ຂປລ
ໂອກາດເຄື່ອນໄຫວວຽກງານຢູ່ແຂວງອຸດົມໄຊ ໃນຕອນເຊົ້າ ວັນທີ 15 ກໍລະກົດ 2026, ທ່ານ ສະເຫລີມໄຊ ກົມມະສິດ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ປະຈຳການໄດ້ໃຫ້ກຽດພົບປະໂອ້ລົມການນໍາ ແລະ ພະນັກງານຫລັກແຫລ່ງແຂວງອຸດົມໄຊ ໂດຍມີທ່ານ ບຸນຄົງ ຫລ້າ ຈຽມພອນ ກໍາມະການສູນກາງພັກ, ເລຂາພັກແຂວງ, ປະທານສະພາປະຊາຊົນແຂວງ ນຳພາຄະນະ ເຂົ້າຮ່ວມຮັບຟັງການພົບປະໂອ້ລົມດັ່ງກ່າວ.
ຂປລ.ໃນການພົບປະໂອ້ລົມຄັ້ງນີ້, ທ່ານເລຂາພັກແຂວງອຸດົມໄຊ ໄດ້ລາຍງານກ່ຽວກັບສະພາບການຈັດຕັ້ງປະຕິບັດວຽກງານຮອບດ້ານ ຂອງແຂວງ ເຫັນວ່າ: ທົ່ວແຂວງສືບຕໍ່ມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ສາມາດຮັກສາສະຖຽນລະພາບທາງ ການເມືອງຢ່າງໜັກແໜ້ນ, ສ້າງ ເງ່ືອນໄຂ ແລະ ສະພາບແວດລ້ອມ ທ່ີເອື້ອອຳນວຍແກ່ການລົງທຶນ ແລະ ພັດທະນາເສດຖະກິດຂອງແຂວງໃຫ້ສືບຕໍໍ່ຂະຫຍາຍຕົວ ຊຶ່ງໄລຍະ 6 ເດືອນຕົ້ນປີ 2026 ເສດຖະກິດຂະຫຍາຍຕົວ ໃນລະດັບ 3,3%, ລວມຍອດຜະລິດຕະພັນພາຍໃນ ບັນລຸໄດ້ 12.237 ຕື້ກີບ, ລາຍຮັບ ສະເລ່ຍຕໍໍ່ຫົວຄົນ 1.512 ໂດລາສະ ຫະລັດ/ຄົນ; ສາມາດຈັດເກັບລາຍ ຮັບໄດ້ 76,3% ຂອງແຜນການ ປີ; ສາມາດລະດົມທຶນເຂົ້າໃສ່ການ ພັດທະນາ ໄດ້ 1.344 ຕື້ກີບ ເທົົ່າ ກັບ 51,7% ຂອງແຜນການປີ; ໄດ້ ສຸມໃສ່ປັບປຸງ ແລະ ກໍ່ສ້າງສ້ອມແປງພື້ນຖານໂຄງລ່າງຂອງແຂວງ ເປັນຕົ້ນເສັ້ນທາງຫລວງແຫ່ງຊາດ, ເສັ້ນທາງເທສະບານແຂວງ ແລະ ປັບປຸງ-ຂະຫຍາຍເສັ້ນທາງເຂ້ົາສະຖານີລົດໄຟ. ພ້ອມກັນນ້ັນ, ວຽກງານກະສິກໍາ ແລະ ປ່າໄມ້, ອຸດສາຫະກຳ ແລະ ການຄ້າ, ການບໍລິການ, ພາສີອາກອນ ແລະ ວຽກງານກໍໍ່ສ້າງຮາກຖານການເມືອງ ຕິດພັນກັບການແກ້ໄຂຄວາມທຸກຍາກຂອງປະຊາຊົນ ກໍມີການຂະຫຍາຍຕົວ ແລະ ໄດ້ຮັບການປັບປຸງນັບມື້ດີຂຶ້ນເປັນກ້າວໆ.
