ຂປລ
ຄະນະ ກຳມະການ ສົ່ງເສີມ ການປູກໝາກພ້າວ ຂອງ ສີລັງກາ ໄດ້ກຳນົດ ເປົ້າໝາຍ ໃນການ ປູກຕົ້ນ ໝາກພ້າວ ຈຳນວນ 2,5 ລ້ານຕົ້ນໃນປີ 2025.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 10 ກຸມພາ, ຄະນະ ກຳມະການ ສົ່ງເສີມ ການປູກໝາກພ້າວ ຂອງ ສີລັງກາ ໄດ້ກຳນົດ ເປົ້າໝາຍ ໃນການ ປູກຕົ້ນ ໝາກພ້າວ ຈຳນວນ 2,5 ລ້ານຕົ້ນໃນປີ 2025.
ທ່ານ ຊູນິມັລ ຊາຍາກໍດີ ປະທານ ຄະນະກຳມະການ ລະບຸວ່າ: ຈະມີການ ປັບໂຄງສ້າງ ສະມາຄົມ ຜູ້ປູກໝາກພ້າວ ລະດັບ ພາກພື້ນ ນັບແຕ່ ວັນທີ 17 ກຸມພາ ເປັນຕົ້ນໄປ ເພື່ອວາງ ຮາກຖານ ສຳລັບ ການຂະຫຍາຍເບ້ຍ ປູກ. ທ່ານ ຊູນິມັລ ຊາຍາກໍດີ ກ່າວວ່າ ຕົ້ນໝາກພ້າວ ຈຳນວນ 1 ລ້ານຕົ້ນ ຈາກ ທັງໝົດ 2,5 ລ້ານຕົ້ນ ຈະປູກໃນພື້ນທີ່ 3 ຫລ່ຽມ ທາງພາກເໜືອ (Northern Coconut Triangle) ເປັນພື້ນທີ່ ປູກໝາກພ້າວ ແຫ່ງສຳຄັນ ຂອງສີລັງກາ. ຕາມຕົວເລກ ສະຖິຕິທາງການ ເປີດເຜີຍວ່າ: ສີລັງກາ ເຄີຍຜະລິດ ໝາກພ້າວ 3 ພັນລ້ານໜ່ວຍຕໍ່ປີ , ແຕ່ປັດຈຸບັນ, ຜົນຜະລິດ ດັ່ງກ່າວ ໄດ້ຫລຸດລົງ ເຫລືອ 2,85 ພັນລ້ານໜ່ວຍຕໍ່ປີ ໃນຊຸມປີ ຜ່ານມາ./
KPL
