ຂປລ
ທ່ານ ທາຄຸ ເອໂຕະ, ລັດຖະມົນຕີ ກະສິກຳ ຍີ່ປຸ່ນ ກ່າວວ່າ: ຄະນະລັດຖະມົນຕີ ຍີ່ປຸ່ນ ຕົກລົງເຫັນດີ ໃຫ້ປ່ອຍເຂົ້າອອກຈາກສາງສຳຮອງ 210.000 ໂຕນ ຈາກທັງໝົດ ທີ່ມີຢູ່ປະມານ 1 ລ້ານໂຕນ
ຂປລ.ສຳນັກຂ່າວຕ່າງປະເທດ ລາຍງານຈາກ ນະຄອນຫລວງ ໂຕກຽວປະເທດ ຍີ່ປຸ່ນ ເມື່ອບໍ່ດົນມານີ້ວ່າ: ທ່ານ ທາຄຸ ເອໂຕະ, ລັດຖະມົນຕີ ກະສິກຳ ຍີ່ປຸ່ນ ກ່າວວ່າ: ຄະນະລັດຖະມົນຕີ ຍີ່ປຸ່ນ ຕົກລົງເຫັນດີ ໃຫ້ປ່ອຍເຂົ້າອອກຈາກສາງສຳຮອງ 210.000 ໂຕນ ຈາກທັງໝົດ ທີ່ມີຢູ່ປະມານ 1 ລ້ານໂຕນ ເພື່ອຫລຸດຜ່ອນ ຄວາມອຶດຫີວ ຂອງປະຊາຊົນ ຈາກວິກິດການຄ່າຄອງຊີບ ແລະ ສະພາບອາກາດຮ້ອນ ໃນໄລຍະບໍ່ເທົ່າໃດ ປີຜ່ານມາ ຊຶ່ງສົ່ງຜົນກະທົບ ຢ່າງໜັກຕໍ່ການປູກເຂົ້າ ແລະ ເຮັດໃຫ້ຜົນຜະລິດ ຫລຸດລົງ.
ການເຄື່ອນໄຫວດັ່ງກ່າວ ຊຶ່ງບໍ່ເຄີຍເກີດຂຶ້ນມາກ່ອນ ໃນຍີ່ປຸ່ນ ເປັນໄປຕາມມະຕິ ຂອງຄະນະລັດຖະມົນຕີ ເມື່ອຕົ້ນເດືອນກຸມພາ ໄດ້ປັບປ່ຽນນະໂຍບາຍ ການດຳເນີນການ ກັບເຂົ້າໃນສາງສຳຮອງ ຈາກເດີມທີ່ສາມາດ ລະບາຍເຂົ້າອອກໄດ້ສະເພາະ ໃນຍາມເກີດໄພພິບັດ ທາງທຳມະຊາດ ຫລື ວິກິດການທາງກະສິກຳ ແລະ ເກີດວິກິດ ການທາງເສດຖະກິດ ເທົ່ານັ້ນ./.
KPL