ຫລັງຈາກນັ້ນ, ທ່ານຮອງນາຍົກລັດຖະມົນຕີ, ຜູ້ປະຈຳການ ກໍໄດ້ມີຄໍາເຫນັໂອ້ລົມ ໂດຍໄດ້ເນັ້ນໃຫ້ຄະນະພັກ-ຄະນະນຳແຕ່ລະຂັ້ນ ເອົາໃຈໃສ່ຕື່ມບາງດ້ານ ເປັນຕົ້ນສືບຕໍ່ເພີ່ມທະວີການລົງກໍໍ່ສ້າງຮາກຖານການເມືອງ, ພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນໃຫ້ນັບມື້ມີການຫັນປ່ຽນດີຂຶ້ນ; ສືບຕໍ່ກໍໍ່ສ້າງພັກ-ພະນັກງານຕາມທິດປອດໃສ, ເຂັ້ມແຂງ ແລະ ໜັກແໜ້ນ; ເດັດດ່ຽວແກ້ໄຂບັນດາປະກົດການຫຍໍໍ້ທໍໍ້ ໃຫ້ຫລຸດໜ້ອຍຖອຍລົງເປັນກ້າວໆ; ສຸມໃສ່ສ້າງການຫັນປ່ຽນດ້ານການບໍລິຫານລັດ ແລະ ການຈັດເກັບລາຍຮັບເຂົ້າງົບປະມານ ໃຫ້ເປັນທັນສະໄໝ; ສືບຕໍ່ເອົາໃຈໃສ່ຈັດຕັ້ງຜັນຂະຫຍາຍທິດຊີ້ນຳຂອງພັກ ໃນການສ້າງເສດຖະກິດເອກະລາດ ເປັນເຈົ້າຕົນເອງໃນໄລຍະໃໝ່ ຕາມມະຕິ 04/ກມສພ ແລະ ມະຕິ 05/ລບ ໂດຍຊຸກຍູ້ສົົ່ງ ເສີມອັນເປັນທ່າແຮງບົ່ມຊ້ອນຂອງແຂວງ ໃຫ້ເກີດປະໂຫຍດສູງສຸດ; ສືບຕໍໍ່ຕິດຕາມ, ກວດກາບັນດາໂຄງ ການແຮ່ທາດທີ່ໄດ້ອະນຸມັດຜ່ານມາຢ່າງເຂັ້ມງວດເພື່ອຕ້ານ ແລະ ສະກັດກ້ັນການລັກລອບຂຸດຄ້ົນ, ປຸງແຕ່ງ, ເກັບຊື້-ຂາຍ, ນໍາເຂົ້າສົົ່ງອອກແຮ່ທາດ ແລະ ຜະລິດຕະພັນແຮ່ທາດຕ່າງໆທີ່ບໍໍ່ຖືກຕ້ອງຕາມກົດໝາຍ; ສືບຕໍ່ແກ້ໄຂບັນຫາການນຳເຂົ້າພາຫະນະບໍ່ຖືກຕ້ອງ ແລະ ນໍາໃຊ້ບໍໍ່ຖືກເປົ້າໝາຍ, ທັງປະຕິບັດມາດຕະການເດັດຂາດຕໍໍ່ຜູ້ປອມ ແປງເອກະສານ ແລະ ມີສ່ວນກ່ຽວຂ້ອງກັບການລັກລອບນໍາເຂົ້າຍານພາຫະນະ; ສືບຕໍໍ່ປັບປຸງກົນໄກການຕິດຕາມກວດກາບັນດາໂຄງການລົງທຶນ ທີ່ໄດ້ຮັບການອະນຸມັດຜ່ານມາ, ໂຄງການໃດບໍ່ມີຄວາມຄືບໜ້າ ຫລື ບໍ່ປະຕິບັດຕາມສັນຍາແມ່ນໃຫ້ຮີບຮ້ອນແກ້ໄຂຕາມກົດໝາຍ ແລະ ລະບຽບການ; ເອົາໃຈໃສ່ແຈ້ງເຕືອນ ຫລື ອອກຂ່າວເພື່ອໃຫ້ປະຊາຊົນໄດ້ຮັບຮູ້-ມີສະຕິ ແລະ ກະກຽມຮັບມືກັບເຫດໄພພິບັດທາງທຳມະຊາດຕ່າງໆ ທີ່ອາດຈະເກີດຂຶ້ນຢ່າງທັນການ.
ຂ່າວ-ພາບ: ກົມປະຊາສໍາພັນ ຫສນຍ
KPL
