ຂປລ
ຂປລ. ແຫລ່ງຂ່າວຈາກ ແຂວງໄຊ ສົມບູນ ໃຫ້ຮູ້ວ່າ: ຜູ້ສະໝັກຮັບເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດ ທີ X ປະຈໍາເຂດເລືອກຕັ້ງທີ 18 ແຂວງ ໄຊສົມບູນ ຄະນະທີ 2 ສືບຕໍ່ເຄື່ອນ ໄຫວຫາສຽງ ແລະ ແນະນຳຕົວຕໍ່ຜູ້ມີສິດ ເລືອກຕັ້ງ ຢູ່ເມືອງຮົ່ມ
ຂປລ. ແຫລ່ງຂ່າວຈາກ ແຂວງໄຊ
ສົມບູນ ໃຫ້ຮູ້ວ່າ: ຜູ້ສະໝັກຮັບເລືອກຕັ້ງ
ສະມາຊິກສະພາແຫ່ງຊາດ (ສສຊ) ຊຸດ
ທີ X ປະຈໍາເຂດເລືອກຕັ້ງທີ 18 ແຂວງ
ໄຊສົມບູນ ຄະນະທີ 2 ສືບຕໍ່ເຄື່ອນ
ໄຫວຫາສຽງ ແລະ ແນະນຳຕົວຕໍ່ຜູ້ມີສິດ
ເລືອກຕັ້ງ ຢູ່ເມືອງຮົ່ມ ໃນວັນທີ 9
ກຸມພາ 2026 ຊຶ່ງນໍາພາໂດຍທ່ານ
ພອຍຄໍາ ຮຸ່ງບຸນຍວງ ກໍາມະການສູນ
ກາງພັກ, ເລຂາຄະນະບໍລິຫານງານພັກ
ແຂວງໄຊສົມບູນ ຜູ້ສະໝັກນ້ຳເບີ 2 ພ້ອມ
ດ້ວຍຜູ້ສະໝັກ 5 ທ່ານ ຍິງ 1 ທ່ານ.
ໂອກາດນີ້, ຜູ້ສະໝັກເລືອກຕັ້ງ
ຄະນະທີ 2 ໄດ້ຜັດປ່ຽນກັນຂຶ້ນຜ່ານ
ຊີວະປະຫວັດຫຍໍ້ ແລະ ຜົນງານການ
ເຄື່ອນໄຫວຂອງຕົນ ໃນໄລຍະຜ່ານ
ມາ ພ້ອມທັງໃຫ້ຄໍາໝັ້ນສັນຍາວ່າ:
ຫາກໄດ້ຮັບຄວາມໄວ້ວາງໃຈ ຈາກຜູ້ມີ
ສິດເລືອກຕັ້ງ ຕົນເອງຈະສຸມທຸກເຫື່ອ
ແຮງ, ສະຕິປັນຍາ ແລະ ຄວາມຮູ້-
ຄວາມສາມາດ ເຂົ້າໃນການຮັບໃຊ້
ຊາດ, ຮັບໃຊ້ປະຊາຊົນ ແລະ ເປັນຂົວຕໍ່
ທີ່ເຂັ້ມແຂງ ລະຫວ່າງສູນກາງ ແລະ
ທ້ອງຖິ່ນ ເພື່ອພັດທະນາ ແຂວງໄຊ
ສົມບູນ ໃຫ້ມີໃບໜ້າໃໝ່ທີ່ສົດໃສກວ່າ
ເກົ່າ. ຂະນະດຽວກັນ, ຜູ້ສະໝັກແຕ່ລະ
ທ່ານຍັງໄດ້ຮຽກຮ້ອງໃຫ້ຜູ້ມີສິດເລືອກ
ຕັ້ງ ຢູ່ເມືອງຮົ່ມ ຈົ່ງໃຊ້ສິດປະຊາທິປະ
ໄຕຂອງຕົນຢ່າງເຕັມສ່ວນ ໃນການ
ຄັດເລືອກເອົາບຸກຄົນທີ່ມີຄວາມຮູ້-
ຄວາມສາມາດ ແລະ ມີຄຸນສົມບັດສິນ
ທໍາປະຕິວັດ ເພື່ອເຂົ້າໄປເຮັດໜ້າທີ່ເປັນ
ຕົວແທນແຫ່ງສິດ ແລະ ຜົນປະໂຫຍດ
ຂອງປະຊາຊົນ ຢ່າງແທ້ຈິງ.
ໂອກາດດັ່ງກ່າວ, ຄະນະຮັບຜິດ
ຊອບການເລືອກຕັ້ງ ຍັງໄດ້ສະເໜີລາຍ
ຊື່ ແລະ ປະຫວັດການເຄື່ອນໄຫວໂດຍ
ຫຍໍ້ ຂອງຜູ້ສະໝັກຮັບເລືອກຕັ້ງສະມາ
ຊິກສະພາແຫ່ງຊາດ ປະຈໍາເຂດເລືອກ
ຕັ້ງທີ 18 ແຂວງໄຊສົມບູນ ຊຶ່ງແມ່ນຄະ
ນະທີ 1 ທີ່ລົງເຄື່ອນໄຫວຫາສຽງ ແລະ
ສະເໜີໂຕຕໍ່ປະຊາຊົນ ບ້ານເທສະບານ
ເມືອງຮົ່ມ ໃຫ້ຜູ້ມີສິດເລືອກຕັ້ງໄດ້
ຮັບຊາບ ໂດຍການນໍາພາຂອງທ່ານ
ມອນໄຊ ລາວມົວຊົ່ງ ກໍາມະການສູນ
ກາງພັກ, ຮອງປະທານສູນກາງແນວ
ລາວສ້າງຊາດ ຜູ້ສະໝັກນ້ຳເບີ 1 ພ້ອມ
ດ້ວຍ ຜູ້ສະໝັກ 5 ທ່ານ ຍິງ 1 ທ່ານ
ເພື່ອໃຫ້ຜູ້ມີສິດເລືອກຕັ້ງໄດ້ຄົ້ນຄວ້າພິ
ຈາລະນາ ແລະ ເລືອກເອົາບຸກຄົນ ທີ່ມີ
ມາດຖານເງື່ອນໄຂຄົບຖ້ວນ ເຂົ້າໃນ
ສະພາ ແລະ ພັດທະນາທ້ອງຖິ່ນຂອງ
ຕົນໃຫ້ຈະເລີນກ້າວໜ້າ.
KPL
