ຂປລ
ທ່ານ ຊີນ ສະເຕນ ປະທານສະພາການຄ້າ ອາເມລິກາ-ຈີນ ກ່າວວ່າ: ຄວາມໝັ້ນທ່ຽງ ຂອງສາຍພົວພັນລະຫວ່າງ ສ.ອາເມລິກາ-ສປ ຈີນ ບໍ່ພຽງແຕ່ມີຜົນດີ ຕໍ່ສອງປະເທດ ເທົ່ານັ້ນ, ຍັງສາມາດນຳເອົາ ຄວາມແນ່ນອນ ມາໃຫ້ບັນດາປະເທດ ໃນໂລກອີກດ້ວຍ.
ຂປລ.ວິທະຍຸ ໂທລະພາບ ສູນກາງຈີນ, ໃນເວລາໃຫ້ສຳພາດ ຕໍ່ນັກຂ່າວວິທະຍຸ ໂທລະພາບສູນກາງຈີນ (CMG) ໃນເມື່ອບໍ່ດົນມານີ້, ທ່ານ ຊີນ ສະເຕນ ປະທານສະພາການຄ້າ ອາເມລິກາ-ຈີນ ກ່າວວ່າ: ຄວາມໝັ້ນທ່ຽງ ຂອງສາຍພົວພັນ ລະຫວ່າງ ສ.ອາເມລິກາ-ສປ ຈີນ ບໍ່ພຽງແຕ່ມີຜົນດີ ຕໍ່ສອງປະເທດ ເທົ່ານັ້ນ, ຍັງສາມາດນຳເອົາ ຄວາມແນ່ນອນ ມາໃຫ້ບັນດາປະເທດ ໃນໂລກອີກດ້ວຍ. ທ່ານ ຊີນ ສະເຕນ ກ່າວຕື່ມວ່າ: ບໍ່ວ່າຈະເປັນປະເທດ ສະມາຊິກອາຊຽນ, ປະເທດເຂດໂລກໃຕ້ ຫລື ປະເທດໃນເອີຣົບ, ປະເທດໃນ ສ.ອາເມລິກາ-ລາຕິນ ລ້ວນແຕ່ຮູ້ດີວ່າ ຄວນປະຕິບັດແນວໃດ ຕໍ່ສອງປະເທດ ອາເມລິກາ-ຈີນ. ບໍ່ມີປະເທດໃດ ຢາກເລືອກຝ່າຍ, ບໍ່ມີປະເທດໃດ ຢາກໃຫ້ຕົນເອງຖືກດຶງ ເຂົ້າຝ່າຍໃດຝ່າຍໜຶ່ງ, ທຸກປະເທດ ລ້ວນແຕ່ມີຜົນປະໂຫຍດນຳ ສ.ອາເມລິກາ ແລະ ສປ ຈີນ. ການປົກປັກຮັກສາ ສາຍພົວພັນ ລະຫວ່າງ ສ.ອາເມລິກາ-ສປ ຈີນ ໃຫ້ມີຄວາມໝັ້ນທ່ຽງ ແລະ ສາມາດຄາດຄະເນໄດ້ ຈະເຮັດໃຫ້ບັນດາປະເທດ ສາມາດສະແຫວງຫາ ຜົນປະໂຫຍດ ຂອງຕົນໄດ້ຢ່າງເປັນເຈົ້າຕົນເອງ ແລະ ໄດ້ຮັບເອົາຜົນປະໂຫຍດ ຈາກການພົວພັນ ທີ່ລົງເລິກກັບ ສ.ອາເມລິກາ ແລະ ສປ ຈີນ ຢ່າງເຕັມທີ່./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
