ຂປລ. ອາທິດນີ້, ຄໍລຳ “ຊີວິດກົດໝາຍ” ໜັງສືພິມປະເທດລາວ ຂໍມາສະເໜີປະມວນກົດໝາຍອາ ຍາໃຫ້ທ່ານຜູ້ອ່ານຕື່ມ ໂດຍຕໍ່ຈາກ ມາດຕາ 119 ຫາ 120 ໃຫ້ພວກ ເຮົາໄດ້ຮັບຮູ້ຕື່ມອີກ. ມາດຕາ 119 ການໂຈລະກຳ: ບຸກຄົນໃດຫາກໄດ້ເຂົ້າໃນການຈັດ ຕັ້ງເປັນກຸ່ມປະກອບອາວຸດແລ້ວ ໂຈມຕີ, ທຳລາຍໂຮງຈັກໂຮງງານ, ສຳນັກງານ, ການໂຈລະກຳ ຫລື ຈັບ ຫລື ຂ້າພະນັກງານ, ປະຊາຊົນ ຫລື ປຸ້ນເອົາຊັບສົມບັດຂອງລັດ, ຂອງ ລວມໝູ່, ຂອງບຸກຄົນ ເພື່ອທຳລາຍ ພື້ນຖານຄວາມເປັນລະບຽບຂອງ ສັງຄົມຈະຖືກລົງໂທດຕັດອິດສະລະ ພາບແຕ່ຫ້າປີ ຫາ ຊາວປີ ແລະ ຈະ ຖືກປັບໃໝ ແຕ່ 50.000.000 ກີບ ຫາ 500.000.000 ກີບ, ອາດຈະຖືກຮິບຊັບ ແລະ ອາດຈະຖືກ ຈຳກັດທີ່ຢູ່ ຫລື ຕັດອິດສະລະພາບ ຕະຫລອດຊີວິດ ຫລື ປະຫານຊີວິດ. ການກະກຽມໃຫ້ແກ່ການກະ ທຳຜິດ, ຄວາມພະຍາຍາມກໍ່ການ ກະທຳຜິດກໍຈະຖືກລົງໂທດ. ມາດຕາ 120 ການກໍ່ການ ຮ້າຍ: ການກໍ່ການຮ້າຍແມ່ນການ ກະທຳຂອງບຸກຄົນ, ກຸ່ມຄົນ ຫລື ການຈັດຕັ້ງໃນ ຫລື ນອກດິນແດນ ສປປ ລາວ ດັ່ງນີ້: 1. ການກະທຳທີ່ ສ້າງຜົນສະທ້ອນຕໍ່ຄວາມໝັ້ນຄົງ, ພື້ນຖານເສດຖະກິດ-ສັງຄົມຂອງ ຊາດ, ອົງການຈັດຕັ້ງຕ່າງປະເທດ, ອົງການສາກົນ, ສ້າງຄວາມຫຍຸ້ງ ຍາກຕໍ່ການພົວພັນສາກົນຂອງ ສປປ ລາວ ຫລື ສ້າງຄວາມວຸ້ນວາຍ ໃຫ້ແກ່ປະຊາຊົນໃນສັງຄົມ; 2. ການ ກະທຳຮຸນແຮງທີ່ແຕະຕ້ອງເຖິງ ຊີວິດ, ສຸຂະພາບ, ສິດເສລີພາບ ຫລື ການບັງຄັບ, ການນາບຂູ່ທາງ ດ້ານຮ່າງກາຍ ແລະ ຈິດໃຈ; 3. ການຍຶດ, ທຳລາຍຊັບສິນ, ບຸກລຸກ, ໂຈມຕີ, ຂັດຂວາງ, ສ້າງຄວາມ ເສຍຫາຍ ແລະ ສ້າງຄວາມວຸ້ນວາຍ ໃຫ້ແກ່ລະບົບຄອມພິວເຕີ, ລະບົບ ຄົມມະນາຄົມ, ລະບົບອິນເຕີເນັດ ຫລື ເຄື່ອງມືດີຈິຕອນຂອງອົງການ ຈັດຕັ້ງລັດ, ນິຕິບຸກຄົນ, ການຈັດຕັ້ງ ແລະ ບຸກຄົນ; 4. ການປຸງແຕ່ງ, ຜະລິດ, ນຳໃຊ້, ບັນຈຸ, ຂົນສົ່ງ, ຮິບ ໂຮມ, ຈັດຫາວັດຖຸລະເບີດ, ສານ ກຳມັນຕະພາບລັງສີ, ສານພິດ, ວັດຖຸໄວໄຟ ແລະ ຊື້-ຂາຍອາວຸດ, ອຸປະກອນ, ຍານພາຫະນະລວມ ທັງການແນະນຳໃຫ້ກະທຳການ ໃດໜຶ່ງ ໂດຍມີຈຸດປະສົງຕາມທີ່ ໄດ້ກຳນົດໄວ້ໃນຂໍ້ 1, 2 ແລະ 3 ຂອງມາດຕານີ້; 5. ການເຜີຍແຜ່, ຊັກຊວນ, ຊຸກຍູ້, ບັງຄັບ, ນາບຂູ່, ວ່າຈ້າງ ຫລື ສ້າງເງື່ອນໄຂ, ຊ່ວຍ ເຫລືອໃຫ້ມີການກະທຳຕາມທີ່ໄດ້ ກຳນົດໄວ້ໃນຂໍ້ 1, 2, 3 ແລະ 4 ຂອງມາດຕານີ້; 6. ການກະທຳຜິດ ອື່ນທີ່ຖືວ່າເປັນການກໍ່ການຮ້າຍ ຕາມທີ່ໄດ້ກຳນົດໄວ້ໃນກົດໝາຍ, ສົນທິສັນຍາ ຫລື ສັນຍາສາກົນທີ່ ສປປ ລາວ ເປັນພາຄີ. ບຸກຄົນໃດຫາກໄດ້ກະທຳຜິດ ໃນສະຖານການກໍ່ການຮ້າຍຈະຖືກ ລົງໂທດຕັດອິດສະລະພາບແຕ່ຫ້າ ປີ ຫາ ຊາວປີ ແລະ ຈະຖືກປັບໃໝ ແຕ່ 1.000.000.000 ກີບ ຫາ 5.000.000.000 ກີບ.ໃນກໍລະນີ ທີ່ມີການຈັດຕັ້ງເປັນກຸ່ມ ຫລື ສ້າງ ຄວາມເສຍຫາຍຢ່າງຫລວງຫລາຍ ແລະ ໜັກໜ່ວງຈະຖືກລົງໂທດຕັດ ອິດສະລະພາບແຕ່ສິບປີ ຫາ ຕະ ຫລອດຊີວິດ ແລະ ຈະຖືກປັບໃໝ ແຕ່ 5.000.000.000 ກີບ ຫາ 7.000.000.000 ກີບ ແລະ ຈະ ຖືກຮິບຊັບ ຫລື ປະຫານຊີວິດ. ການກະກຽມໃຫ້ແກ່ການກະ ທຳຜິດ, ຄວາມພະຍາຍາມກໍ່ການ ກະທຳຜິດກໍຈະຖືກລົງໂທດ. (ພໍ້ກັນໃໝ່ ສະບັບໜ້າ)