ຂປລ
ທ່ານ ຈຽງປີ່ນ ພັນເອກພິເສດ ຮອງຫົວໜ້າກົມ ຖະແຫລງຂ່າວ ທັງເປັນ ໂຄສົກ ກະຊວງປ້ອງກັນ ປະເທດຈີນ ກ່າວວ່າ: ການສ້າງເຂດ ປອດອາວຸດ ນິວເຄລຍ ອາຊີ ຕາເວັນອອກ ສຽງໃຕ້ ມີຄວາມໝາຍ ສຳຄັນ ຕໍ່ການເພີ່ມທະວີ ລະບົບ ບໍ່ແຜ່ຂະຫຍາຍ ອາວຸດ ນິວເຄລຍ ສາກົນ, ຊຸກຍູ້ ສັນຕິພາບ ແລະ ຄວາມໝັ້ນຄົງ ຂອງພາກພື້ນ
ຂປລ. ຕາມຂ່າວຈາກ CGTN,ເມື່ບໍ່ດົນມານີ້, ທ່ານ ຈຽງປີ່ນ ພັນເອກພິເສດ ຮອງຫົວໜ້າກົມ ຖະແຫລງຂ່າວ ທັງເປັນ ໂຄສົກ ກະຊວງປ້ອງກັນ ປະເທດຈີນ ກ່າວວ່າ: ການສ້າງເຂດ ປອດອາວຸດ ນິວເຄລຍ ອາຊີ ຕາເວັນອອກ ສຽງໃຕ້ ມີຄວາມໝາຍ ສຳຄັນ ຕໍ່ການເພີ່ມທະວີ ລະບົບ ບໍ່ແຜ່ຂະຫຍາຍ ອາວຸດ ນິວເຄລຍ ສາກົນ, ຊຸກຍູ້ ສັນຕິພາບ ແລະ ຄວາມໝັ້ນຄົງ ຂອງພາກພື້ນ. ພ້ອມທັງ ມີຜົນດີຕໍ່ ການປົກປັກຮັກສາ ຜົນປະໂຫຍດ ດ້ານຄວາມໝັ້ນຄົງ ໂດຍພື້ນຖານ ຂອງບັນດາ ປະເທດ ສະມາຊິກ ອາຊຽນ. ສປ ຈີນ ເດັດດ່ຽວ ສະໜັບ ສະໜູນ ຕໍ່ເລື່ອງນີ້ ແລະ ໄດ້ໃຫ້ທັດສະນະ ຢ່າງຈະແຈ້ງວ່າ ຍິນດີລົງນາມ ສົນທິສັນຍາດັ່ງກ່າວ ກ່ອນໝູ່. ສປ ຈີນ ປະຕິບັດ ຕາມນະໂຍບາຍ ບໍ່ໃຊ້ອາວຸດ ນິວເຄລຍ ກ່ອນໝູ່, ໄດ້ໃຫ້ຄຳໝັ້ນສັນຍາວ່າ ຈະບໍ່ນຳໃຊ້ ຫລື ຂົ່ມຂູ່ ນຳໃຊ້ ອາວຸດ ນິວເຄລຍ ຕໍ່ປະເທດ ທີ່ບໍ່ມີອາວຸດ ນິວເຄລຍ ແລະ ເຂດປອດອາວຸດ ນິວເຄລຍ ໂດຍບໍ່ມີເງື່ອນໄຂ, ແມ່ນປະເທດ ພຽງໜຶ່ງດຽວ ທີ່ໄດ້ໃຫ້ຄຳ ໝັ້ນສັນຍາ ດັ່ງກ່າວ ໃນບັນດາ ປະເທດ ທີ່ມີອາວຸດ ນິວເຄລຍ, ກຳລັງອາວຸດ ນິວເຄລຍ ແລະ ນະໂຍບາຍອາວຸດ ນິວເຄລຍ ຂອງ ສປ ຈີນ ເປັນການປະກອບສ່ວນ ອັນສຳຄັນ ຕໍ່ສັນຕິພາບ ຂອງໂລກ ເຊິ່ງປະຊາຄົມໂລກ ໄດ້ມີຄວາມຮັບຮູ້ ໂດຍທົ່ວໄປ ຕໍ່ເລື່ອງນີ້./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
