ຂປລ
ອົງການຊັບສິນ ທາງປັນຍາໂລກ ໄດ້ເຜີຍແຜ່ “ບົດລາຍງານດັດຊະນີການປະດິດສ້າງທົ່ວໂລກ 2026” ສະແດງໃຫ້ເຫັນວ່າ, ຕົວເລກດັດຊະນີ ການປະດິດສ້າງຂອງ ສປ ຈີນ ຢູ່ອັນດັບທີ 10 ຂອງໂລກ, ເຊິ່ງເທົ່າທຽມກັບປີ 2025.
ຂປລ.ວິທະຍຸ ໂທລະພາບ ສູນກາງຈີນ, ອົງການຊັບສິນ ທາງປັນຍາໂລກ ໄດ້ເຜີຍແຜ່ “ບົດລາຍງານດັດຊະນີການປະດິດສ້າງທົ່ວໂລກ 2026” ສະແດງໃຫ້ເຫັນວ່າ, ຕົວເລກດັດຊະນີ ການປະດິດສ້າງຂອງ ສປ ຈີນ ຢູ່ອັນດັບທີ 10 ຂອງໂລກ, ເຊິ່ງເທົ່າທຽມກັບປີ 2025. ຕົວເລກດັດຊະນີ ການປະດິດສ້າງ ທົ່ວໂລກ ທີ່ເຜີຍແຜ່ ໂດຍອົງການ ຊັບສິນ ທາງປັນຍາໂລກ ໄດ້ນຳໃຊ້ຕົວຊີ້ວັດ ປະມານ 80 ລາຍການ ເພື່ອປະເມີນ ຜົນງານປະດິດສ້າງ ຂອງເກືອບ 140 ອົງກອນເສດຖະກິດ. ອີງຕາມບົດລາຍງານປີ 2026 ນີ້, ສປ ຈີນ ມີວິສາຫະກິດໃໝ່ ດ້ານນະວັດຕະກຳ ແນວໜ້າ 3466 ແຫ່ງ, ຄອງອັນດັບ 2 ຂອງໂລກ ເປັນຮອງແຕ່ ສ.ອາເມລິກາ. ປີ 2026, ປະເທດ ສະວິສ, ຊູແອັດ ແລະ ສ.ອາເມລິກາ ສືບຕໍ່ຄອງອັນດັບ 1 ຫາ 3 ໃນການຈັດອັນດັບດັດຊະນີ ການປະດິດສ້າງທົ່ວໂລກ. ປີ 2025 ເປັນຄັ້ງທຳອິດ ທີ່ ສປ ຈີນ ຖືກຈັດເຂົ້າໃນ 10 ອັນດັບຕົ້ນ, ປີ 2026 ຈີນສືບຕໍ່ຮັກສາຢູ່ໃນອັນດັບ 10./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
