ບີວາຍດີ ເລີ່ມສ້າງໂຮງງານປະກອບລົດໄຟຟ້າຢູ່ກຳປູເຈຍ

29/04/2025 22:16

Email Print 185

ຂປລ ບີວາຍດີ(BYD)ຜູ້ຜະລິດ ລົດໄຟຟ້າ ຫລື ອີວີ(EV) ໄດ້ເລີ່ມກໍ່ສ້າງ ໂຮງງານ ປະກອບລົດ ທີ່ເຂດ ເສດຖະກິດ ພິເສດ ສີຫານຸວີລ ໃນແຂວງພະສີຫານຸ ຂອງກຳປູເຈຍ.

ຂປລ.ສຳນັກຂ່າວ ຊິນຮວາ ຂອງ ສປ ຈີນ,ວັນທີ 29ເມສານີ້, ບີວາຍດີ(BYD)ຜູ້ຜະລິດ ລົດໄຟຟ້າ ຫລື ອີວີ(EV) ໄດ້ເລີ່ມກໍ່ສ້າງ ໂຮງງານ ປະກອບລົດ ທີ່ເຂດ ເສດຖະກິດ ພິເສດ ສີຫານຸວີລ ໃນແຂວງພະສີຫານຸ ຂອງກຳປູເຈຍ.ໂຮງງານແຫ່ງນີ້ ຈະເປັນອີກ ໝາກຜົນ ແຫ່ງການຮ່ວມມື ກຳປູເຈຍ- ສປ ຈີນ.ພາຍໃຕ້ ຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ (BRI) ແລະ ເປັນການ ຢືນຢັນວ່າ: ນັກລົງທຶນຈີນ ມີຄວາມໝັ້ນໃຈ ຕໍ່ສະພາບແວດລ້ອມ ແຫ່ງການດຳເນີນ ທຸລະກິດ ແລະ ການລົງທຶນ ຂອງກຳປູເຈຍ, ພ້ອມທັງ ເປັນສູນກາງ ໃນການຖ່າຍທອດ ຂີດຄວາມສາມາດ ແລະ ເຕັກໂນໂລຊີໃໝ່ ໃນຂະແໜງ EV ໃຫ້ແກ່ ບຸກຄະລາກອນ ຂອງກຳປູເຈຍ. BYD ເປັນຍີ່ຫໍ້ EV ທີ່ນິຍົມ ໃນກຳປູເຈຍ.ຖັດມາ ແມ່ນໂຕໂຍຕ້າ ຈາກຍີ່ປຸ່ນ ແລະ ເທສລາ(Tesla )ຈາກ ສະຫະລັດ ອາເມລິກາ ຈຳນວນ ການຈົດທະບຽນລົດ EV ໃນກຳປູເຈຍ ໃນປີ 2024 ມີທັງໝົດ 2.253 ຄັນ, ເພີ່ມຂຶ້ນ ຢ່າງຫລວງຫລາຍ ຈາກ 313 ຄັນໃນປີ 2023 ແລະ ກຳປູເຈຍ ຕັ້ງເປົ້າ ຈະເພີ່ມຈຳນວນ ຂຶ້ນເປັນ 30.000 ຄັນໃນປີ 2030./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL

ຂ່າວຕ່າງປະເທດ
ຜູ້ນຳຣັດເຊຍ ປະກາດຈະຢຸດຍິງໃນເດືອນພຶດສະພານີ້
4/29/2025 10:39:06 PM
ເວັບໄຊ ປະທານາ ທິບໍດີ ຣັດເຊຍ ອອກຖະແຫລງການວ່າ: ທ່ານ ວາລະດີເມຍ ປູຕິນ, ປະທານາທິບໍດີ ຣັດເຊຍ ຕົກລົງວ່າ: ໃນໄລຍະ ລະນຶກ ສົງຄາມ ຮັກຊາດ ຄັ້ງໃຫຍ່ ຄົບຮອບ 80 ປີ, ເລີ່ມແຕ່ ວັນທີ 8-11 ເດືອນພຶດສະພານີ້,
ຂ່າວຕ່າງປະເທດ
ພິທີເປີດນຳໃຊ້ໂຄງການປະຕິສັງຂອນເຂດປູຊະນີຍະສະຖານອະນຸສາວະລີ ເລຂາທິການໃຫຍ່ ເລຢວນ
4/29/2025 8:48:30 PM
ໃນການເດີນທາງ ປະຕິບັດງານ ຢູ່ບັນດາແຂວງ ເຂດທົ່ງພຽງ ແມ່ນ້ຳຂອງ ທາງພາກໃຕ້ ແລະ ພາກກາງ ຂອງທ່ານ ປະທານ ສະພາແຫ່ງຊາດ ຫວຽດນາມ ເຈິ່ນແທັງເໝິນ ໄດ້ເຂົ້າຮ່ວມ ພິທີເປີດ ນຳໃຊ້ໂຄງການ ປະຕິສັງຂອນ ເຂດອະນຸສາວະລີ ເລຂາທິການໃຫຍ່ ເລຢວນ ຢູ່ຕາແສງ ຈ້ຽວແທັ່ງ, ເມືອງຈ້ຽວຟອງ, ແຂວງ ກ໋ວາງຈິ;
ຂ່າວຕ່າງປະເທດ
ເລີ່ມການຂົນສົ່ງທາງບົກໂດຍກົງຂ້າມຊາຍແດນຈີນ-ລາວ-ກຳປູເຈຍ
4/29/2025 6:00:31 PM
ການຂົນສົ່ງ ທາງບົກ ໂດຍກົງ ຂ້າມຊາຍແດນ ລະຫວ່າງ ສປ ຈີນ-ສປປ ລາວ-ກຳປູເຈຍ ໃນເຂດອະນຸພາກພື້ນ ແມ່ນ້ຳຂອງ ໄດ້ເລີ່ມດຳເນີນການ ເມື່ອບໍ່ດົນມານີ້, ລົດຂົນສົ່ງ ສິນຄ້າ ທີ່ບັນຈຸ ພັດລົມ ແຂວນເພດານ, ຖັງນ້ຳຢາງ(ປຼາສະຕິກ) ແລະ ເຄື່ອງໃຊ້ ປະຈຳວັນອື່ນໆ ເລີ່ມແລ່ນອອກຈາກ ນະຄອນຄຸນໝິງ ຂອງ ສປ ຈີນ, ມີແຜນການຜ່ານນະຄອນ ຫລວງວຽງຈັນ ຂອງ ສປປ ລາວ, ສຸດທ້າຍໄປຮອດນະຄອນຫລວງ ພະນົມເປັນ ຂອງກຳປູເຈຍ.
ຂ່າວຕ່າງປະເທດ
ສປ ຈີນ ຂັບເຄື່ອນເສດຖະກິດໃຫ້ເຕີບໂຕລະດັບ 5,4%
4/29/2025 5:46:17 PM
ເສດຖະກິດ ຂອງ ສປ ຈີນ ໄດ້ເລີ່ມຕົ້ນປີ 2025 ດ້ວຍຄວາມເຂັ້ມແຂງ ເພາະໄຕມາດທີ 1 ລວມຍອດ ຜະລິດຕະພັນ ພາຍໃນ (GDP) ເພີ່ມຂຶ້ນ 5,4% ເມື່ອທຽບໃສ່ ປີກາຍ ບັນລຸ 31,88 ພັນຕື້ຢວນ, ສູງກວ່າ ການຄາດຄະເນ ຂອງນັກເສດຖະສາດ 57 ຄົນ ທີ່ສໍານັກຂ່າວ Reuters ໄດ້ສໍາຫລວດໃ ນກ່ອນໜ້ານີ້ ທີ່ຄາດຄະເນໄວ້ 5,1%, ເພີ່ມຂຶ້ນ 1,2% ເມື່ອທຽບໃສ່ ໄຕມາດທີ 4 ຂອງປີ 2024, ທັງສູງກວ່າ ການເຕີບໂຕ ຂອງໝົດປີ 2024 ທີ່ເຕີບໂຕ 5%
ຂ່າວຕ່າງປະເທດ
ສປ ຈີນ ຈັດງານຕະຫລາດນັດສິນຄ້າຂາເຂົ້າ-ອອກ ຄັ້ງທີ 137
4/29/2025 5:10:37 PM
ງານຕະຫລາດນັດ ສິນຄ້າ ຂາເຂົ້າ-ຂາອອກ ຂອງ ສປ ຈີນ ຄັ້ງທີ 137 ໄລຍະທີສອງໄດ້ສຳເລັດລົງ ເມື່ອບໍ່ດົນມານີ້, ຕາມຂໍ້ມູນ ຈາກສູນການຄ້າ ກັບຕ່າງປະເທດຂອງ ສປ ຈີນ ເຊິ່ງເປັນຝ່າຍ ຮັບຜິດຊອບ ຈັດງານດັ່ງກ່າວ ສະແດງໃຫ້ເຫັນວ່າ: ຮອດທ້າຍເດືອນເມສານີ້, ໄດ້ມີຜູ້ຊື້ຈາກຕ່າງປະເທດ 224.372 ຄົນ ທີ່ມາຈາກ 219 ປະເທດ ແລະ ເຂດແຄວ້ນທົ່ວໂລກ