ຂປລ.ວິທະຍຸ ໂທລະພາບ ສູນກາງຈີນ, ເມື່ອບໍ່ດົນມານີ້, ທາງ​ການ​ຂອງກວາງ​ຊີ ຂອງ ສປ ຈີນ​ ໄດ້​ເຜີຍ​ແຜ່ “ແຜນ​ພັດ​ທະ​ນາ 5 ປີ​ຄັ້ງ​ທີ 15 ກ່ຽວ​ກັບ​ ການ​ພັດ​ທະ​ນາ​ ກາ​ນ​ສຶກ​ສາກວາງ​ຊີ” ໂດຍ​ລະ​ບຸ​ ຢ່າງ​ຈະ​ແຈ້ງວ່າ: ຈະ​ສ້າງ​ສູນ​ການ​ສຶກ​ສາ​ພາກ​ພື້ນ​ທີ່ ​ອ​ວ່າຍ​ໜ້າ​ໄປ​ສູ່​ ອາ​ຊຽນ​ ໃນ​ໄລ​ຍະ ​ຈັດ​ຕັ້ງ​ປະ​ຕິ​ບັດ​ ແຜນ​ພັດ​ທະ​ນາ 5 ປີ​ຄັ້ງ​ທີ 15 (2026-2030) ໂດຍ​ສະ​ເໜີ​ ໃຫ້​ເພີ່ມ​ທະ​ວີ​ ການ​ສ້າງ​ຍີ່​ຫໍ້ “ໄປ​ຮຽນ​ຕໍ່​ຢູ່ກວາງ​ຊີ”, ຈັດ​ກອງ​ປະ​ຊຸມ​ ວ່າ​ດ້ວຍ​ການ​ຮ່ວມ​ມື ​ດ້ານ​ອາ​ຊີ​ວະ​ສຶກ​ສາ​ຈີນ-ອາ​ຊຽນ​ໃຫ້​ດີ ແລະ ລົງ​ເລິກ​ ກາ​ນ​ຮ່ວມ​ມື​ ກັບ​ອົງ​ການ​ຈັດ​ຕັ້ງ​ສາ​ກົນ ​ໃນ​ພາກ​ພື້ນ ເຊັ່ນ: ອົງ​ການ ​ລັດ​ຖະ​ມົນ​ຕີ​ສຶກ​ສາ​ທິ​ການ​ອາ​ຊີ ​ຕ​າ​ເວັນ​ອອກ​ສຽງ​ໃຕ້ ແລະ ​ອື່ນໆ. ແຜນ​ພັດ​ທະ​ນ​ດັ່ງ​ກ່າວ ​ສະ​ເໜີ​ອອກ​ມາ​ວ່າ: ກວາງ​ຊີ​ ຈະ​ເລີ່ມ​ປະ​ຕິ​ບັດ ແຜນ​ການ​ພັດ​ທະ​ນາ ​ຜູ້​ມີ​ຄວາມ​ຮູ້​ຄວາມ​ສາ​ມາດ​ດ້ານ​ປັນ​ຍາ​ປະ​ດິດ “ຮ້ອຍ​ພັນ​ໝື່ນ” ທີ່ອ​ວ່າຍ​ໜ້າ​​ສູ່ ​ອາ​ຊຽນ ໂດຍ​ຈະ​ບຳ​ລຸງ​ສ້າງ​ ຜູ້​ມີ​ຄວາມ​ຮູ້​ຄວາມ​ສາ​ມາດ ​​ດ້ານ​ການປະ​ດິດ​ສ້າງ​ໃໝ່​ ລະ​ດັບ​ປະ​ລິນ​ຍາ​ໂທ ​ຮ້ອຍ​ຄົນ, ​ລະ​ດັບ​ປະ​ລິນ​ຍາ​ຕີ ​ພັນ​ຄົນ ແລະ ຜູ້​ມີ​ຄວາມ​ຮູ້​ ຄວາມ​ສາ​ມາດ ​ທີ່​​ທັກ​ສະ​ແຮງ​ງານ​ທີ່​ດີ​ໝື່ນ​ຄົນ. ວາງ​ແຜນ​ຈະ​ສ້າງ​ວິ​ທະ​ຍາ​ໄລ ​ນາຍ​ຊ່າງ​ທັນ​ສະ​ໄໝ​ຈີນ-ອາ​ຊຽນ ປະ​ມານ 20 ແຫ່ງ ແລະ ສ້າງ​ຫລັກ​ສູດ​ທີ່​ມີ​ຄຸນ​ນະ​ພາບ​ສູງ “ພາ​ສາ​ແມ່ ​ຂອງ​ບັນ​ດາ​ປະ​ເທດ ​ສະ​ມາ​ຊິກ​ ອາ​ຊຽນ+” 100 ວິ​ຊາ./.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ

KPL