ໂອກາດນີ້, ທ່ານ ບຸນໂຈມ ອຸບົນ ປະເສີດ ໄດ້ຊ້ີນຳໃນຫລາຍບັນຫາ ສຳຄັນ ເພື່ອເປັນທິດເຍືອງທາງ ແກ່ການຈັດຕັ້ງປະຕິບັດວຽກງານ ກໍ່ສ້າງຮາກຖານການເມືອງ, ພັດ ທະນາຊົນນະບົດ-ແກ້ໄຂຄວາມ ທຸກຍາກ ແລະ ວຽກງານ 3 ສ້າງ ຂອງແຂວງ ໂດຍສະເພາະ ພັກຍາມໃດກໍຖືວ່າ ທຸກຫົວໜ່ວຍຮາກຖານ ເປັນບໍ່ເກີດອັນໃຫຍ່ຫລວງຂອງກໍາ ລັງແຮງປະຕິວັດ, ເປັນບ່ອນຈັດຕັ້ງ ປະຕິບັດແນວທາງນະໂຍບາຍຂອງ ພັກ ແລະ ແຜນພັດທະນາເສດຖະ ກິດ-ສັງຄົມ, ເປັນບ່ອນຕັດສິນໄຊ ຊະນະຂອງການປົກປັກຮັກສາ ແລະ ສ້າງສາພັດທະນາປະເທດຊາດ, ຍ້ອນແນວນັ້ນ ວຽກງານກໍ່ສ້າງ ແລະ ປັບປຸງຮາກຖານການເມືອງ ຈຶ່ງເປັນໜ້າທີ່ຍຸດທະສາດ ທີ່ບໍ່ປ່ຽນ ແປງທັງສະເພາະໜ້າ ແລະ ຍາວ ນານຂອງພັກ; ໃນເງ່ືອນໄຂໃໝ່ ຂອງການປະຕິວັດ, ຄະນະພັກທຸກ ຂັ້ນ ຍິ່ງຕ້ອງເອົາໃຈໃສ່ເຂົ້າໃນການ ກໍ່ສ້າງ ແລະ ປັບປຸງຮາກຖານ ການເມືອງ ຕິດພັນໂດຍກົງກັບ ການພັດທະນາ ໂດຍສະເພາະການ ພັດທະນາຊົນນະບົດ-ແກ້ໄຂຄວາມ ທຸກຍາກຂອງປະຊາຊົນ ແລະ ວຽກງານ 3 ສ້າງ, ຕາມ 4 ເນື້ອ ໃນ 4 ຄາດໝາຍ ທີ່ໄດ້ກໍານົດໄວ້ ແນໃສ່ເຮັດໃຫ້ລະບົບການເມືອງຢູ່ ຮາກຖານ ມີຄວາມເຂັ້ມແຂງໜັກ ແໜ້ນ, ເປັນເຈົ້າການນໍາພາປະຕິບັດ ແນວທາງນະໂຍບາຍຂອງພັກ ແລະ ແຜນພັັດທະນາເສດຖະກິດ-ສັງຄົມ ຢູ່ຮາກຖານ ເປັນຕົ້ນ ການແກ້ໄຂ ຄວາມທຸກຍາກ, ຄວາມຫລ້າຫລັງ, ຄວາມບໍ່ສະເໝີພາບ, ຄວາມບໍ່ຍຸຕິ ທໍາ ແລະ ສະພາບຫຍໍ້ທໍ້ຕ່າງໆໃນ ສັງຄົມ ຊຶ່ງເປັນປັດໄຈພື້ນຖານ ເພື່ອ ຮັບປະກັນການມີສະຖຽນລະພາບ ທາງດ້ານການເມືອງ ແລະ ຄວາມ ສະຫງົບເປັນລະບຽບຮຽບຮ້ອຍ ຂອງສັງຄົມ.

