ຂປລ
ໂຄງການກໍ່ສ້າງ ຖານຝຶກຊ້ອມຕົວຈິງ ສາທາລະນະ(ປັນຍາປະດິດ) ກວາງຊີ ໄດ້ເລີ່ມກໍ່ສ້າງ ຢູ່ນະຄອນໜານໜິງ ເທດສະບານ ເຂດກວາງຊີ ຂອງ ສປ ຈີນ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 10 ສິງຫານີ້, ໂຄງການກໍ່ສ້າງ ຖານຝຶກຊ້ອມຕົວຈິງ ສາທາລະນະ(ປັນຍາປະດິດ) ກວາງຊີ ໄດ້ເລີ່ມກໍ່ສ້າງ ຢູ່ນະຄອນໜານໜິງ ເທດສະບານ ເຂດກວາງຊີ ຂອງ ສປ ຈີນ. ເມື່ອສ້າງສຳເລັດແລ້ວ, ໂຄງການດັ່ງກ່າວ ຈະກາຍເປັນຖານຝຶກຊ້ອມຕົວຈິງ ລະດັບແຂວງ ແຫ່ງທຳອິດ ຢູ່ເຂດກວາງຊີ ເພື່ອຊຸກຍູ້ເຂດກວາງຊີ ແລະ ປະເທດສະມາຊິກ ອາຊຽນ ດຳເນີນການຮ່ວມມື ແລະ ແລກປ່ຽນດ້ານການຝຶກອົບຮົມທັກສະ,ຊຸກຍູ້ໃຫ້ທັກສະ ແລະ ບຸກຄະລາກອນຖືກ “ສົ່ງໄປຕ່າງປະເທດ”.ໂຄງການດັ່ງກ່າວ ຈະສຸມໃສ່ ລາຍການຝຶກຊ້ອມ 20 ລາຍການ ເຊັ່ນ: ລົດໃຊ້ພະລັງງານໄຟຟ້າ, ຄູຝຶກ ປັນຍາປະດິດ(AI), ການດຳເນີນງານ ແລະ ບຳລຸງຮັກສາຫຸ່ນຍົນ, ນາຍຊ່າງ ດີຈີຕອນ ແລະອື່ນໆ ໂດຍປີ່ນອ້ອມ ປັນຍາປະດິດ, ເສດຖະກິດ ການບິນອາກາດຕ່ຳ, ການຜະລິດ ອັດສະລິຍະ ແລະ ຂົງເຂດຈຸດສຸມອື່ນໆ ເຊິ່ງຂະໜາດ ການຝຶກຊ້ອມຕົວຈິງ ສາມາດບັນລຸ ຫລາຍກວ່າ 30.000 ເທື່ອຄົນຕໍ່ປີ.ພະແນກຊັບພະຍາກອນມະນຸດ ແລະ ປະກັນສັງຄົມ ເຂດກວາງຊີ ລະບຸວ່າ: ການກໍ່ສ້າງຖານດັ່ງກ່າວ ຈະເສີມຂະຫຍາຍ ບົດບາດຄ້ຳປະກັນ ທີ່ສຳຄັນໃຫ້ແກ່ ການລົງເລິກ ການຮ່ວມມື ດ້ານຊັບພະຍາກອນມະນຸດ ລະຫວ່າງ ສປ ຈີນ-ອາຊຽນ ໃຫ້ແໜ້ນແຟ້ນກວ່າເກົ່າ./.(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
