ຂປລ
ງານຕະຫລາດນັດ ສິນຄ້ານຳເຂົ້າ-ສົ່ງອອກຈີນ ຄັ້ງທີ 140 ທາງອໍຟລາຍໄລຍະ 2 ທີ່ຈັດຂຶ້ນຢູ່ນະຄອນກວາງໂຈ່ວ ຂອງ ສປ ຈີນ ໄດ້ສິ້ນສຸດລົງ ຢ່າງຈົບງາມ. ນັບມາຮອດເວລາ 17 ໂມງຂອງວັນທີ 27 ຕຸລານີ້, ງານດັ່ງກ່າວສາມາດດຶງດູດ ຜູ້ຈັດຊື້ຈາກຕ່າງປະເທດ 278.000 ຄົນໃນ 218 ປະເທດ ແລະ ເຂດແຄວ້ນ ເພີ່ມຂຶ້ນ 13.4% ເມື່ອທຽບໃສ່ຄັ້ງຜ່ານມາ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 27 ຕຸລານີ້, ງານຕະຫລາດນັດ ສິນຄ້ານຳເຂົ້າ-ສົ່ງອອກຈີນ ຄັ້ງທີ 140 ທາງອໍຟລາຍໄລຍະ 2 ທີ່ຈັດຂຶ້ນຢູ່ນະຄອນກວາງໂຈ່ວ ຂອງ ສປ ຈີນ ໄດ້ສິ້ນສຸດລົງ ຢ່າງຈົບງາມ. ນັບມາຮອດເວລາ 17 ໂມງຂອງວັນທີ 27 ຕຸລານີ້, ງານດັ່ງກ່າວສາມາດດຶງດູດ ຜູ້ຈັດຊື້ຈາກຕ່າງປະເທດ 278.000 ຄົນໃນ 218 ປະເທດ ແລະ ເຂດແຄວ້ນ ເພີ່ມຂຶ້ນ 13.4% ເມື່ອທຽບໃສ່ຄັ້ງຜ່ານມາ.ງານຕະຫລາດນັດສິນຄ້ານຳເຂົ້າ-ສົ່ງອອກຈີນໄລຍະ 2 ຄັ້ງນີ້ມີວິສາຫະກິດ 11.000 ກວ່າແຫ່ງ ເຂົ້າຮ່ວມ, ໃນນັ້ນ, ວິສາຫະກິດດີເດັ່ນ ທີ່ມີຜະລິດຕະພັນດີເດັ່ນ, ຜະລິດຕະພັນໃໝ່ເຂົ້າຮ່ວມ ຫລາຍກວ່າ 3.600 ແຫ່ງ, ເພີ່ມຂຶ້ນປະມານ 7,6% ເມື່ອທຽບໃສ່ຄັ້ງຜ່ານມາ ແລະ ໃນງານຄັ້ງນີ້ ຍັງໄດ້ຈັດກິດຈະກຳນຳສະເໜີ ຜະລິດຕະພັນໃໝ່ 178 ຄັ້ງ, ຈຳນວນຜະລິດຕະພັນໃໝ່ ໄດ້ເພີ່ມຂຶ້ນປະມານ 15% ເມື່ອທຽບໃສ່ ຄັ້ງຜ່ານມາ. ສຳລັບງານຕະຫລາດນັດ ສິນຄ້ານຳເຂົ້າ-ສົ່ງອອກຈີນ ຄັ້ງທີ 140 ທາງອໍຟລາຍໄລຍະ 3 ຈະເນັ້ນໃສ່ຫົວຂໍ້ “ຊີວິດທີ່ດີງາມກວ່າເກົ່າ” ແລະ ຈະຈັດຂຶ້ນ ລະຫວ່າງວັນທີ 31 ຕຸລາ ຫາວັນທີ 4 ພະຈິກໜ້ານີ້ ເປັນເວລາ 5 ວັນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
