ຂປລ
ກອງປະຊຸມລັດຖະມົນຕີ ການທ່ອງທ່ຽວ ຄັ້ງທີ 13 ຂອງອົງການຮ່ວມມືຶ ເສດຖະກິດ ອາຊີິ ປາຊີຟິກ ຫລື APEC ໄດ້ຈັດ ຂຶ້ນ ຢູ່ເຂດບໍລິຫານ ພິເສດມາກາວຂອງ ສປ ຈີນ ໂດຍມີ ຜູ້ຮັບຜິດຊອບ ດ້ານການທ່ອງທ່ຽວຈາກ 21 ກຸ່ມເສດຖະກິດ APEC ເຂົ້າຮ່ວມ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 27 ມິຖຸນານີ້, ກອງປະຊຸມລັດຖະມົນຕີ ການທ່ອງທ່ຽວ ຄັ້ງທີ 13 ຂອງອົງການຮ່ວມມືຶ ເສດຖະກິດ ອາຊີິ ປາຊີຟິກ ຫລື APEC ໄດ້ຈັດຂຶ້ນ ຢູ່ເຂດບໍລິຫານ ພິເສດມາກາວຂອງ ສປ ຈີນ ໂດຍມີ ຜູ້ຮັບຜິດຊອບ ດ້ານການທ່ອງທ່ຽວຈາກ 21 ກຸ່ມເສດຖະກິດ APEC ເຂົ້າຮ່ວມ. ກອງປະຊຸມຄັ້ງນີ້ ພາຍໃຕ້ຫົວຂໍ້ “ການປະດິດສ້າງໃໝ່ ດ້ານດິຈິຕອນ ຮ່ວມມືກັນ ຍົກສູງຄວາມສາມາດ ນຳໃຊ້ການທ່ອງທ່ຽວ ເພື່ອສ້າງສາ ປະຊາຄົມ ອາຊີ ປາຊີຟິກ” ເພື່ອປຶກສາຫາລື ກ່ຽວກັບ ຄວາມມີຊີວິດໃໝ່, ແຮງຂັບເຄື່ອນໃໝ່ ແລະ ຮູບແບບ ທຸລະກິດໃໝ່ ໃນການ ພັດທະນາ ທີ່ມີຄຸນນະພາບສູງ ດ້ານອຸດສາຫະກຳ ການທ່ອງທ່ຽວ, ນຳພາອຸດສາຫະກຳ ການທ່ອງທ່ຽວ ຂອງອາຊີປາຊີຟິກ ກ້າວເຂົ້າສູ່ ໄລຍະການພັດທະນາໃໝ່ ທີ່ມີຊີວິດຊີວາໃໝ່ ແລະ ແບບຍືນຍົງຂຶ້ນ ກວ່າເກົ່າ, ພ້ອມທັງ ສ້າງພື້ນຖານດ້ານເສດຖະກິດ ແລະ ຮັດແໜ້ນຄວາມສຳຄັນ ລະຫວ່າງ ປະຊາຊົນ ເພື່ອສ້າງປະຊາຄົມ ອາຊີ ປາຊີຟິກ. ກອງປະຊຸມລັດຖະມົນຕີ ການທ່ອງທ່ຽວຄັ້ງນີ້ ແມ່ນສ່ວນ ທີ່ສຳຄັນຂອງ “ປີຈີນ” ຂອງ APEC, ເຊິ່ງຈະກາຍເປັນຈຸດ ເລີ່ມຕົ້ນໃໝ່ໃນການລົງເລິກການຮ່ວມມື ດ້ານການທ່ອງທ່ຽວ ລະຫວ່າງ ທຸກກຸ່ມເສດຖະກິດ ໃຫ້ແໜ້ນແຟ້ນຍິ່ງຂຶ້ນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
