ຂປລ
ພິທີເປີດຄ້າຍ ຝຶກອົບຮົມ ການບົ່ມເພາະ ທຸລະກິດ ໄດ້ເລີ່ມຕົ້ນ ດ້ວຍປັນຍາປະດິດ+ ສຳລັບ ນັກສຶກສາ ຈາກບັນດາປະເທດ ສະມາຊິກ ອາຊຽນ ໄດ້ຈັດຂຶ້ນ ຢູ່ນະຄອນໜານໜິງ ເຂດກວາງຊີ ຂອງ ສປ ຈີນ ໂດຍມີ ສຳມະນາກອນ 30 ຄົນຈາກ ສປປ ລາວ, ສສ ຫວຽດນາມ ແລະ ໄທ ເຂົ້າຮ່ວມຊຸດຝຶກອົບຮົມ ເຕັກໂນໂລຊີ ປັນຍາປະດິດ ແລະ ພຶດຕິກຳ ການບົ່ມເພາະ ທຸລະກິດ ເລີ່ມຕົ້ນ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 26 ຕຸລານີ້, ພິທີເປີດຄ້າຍ ຝຶກອົບຮົມ ການບົ່ມເພາະ ທຸລະກິດ ໄດ້ເລີ່ມຕົ້ນ ດ້ວຍປັນຍາປະດິດ+ ສຳລັບ ນັກສຶກສາ ຈາກບັນດາປະເທດ ສະມາຊິກ ອາຊຽນ ໄດ້ຈັດຂຶ້ນ ຢູ່ນະຄອນໜານໜິງ ເຂດກວາງຊີ ຂອງ ສປ ຈີນ ໂດຍມີ ສຳມະນາກອນ 30 ຄົນຈາກ ສປປ ລາວ, ສສ ຫວຽດນາມ ແລະ ໄທ ເຂົ້າຮ່ວມຊຸດຝຶກອົບຮົມ ເຕັກໂນໂລຊີ ປັນຍາປະດິດ ແລະ ພຶດຕິກຳ ການບົ່ມເພາະ ທຸລະກິດ ເລີ່ມຕົ້ນ. ຈຸດປະສົງ ການເປີດຄ້າຍຄັ້ງນີ້ ແມ່ນອີງໃສ່ທ່າແຮງ ດ້ານເຕັກໂນໂລຊີ AI ຂອງ ສປ ຈີນ ແລະ ປະສານສົມທົບກັບ ທ່າແຮງດ້ານພາສາ, ວັດທະນະທຳ ແລະ ຊ່ອງທາງຂອງນັກສຶກສາ ຈາກບັນດາປະເທດ ສະມາຊິກ ອາຊຽນ ເພື່ອບຳລຸງສ້າງ ຊາວໜຸ່ມ ຜູ້ມີຄວາມຮູ້ຄວາມສາມາດ ດີຈີຕອນ ທີ່ຮູ້ດີທັງຕະຫລາດຈີນ ແລະ ອາຊຽນ ແລະ ສ້າງຂົວແຫ່ງການພັດທະນາ ແບບເຊື່ອມໂຍງເຂົ້າກັນ ລະຫວ່າງ ເສດຖະກິດ ດີຈີຕອນຈີນ-ອາຊຽນ.ໃນໄລຍະຝຶກອົບຮົມ, ສຳມະນາກອນ ທັງຫລາຍ ຈະໄປຢ້ຽມຢາມ ສູນການຮ່ວມມື ດ້ານການປະຍຸກ ໃຊ້ປັນຍາປະດິດແຫ່ງຊາດ ຈີນ-ອາຊຽນ, ວິສາຫະກິດສຳຄັນ ທີ່ອວ່າຍໜ້າສູ່ ຕ່າງປະເທດ ແລະ ເຂດນິຄົມ ອຸດສາຫະກຳ ຂ້າມຊາດ ຢູ່ນະຄອນໜານໜິງ ເພື່ອສຳຫລວດຄົ້ນຄວ້າ ການປະຍຸກໃຊ້ ເຕັກໂນໂລຊີ AI ຂ້າມຊາດ, ການຜະລິດເນື້ອໃນ ທີ່ມີຫລາຍພາສາ ແລະ ອື່ນໆ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
