ຂປລ
ງານວາງສະແດງ ເພື່ອສົ່ງເສີມຕ່ອງໂສ້ ການສະໜອງສາກົນຈີນ ຄັ້ງທີ 4 ທີ່ດຳເນີນເປັນເວລາ 5 ວັນ ໄດ້ອັດລົງ ໃນວັນ ທີ 26 ມິຖຸນານີ້. ສະພາສົ່ງເສີມ ການຄ້າສາກົນຈີນ ໄດ້ເຜີຍໃຫ້ຮູ້ວ່າ: ງານວາງສະແດງຄັ້ງນີ້ ມີຕົວເລກດັດຊະນີ ຫລາຍດ້ານ ໄດ້ສ້າງສະຖິຕິໃໝ່ໃນປະຫວັດສາດ ງານວາງສະແດງດັ່ງກ່າວ. ຂອບເຂດການວາງສະແດງ ແລະການແລກປ່ຽນ ຂອງງານຄັ້ງນີ້ ໄດ້ຮັບການເປີດກວ້າງຕື່ມອີກ.
ຂປລ.ວິທະຍຸ ໂທລະພາບ ສູນກາງຈີນ, ງານວາງສະແດງ ເພື່ອສົ່ງເສີມຕ່ອງໂສ້ ການສະໜອງສາກົນຈີນ ຄັ້ງທີ 4 ທີ່ດຳເນີນເປັນເວລາ 5 ວັນ ໄດ້ອັດລົງ ໃນວັນທີ 26 ມິຖຸນານີ້. ສະພາສົ່ງເສີມ ການຄ້າສາກົນຈີນ ໄດ້ເຜີຍໃຫ້ຮູ້ວ່າ: ງານວາງສະແດງຄັ້ງນີ້ ມີຕົວເລກດັດຊະນີຫລາຍດ້ານ ໄດ້ສ້າງສະຖິຕິໃໝ່ໃນປະຫວັດສາດ ງານວາງສະແດງດັ່ງກ່າວ. ຂອບເຂດການວາງສະແດງ ແລະການແລກປ່ຽນ ຂອງງານຄັ້ງນີ້ ໄດ້ຮັບການເປີດກວ້າງຕື່ມອີກ. ມີຫົວໜ່ວຍທຸລະກິດ ແລະ ວິສາຫະກິດຄູ່ຮ່ວມມືຕົ້ນນ້ຳ ແລະ ປາຍນ້ຳ ຂອງຕ່ອງໂສ້ ການສະໜອງ ທັງພາຍໃນ ແລະ ຕ່າງປະເທດ ຫລາຍກວ່າ 1.200 ແຫ່ງ ໄດ້ເຂົ້າຮ່ວມງານວາງສະແດງຄັ້ງນີ້, ຈຳນວນວິສາຫະກິດ ທີ່ເຂົ້າຮ່ວມງານວາງສະແດງ ໄດ້ສ້າງສະຖິຕິໃໝ່ໃນປະຫວັດສາດ. ຈຳນວນຜູ້ຊົມ ທີ່ມີຄວາມຮູ້ວີຊາການ ໄດ້ເພີ່ມຂຶ້ນ 22% ເມື່ອທຽບໃສ່ຄັ້ງຜ່ານມາ. ກ່ອນຈະອັດງານ, ມີວິສາຫະກິດ ແລະ ອົງການຈັດຕັ້ງຈາກ ສປ ຈີນ ແລະ ຕ່າງປະເທດ ທັງໝົດ 115 ແຫ່ງ ໄດ້ລົງນາມເພື່ອສະແດງ ຄວາມມຸ່ງໝັ້ນ ທີ່ຈະມີສ່ວນຮ່ວມ ໃນງານວາງສະແດງຄັ້ງຕໍ່ໄປ, ຄືໄດ້ຈອງປີ້ເຂົ້າຮ່ວມງານຄັ້ງທີ 5 ລ່ວງໜ້າ ເຊິ່ງເພີ່ມຂຶ້ນ 12,7% ເມື່ອທຽບໃສ່ຄັ້ງຜ່ານມາ. ໃນນັ້ນ, ມີວິສາຫະກິດ 20 ແຫ່ງໄດ້ລົງນາມສັນຍາສະແດງຄວາມມຸ່ງໝັ້ນທີ່ຈະເຂົ້າຮ່ວມການວາງສະແດງໄລຍະ 3 ປີ ຫລື 5 ປີ.\.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
