ຂປລ
ອິນໂດເນເຊຍ ເກີນດຸນການຄ້າ 4,34 ຕື້ໂດລາສະຫະລັດ ໃນເດືອນກັນຍາ ເປັນຕົວເລກຕໍ່າກວ່າ ທີ່ ນັກເສດຖະສາດ ຄາດການໄວ້ 4,79 ຕື້ໂດລາສະຫະລັດ
ຂປລ. ສຳນັກງານ ສະຖິຕິແຫ່ງຊາດ ອິນໂດເນເຊຍ ເປີດເຜີຍ ເມື່ອບໍ່ດົນມານີ້ວ່າ: ອິນໂດເນເຊຍ ເກີນດຸນການຄ້າ 4,34 ຕື້ໂດລາສະຫະລັດ ໃນເດືອນກັນຍາ ເປັນຕົວເລກຕໍ່າກວ່າ ທີ່ ນັກເສດຖະສາດ ຄາດການໄວ້ 4,79 ຕື້ໂດລາສະຫະລັດ, ໃນຂະນະທີ່ ມູນຄ່າ ການສົ່ງອອກ ແລະ ນໍາເຂົ້າຂະຫຍາຍຕົວ ສູງກວ່າ ທີ່ ລາຄາຕະຫລາດ ກຳນົດໄວ້.ສ່ວນມູນຄ່າ ການນໍາເຂົ້າ ບັນລຸ 2,034 ໝື່ນລ້ານໂດລາສະຫະລັດ, ເພີ່ມຂຶ້ນ 7,17% ເມື່ອທຽບເປັນລາຍປີ ເປັນຕົວເລກສູງກວ່າ ທີ່ຄາດການໄວ້. ສ່ວນມູນຄ່າການສົ່ງອອກ ລວມມີ 2,468 ໝື່ນລ້ານໂດລາສະຫະລັດ, ເພີ່ມຂຶ້ນ11,41% ຫລາຍກວ່າທີ່ກຳນົດໄວ້./
KPL
