ຂປລ
ສປ ຈີນ ລິເລີ່ມການສ້າງ ໂຮງງານປອດການປ່ອຍ ກາກບອນ ລະດັບຊາດ, ເຕັກໂນໂລຊີໃໝ່ ໃນການຫລຸດ ການປ່ອຍ ກາກບອນໃນຂົງເຂດ ອຸດສາຫະກຳຊຸດໜຶ່ງ ໄດ້ຖືກນຳໃຊ້ຢ່າງວ່ອງໄວ ເຊິ່ງໄດ້ຊຸກຍູ້ ໃຫ້ລະດັບຫລຸດ ການປ່ອຍກາກ ບອນ ທາງອຸດສາຫະກຳຂອງ ສປ ຈີນ ໄດ້ເພີ່ມຂຶ້ນ ຢ່າງຕໍ່ເນື່ອງ.
ຂປລ.ວິທະຍຸ ໂທລະພາບ ສູນກາງຈີນ, ປີນີ້, ສປ ຈີນ ລິເລີ່ມການສ້າງ ໂຮງງານປອດການປ່ອຍ ກາກບອນ ລະດັບຊາດ, ເຕັກໂນໂລຊີໃໝ່ ໃນການຫລຸດ ການປ່ອຍ ກາກບອນໃນຂົງເຂດ ອຸດສາຫະກຳຊຸດໜຶ່ງ ໄດ້ຖືກນຳໃຊ້ຢ່າງວ່ອງໄວ ເຊິ່ງໄດ້ຊຸກຍູ້ ໃຫ້ລະດັບຫລຸດ ການປ່ອຍກາກບອນ ທາງອຸດສາຫະກຳຂອງ ສປ ຈີນ ໄດ້ເພີ່ມຂຶ້ນ ຢ່າງຕໍ່ເນື່ອງ. ຕົວເລກຂໍ້ມູນສະແດງໃຫ້ເຫັນວ່າ: ນັບແຕ່ຕົ້ນປີນີ້ ເປັນຕົ້ນມາ, ຈີນໄດ້ບຳລຸງສ້າງໂຮງງານ ສີຂຽວໃໝ່ 2.038 ແຫ່ງ ແລະ ເຂດນິຄົມອຸດສາຫະກຳ ສີຂຽວ 128 ແຫ່ງ, ມູນຄ່າການຜະລິດ ຂອງໂຮງງານສີຂຽວ ລະດັບຊາດ ກວມເອົາ ລວມຍອດຜະລິດຕະພັນ ອຸດສາຫະກຳ ຂະໜາດໃຫຍ່ ເພີ່ມຂຶ້ນເຖິງ 20%.ໃນ 3 ໄຕມາດຕົ້ນປີນີ້, ການສິ້ນເປືອງພະລັງງານ ທີ່ເພີ່ມໃໝ່ຕໍ່ຫົວໜ່ວຍການຜະລິດ ອຸດສາຫະກຳຂະໜາດໃຫຍ່ຂອງ ສປ ຈີນ ໄດ້ຫລຸດລົງ 4,3%. ໃນໄລຍະປະຕິບັດ “ແຜນພັດທະນາ 5 ປີຄັ້ງທີ 15” ຂອງ ສປ ຈີນ. ສປ ຈີນ ຈະສ້າງໂຮງງານປອດການປ່ອຍກາກບອນ ແລະ ສິ່ງກໍ່ສ້າງພະລັງປະມວນຜົນ ປອດການປ່ອຍກາກບອນ ລະດັບຊາດ ປະມານ 500 ແຫ່ງ, ປະລິມານການປ່ອຍກາກບອນ ທີ່ເພີ່ມໃໝ່ຕໍ່ຫົວໜ່ວຍການຜະລິດອຸດສາຫະກຳ ຂະໜາດໃຫຍ່ ຈະຫລຸດລົງ 17% ຂຶ້ນໄປເມື່ອທຽບໃສ່ປີ 2025./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
