູນ ສຳລັບການບໍລິການ ວຽກງານສື່ມວນຊົນ
ຂປລ. ພິທີເຊັນບົດບັນທຶກ ຄວາມເຂົ້າໃຈ ລະຫວ່າງ ກະຊວງຖະແຫລງຂ່າວ, ວັດທະນະນທຳ ແລະ ທ່ອງທ່ຽວ (ຖວທ) ແລະ ບໍລິສັດ ແອວ ຈີ ເອ ເອັສ ທີ່ປຶກສາດ້ານການຄ້າ ແລະ ການລົງທຶນ ກ່ຽວກັບການສຶກສາ ຄວາມເປັນໄປໄດ້ ໂຄງການພັດທະນາ ລະບົບຖານຂໍ້ມູນ ສຳລັບການບໍລິການ ວຽກງານສື່ມວນຊົນ ຈັດຂຶ້ນໃນວັນທີ 18ສິງຫາ ຜ່ານມາ ໂດຍການຮ່ວມລົງນາມ ລະຫວ່າງ ທ່ານ ສົມສະຫວາດ ພົງສາ ຫົວໜ້າກົມສື່ມວນຊົນ ກະຊວງ ຖວທ ແລະ ທ່ານ ຊິນນະກອນ ພົມມະສິດ ປະທານ ບໍລິສັດ ແອວ ຈີ ເອ ເອັສ ທີ່ປຶກສາດ້ານການຄ້າ ແລະ ການລົງທຶນ ໂດຍມີ ທ່ານ ໂພສີ ແກ້ວມະນີວົງ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ມີຫົວໜ້າກົມ, ຮອງກົມ ແລະ ພາກສ່ວນກ່ຽວຂ້ອງ ສອງຝ່າຍເຂົ້າຮ່ວມ.
ໂຄງການດັ່ງກ່າວ, ຈະໃຊ້ເວລາໃນການສຶກສາພາຍໃນ 12 ເດືອນ ເຊິ່ງຈະລົງເລິກສຶກສາໂຄງການ ພັດທະນາລະບົບຖານຂໍ້ມູນ ສຳລັບການບໍລິການ ວຽກງານສື່ມວນຊົນ, ທາງບໍລິສັດ ແອວ ຈີ ເອ ເອັສ ທີ່ປຶກສາດ້ານການຄ້າ ແລະ ການລົງທຶນ ແມ່ນຈະນຳເອົາປະ ສົບການ, ວິຊາການ-ເຕັກນິກ ທັງພາຍໃນ ແລະ ຕ່າງປະເທດ ເຂົ້າມາພັດທະນາລະບົບ ຖານຂໍ້ມູນໃຫ້ເປັນລະບົບ ໄດ້ມາດຕະຖານ, ມີຄວາມປອດໄພ ແລະ ຍືນຍົງ ໂດຍບໍລິສັດ ແອວ ຈີ ເອ ເອັສ ທີ່ປຶກສາດ້ານການຄ້າ ແລະ ການລົງທຶນ ຈະນຳໃຊ້ອຸປະກອນ ແລະ ເຕັກໂນໂລຊີທີ່ທັນສະໄໝ ຈາກບໍລິສັດຊັ້ນນຳ ມານໍາໃຊ້ໃນການສຶກສາໂຄງການນີ້.
ວຽກງານພັດທະນາລະບົບຖານຂໍ້ມູນ ສໍາລັບການບໍລິການ ວຽກງານສື່ມວນຊົນ ໃນຂອບເຂດທົ່ວປະເທດ ແມ່ນໂຄງການໜຶ່ງ ທີ່ນອນຢູ່ໃນເປົ້າໝາຍ ຂອງກະຊວງ ຖວທ ເພື່ອເພີ່ມຄວາມສາມາດ ການຄຸ້ມຄອງວຽກງານ ສື່ມວນຊົນ ໃຫ້ມີຄວາມໂປ່ງໃສ, ທັນສະໄໝ, ວ່ອງໄວ ແລະ ມີຄວາມຍືນຍົງ, ເພີ່ມຄວາມສະດວກ ໃຫຜູ້ປະກອບການ ໃນລະບົບປະຕູດຽວທີ່ສະດວກສະບາຍ ແລະ ເພີ່ມຊ່ອງທາງຂຸດຄົົ້ນ ການເກັບລາຍຮັບໃໝ່ ຂອງຂະແໜງສື່ມວນຊົນ.
ຂ່າວ: ສຸກສະຫວັດ
ພາບ: ອ່າຍຄຳ
KPL