ກອງປະຊຸມຄັ້ງນີ້ ກໍເພື່ອພ້ອມກັນສະຫລຸບຕີລາຄາເຖິງບັນດາໝາກ ຜົນໃນໄລຍະ 5 ປີຜ່ານມາ ໃນ ວຽກງານກ່ໍສ້າງຮາກຖານການ ເມືອງ, ວຽກງານພັດທະນາຊົນ ນະບົດ-ແກ້ໄຂຄວາມທຸກຍາກ ແລະ ວຽກງານ 3 ສ້າງຂອງແຂວງ ໂດຍສົມທຽບໃສ່ບັນດາມະຕິ- ຄໍາສັ່ງຕ່າງໆຂອງພັກໃນແຕ່ລະ ໄລຍະ; ພ້ອມກັນຄົ້ນຄວ້າ ເປັນ ເອກະພາບກໍານົດບັນດາທິດທາງ ແຜນການ 5 ປີ, ຜ່ານແຜນດໍາເນີນ ງານ ແລະ ແບບແຜນວິທີເຮັດວຽກ ຂອງຄະນະຮັບຜິດຊອບວຽກງານ ກໍ່ສ້າງຮາກຖານການເມືອງ, ວຽກ ພັດທະນາຊົນນະບົດ-ແກ້ໄຂຄວາມ ທຸກຍາກ ແລະ ວຽກງານ 3 ສ້າງ ທີ່ຈະພ້ອມກັນຈັດຕັ້ງປະຕິບັດໃນ 5 ປີຕໍ່ໜ້າ ໃຫ້ເກີດຜົນເປັນຈິງຫລາຍ ຂຶ້ນ; ແນໃສ່ຍົກສູງຄຸນນະພາບ ການກໍ່ສ້າງ-ປັບປຸງຮາກຖານການ ເມືອງຂອງລະບອບປະຊາທິປະໄຕ ປະຊາຊົນ ໃນໄລຍະໃໝ່ໃຫ້ເຂັ້ມ ແຂງ ແລະ ໜັກແໜ້ນ, ເພີ່ມທະວີບົດ ບາດການນໍາພາຮອບດ້ານຂອງ ຄະນະພັກ ຕິດພັນກັບການເສີມຂະ ຫຍາຍຄວາມເປັນເຈົ້າການ ແລະ ຍົກສູງຄວາມຮັບຜິດຊອບໃນການ ຄຸ້ມຄອງລັດ, ຄຸ້ມຄອງເສດຖະກິດ- ສັງຄົມຢູ່ທ້ອງຖິ່ນ-ຮາກຖານໃຫ້ດີ ຂຶ້ນກວ່າເກົ່າ.

ໃນກອງປະຊຸມ, ບັນດາຜູ້ເຂົ້າ ຮ່ວມໄດ້ຜັດປ່ຽນກັນຂຶ້ນຜ່ານບົດ ສະຫລຸບການນຳພາ-ຊີ້ນຳຈັດຕັ້ງ ປະຕິບັດວຽກງານກ່ໍສ້າງຮາກຖານ ການເມືອງ, ວຽກພັດທະນາ ຊົນນະບົດ-ແກ້ໄຂຄວາມທຸກຍາກ ແລະວຽກງານ 3 ສ້າງ 5 ປີ ແລະ ທິດ ທາງແຜນການ, ຜ່ານບົດສະຫລຸບ ວຽກງານ 3 ສ້າງ 5 ປີ ແລະ ແຜນ ການຕໍ່ໜ້າ, ຜ່ານບົດສະຫລຸບວຽກ ພັດທະນາຊົນນະບົດ-ແກ້ໄຂຄວາມ ທຸກຍາກ 5 ປີ ແລະ ແຜນການ ຕໍ່ໜ້າ, ຜ່ານຮ່າງແຜນດຳເນີນ ງານວຽກງານກໍ່ສ້າງຮາກຖານ ການເມືອງ, ວຽກພັດທະນາ ຊົນນະບົດ-ແກ້ໄຂຄວາມທຸກຍາກ ແລະ ວຽກງານ 3 ສ້າງ 5 ປີຕໍ່ໜ້າ ແລະ ຜ່ານຮ່າງແບບແຜນວິທີເຮັດ ວຽກຂອງຄະນະຊີ້ນຳ ແລະ ກອງ ເລຂາຄະນະຮັບຜິດຊອບວຽກງານ ກໍ່ສ້າງຮາກຖານການເມືອງ, ວຽກ ພັດທະນາຊົນນະບົດ-ແກ້ໄຂຄວາມ ທຸກຍາກ ແລະ ວຽກງານ 3 ສ້າງ, ລາຍງານສະພາບການພັດທະນາ ກຸ່ມບ້ານຈຽງຕູບ ໂດຍສະເພາະ ວຽກງານຊຸກຍູ້ສົ່ງເສີມການ ປູກ-ການລ້ຽງ ເພື່ອເຮັດໃຫ້ຊີວິດ ການເປັນຢູ່ຂອງປະຊາຊົນດີຂຶ້ນ, ລາຍງານສະພາບການພັດທະນາ ກຸ່ມບ້ານແກ້ງລີ້ນ ແລະ ກຸ່ມບ້ານ ຕັງອາໄລ-ລະແບງ ເປັນຕົ້ນ ການ ແກ້ໄຂຄວາມທຸກຍາກປະຊາຊົນ ຕາມດຳລັດ 348/ລບ, ລາຍງານ ສະພາບການພັດທະນາບ້ານໃຫຍ່ ຄຳປ່າແໜ ທີ່ມີການສ້າງອາຊີບ ທີ່ໝ້ັນຄົງໃຫ້ປະຊາຊົນ ຕິດພັນກັບ ການລຶບລ້າງຄົນໄປຂໍທານ ພ້ອມທັງ ຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະ ວິທີການແກ້ໄຂໃນຕໍ່ໜ້າ ພ້ອມ ທັງມີການປະກອບຄຳຄິດຄຳເຫັນ ແລກປ່ຽນຖອດຖອນບົດຮຽນ ກ່ຽວກັບວຽກງານດັ່ງກ່າວນຳອີກ. 

KPL