ຂປລ
ຂປລ. ກອງປະຊຸມປຶກສາຫາລື ຄວາມຄືບໜ້າໂຄງການສິນເຊື່ອກາກບອນ ຈັດຂຶ້ນໃນວັນທີ 14 ກຸມພາ 2025 ຜ່ານມາ ໂດຍມີ ທ່ານ ຈັນເພັງ ສຸດທິວົງ ຮອງປະທານສູນກາງແນວລາວສ້າງຊາດ (ສນຊ), ທ່ານ ສະເໜີ ຈຸນລະມະນີ ກໍາມະການ ສນຊ, ຜູ້ຮັບຜິດຊອບໂຄງການ ສິນເຊື່ອກາກບອນຂອງ ສນຊ, ມີບັນດາຜູ້ຕາງໜ້າຈາກ ກົມແຜນການ ແລະ ການຮ່ວມມື ກະຊວງກະສິກໍາ-ປ່າໄມ້, ຜູ້ຕາງໜ້າບໍລິສັດ vnv
ຂປລ. ກອງປະຊຸມປຶກສາຫາລື ຄວາມຄືບໜ້າໂຄງການສິນເຊື່ອກາກບອນ ຈັດຂຶ້ນໃນວັນທີ 14 ກຸມພາ 2025 ຜ່ານມາ ໂດຍມີ ທ່ານ ຈັນເພັງ ສຸດທິວົງ ຮອງປະທານສູນກາງແນວລາວສ້າງຊາດ (ສນຊ), ທ່ານ ສະເໜີ ຈຸນລະມະນີ ກໍາມະການ ສນຊ, ຜູ້ຮັບຜິດຊອບໂຄງການ ສິນເຊື່ອກາກບອນຂອງ ສນຊ, ມີບັນດາຜູ້ຕາງໜ້າຈາກ ກົມແຜນການ ແລະ ການຮ່ວມມື ກະຊວງກະສິກໍາ-ປ່າໄມ້, ຜູ້ຕາງໜ້າບໍລິສັດ vnv ແລະ ພະນັກງານກ່ຽວຂ້ອງ ເຂົ້າຮ່ວມ ແລະ ໄດ້ປຶກສາຫລືວຽກງານ ທີ່ໄດ້ຈັດຕັ້ງປະຕິບັດ ໃນໄລຍະຜ່ານມາ ແລະ ສືບຕໍ່ວາງແຜນວຽກງານໂຄງການໃນຕໍ່ໜ້າ ເພື່ອເຮັດໃຫ້ໂຄງການ ສາມາດບັນລຸຕາມຈຸດປະສົງ ທີ່ໄດ້ວາງໄວ້.
ກອງປະຊຸມຄັ້ງນີ້່, ເປັນການຜັນຂະຫຍາຍ ມະຕິ 108/ກມສພ ວ່າດ້ວຍວຽກງານແນວໂຮມ ແລະ ວຽກງານມະຫາຊົນ ຂອງພັກໃນໄລຍະໃໝ່ ແລະ ມະຕິ ເລກທີ 12/ຄປຈ.ສນຊ ວ່າດ້ວຍ ການສ້າງເສດຖະກິດ ເອກະລາດ ຂອງ ສນຊ ເຊິ່ງໄດ້ມີການຂົນຂວາຍ ການມີສ່ວນຮ່ວມ ຈາກພາກສ່ວນຕ່າງໆ ໂດຍສະເພາະ ແມ່ນໄດ້ເຊັນສັນຍາ ຮ່ວມມືກັບ ບໍລິສັດ value network ventures advisory services pte. Ltd. (vnv) ປີ 2022 ເພື່ອດໍາເນີນໂຄງການສິນເຊື່ອກາກບອນ ສໍາລັບພາກປະຊາ ຊົນ ຫລື ເອີ້ນວ່າໂຄງການເຮັດນາ ແບບປຽກສະຫລັບແຫ້ງ ທີ່ມີການແຕ່ງຕັ້ງຄະນະ ຮັບຜິດຊອບວຽກງານດັ່ງກ່າວ ຢູ່ຂັ້ນສູນກາງ-ທ້ອງຖິ່ນ ເພື່ອລົງເກັບກໍາຂໍ້ມູນເບື້ອງຕົ້ນ ຢູ່ 3 ແຂວງ ຄື: ແຂວງຄໍາມ່ວນ, ສະຫວັນນະເຂດ ແລະ ແຂວງວຽງຈັນ.
ຂໍ້ມູນ-ພາບ: ວຽງຈັນໃໝ່
KPL
