ຂປລ
ການຍົກລະດັບ ຫຸ່ນຍົນ ອຸດສາຫະກໍາ ຂອງ ສປ ຈີນ ໄດ້ເລັ່ງລັດໄວຂຶ້ນ ເຮັດໃຫ້ມີ ຄວາມສາມາດແຂ່ງຂັນສູງຂຶ້ນ ຢ່າງ ບໍ່ຢຸດຢັ້ງ ເຊິ່ງໄດ້ປະກອບສ່ວນ ເຂົ້າໃນການ ຫັນເປັນ ອຸດສາສາຫະກໍາການຜະລິດ ແບບອັດສະລິຍະຂອງໂລກ.
ຂປລ.ວິທະຍຸ ໂທລະພາບ ສູນກາງຈີນ, ການຍົກລະດັບ ຫຸ່ນຍົນ ອຸດສາຫະກໍາ ຂອງ ສປ ຈີນ ໄດ້ເລັ່ງລັດໄວຂຶ້ນ ເຮັດໃຫ້ມີ ຄວາມສາມາດແຂ່ງຂັນສູງຂຶ້ນ ຢ່າງບໍ່ຢຸດຢັ້ງ ເຊິ່ງໄດ້ປະກອບສ່ວນ ເຂົ້າໃນການ ຫັນເປັນ ອຸດສາສາຫະກໍາການຜະລິດ ແບບອັດສະລິຍະຂອງໂລກ. ອີງຕາມຕົວເລກ ຂໍ້ມູນຫລ້າສຸດ ທີ່ອົງການພາສີແຫ່ງຊາດຈີນ ລາຍງານໃຫ້ຮູ້ວ່າ: ປີ 2025 ຍອດມູນຄ່າ ການສົ່ງອອກຫຸ່ນຍົນອຸດ ສາຫະກໍາຂອງ ສປ ຈີນ ຫລາຍກວ່າ ການນໍາເຂົ້າ ເປັນເທື່ອທໍາອິດ ເຮັດໃຫ້ ສປ ຈີນ ກາຍເປັນປະເທດສົ່ງອອກຫຸ່ນຍົນ ອຸດສາຫະກໍາສຸດທິ. ໃນ 6 ເດືອນຕົ້ນປີນີ້, ມູນຄ່າການສົ່ງອອກຫຸ່ນຍົນ ອຸດສາຫະກໍາ ຂອງ ສປ ຈີນ ມີເຖິງ 6 ຕື້ກວ່າຢວນ, ເພີ່ມຂຶ້ນ 18,6% ເມື່ອທຽບໃສ່ປີກາຍ ໂດຍໄດ້ສົ່ງອອກຫຸ່ນຍົນ ອຸດສາຫະກໍາສູ່ 141 ປະເທດ ແລະ ເຂດແຄວ້ນທົ່ວໂລກ. ບຸກຄົນພາຍໃນວົງການ ອຸດສາຫະກໍານີ້ ເຫັນວ່າ: ຫຸ່ນຍົນອຸດສາຫະກໍາຂອງ ສປ ຈີນ ມີຕ່ອງໂສ້ອຸດສາຫະກໍາ ທີ່ສົມບູນຄົບຖ້ວນ, ທັງມີທ່າແຮງອັນພົ້ນເດັ່ນ ໃນດ້ານຕົ້ນທຶນ ແລະ ການຕອບສະໜອງ ຄວາມຕ້ອງການ ຂອງລູກຄ້າ ຫລັງການຈໍາ ໜ່າຍ ເຮັດໃຫ້ຫຸ່ນຍົນ ອຸດສາຫະກໍາຂອງ ສປ ຈີນສາມາດສອດຄ່ອງກັບ ຄວາມຕ້ອງການ ສ່ວນບຸກຄົນ ໂດຍສະເພາະ ຢູ່ຕະຫລາດ ຕ່າງປະເທດ ງ່າຍກວ່າກັນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
