ຂປລ
ລັດຖະບານ ກຳປູເຈຍ ໄດ້ເປີດເຜີຍ ເອກະສານທາງການວ່າ ຈະທົດລອງປະຕິບັດນະໂຍບາຍ ຍົກເວັ້ນວີຊາ ຕໍ່ພົນລະເມືອງຈີນ ໃນໄລຍະວັນທີ 15 ມິຖຸນາ ຫາວັນທີ 15 ຕຸລາປີ 2026.
ຂປລ.ວິທະຍຸ-ໂທລະພາບ ສູນກາງຈີນ, ລັດຖະບານ ກຳປູເຈຍ ໄດ້ເປີດເຜີຍ ເອກະສານທາງການວ່າ ຈະທົດລອງປະຕິບັດນະໂຍບາຍ ຍົກເວັ້ນວີຊາ ຕໍ່ພົນລະເມືອງຈີນ ໃນໄລຍະວັນທີ 15 ມິຖຸນາ ຫາວັນທີ 15 ຕຸລາປີ 2026. ເອກະສານດັ່ງກ່າວ ໄດ້ລະບຸວ່າ: ລັດຖະບານ ກຳປູເຈຍ ເຫັນດີ ຈະທົດລອງ ປະຕິບັດນະໂຍບາຍ ຍົກເວັ້ນວີຊາ ຕໍ່ພົນລະເມືອງຈີນ ທີ່ອອກເດີນທາງ ຈາກ ສປ ຈີນ ໄປກຳປູເຈຍ ໂດຍຈະອະນຸຍາດ ໃຫ້ອາໄສຢູ່ ກຳປູເຈຍ ເປັນເວລາ 14 ວັນ. ໃນໄລຍະທົດລອງ ປະຕິບັດ ນະໂຍບາຍ ເປັນເວລາ 4 ເດືອນ, ພົນລະເມືອງຈີນ ບໍ່ຈຳເປັນ ຕ້ອງຍື່ນຂໍວີຊາ ຫລື ເສຍຄ່າທຳນຽມໃດໆ, ພຽງແຕ່ ຕື່ມຂໍ້ມູນໃສ່ແບບຟອມ ເຂົ້າເມືອງ ເອເລັກໂຕຣນິກ ເທົ່ານັ້ນ ກໍ່ສາມາດ ເຂົ້າປະເທດ ກຳປູເຈຍ ໄດ້ ແລະ ສາມາດ ເຂົ້າປະເທດ ດັ່ງກ່າວ ໄດ້ຫລາຍເທື່ອ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
