ຂປລ
ສປ ຈີນ ຍິນດີຮ່ວມກັບ ກຳປູເຈຍ ຊຸກຍູ້ການສ້າງຄູ່ຮ່ວມຊາຕາກຳຈີນ-ກຳປູເຈຍ ຢ່າງໜັກແໜ້ນ.ປັດຈຸບັນ,ສະຖານະການສາກົນ ແລະ ພາກພື້ນມີການປ່ຽນແປງຢ່າງສັບສົນ ແລະ ເລິກເຊິ່ງ,ສປ ຈີນ ແລະ ກຳປູເຈຍ ຄວນຮ່ວມກັນ ເພື່ອເພີ່ມສະຖຽນລະພາບ ໃຫ້ແກ່ ສັນຕິພາບ ແລະ ການພັດທະນາ ໃນພາກພື້ນ
ຂປລ.ວິທະຍຸ ໂທລະພາບ ສູນກາງຈີນ, ໃນວັນທີ 26 ມິຖຸນານີ້, ຢູ່ຫໍສະພາ ປະຊາຊົນ ທີ່ນະຄອນຫລວງ ປັກກິ່ງຂອງ ສປ ຈີນ, ທ່ານ ສີ ຈິ້ນຜິງ ເລຂາທິການໃຫຍ່ ຄະນະກຳມະການ ສູນກາງພັກ ກອມມູນິດຈີນ, ປະທານປະເທດຈີນ ໄດ້ພົບປະກັບ ທ່ານ ຮຸນເຊນ ປະທານພັກ ປະຊາຊົນ ກຳປູເຈຍ, ປະທານສະພາສູງ ກຳປູເຈຍ.ໃນໂອກາດນີ້ ທ່ານ ສີ ຈິ້ນຜິງ ກ່າວວ່າ: ສປ ຈີນ ຍິນດີຮ່ວມກັບ ກຳປູເຈຍ ຊຸກຍູ້ການສ້າງຄູ່ຮ່ວມຊາຕາກຳຈີນ-ກຳປູເຈຍ ຢ່າງໜັກແໜ້ນ. ປັດຈຸບັນ,ສະຖານະການສາກົນ ແລະ ພາກພື້ນມີການປ່ຽນແປງຢ່າງສັບສົນ ແລະ ເລິກເຊິ່ງ,ສປ ຈີນ ແລະ ກຳປູເຈຍ ຄວນຮ່ວມກັນ ເພື່ອເພີ່ມສະຖຽນລະພາບ ໃຫ້ແກ່ ສັນຕິພາບ ແລະ ການພັດທະນາ ໃນພາກພື້ນ: ສ້າງພື້ນຖານ ຄວາມໄວ້ເນື້ອເຊື່ອໃຈກັນ ທາງຍຸດທະສາດ ໃຫ້ມີຄວາມໜັກແໜ້ນ, ເດີນຕາມເສັ້ນທາງ ແຫ່ງການພັດທະນາ ແລະ ຄວາມຈະເລີນ ຢ່າງໝັ້ນທ່ຽງ, ປົກປ້ອງສັນຕິພາບ ແລະ ຄວາມໝັ້ນຄົງແບບຖາວອນ ຂອງປະເທດໃຜລາວ ແລະ ສ້າງແບບ ຢ່າງການປະສານງານ ທາງຍຸດທະສາດ.ຈາກນັ້ນ ທ່ານ ຮຸນເຊນ ກ່າວວ່າ: ກຳປູເຈຍ ຍຶດໝັ້ນ ປະຕິບັດຕາມຫລັກການ ປະເທດຈີນດຽວ. ຍິນດີຮ່ວມກັບ ສປ ຈີນ ເພີ່ມທະວີ ການເຊື່ອມຕໍ່ກັນ ລະຫວ່າງ “ຍຸດທະສາດ 5 ແຈ” ກັບຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”, ລົງເລິກການຮ່ວມມື ໃນຂົງເຂດ ເສດຖະກິດ,ຄວາມໝັ້ນຄົງ ແລະ ຂົງເຂດອື່ນໆ. ຍິນດີຮັດແໜ້ນ ການຮ່ວມມືກັບ ສປ ຈີນ ໃນດ້ານການບັງຄັບໃຊ້ ກົດໝາຍ ເພື່ອປາບປາມ ການຫລອກລວງ ທາງໂທລະຄົມ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
