ຂປລ
ທ່ານ ໂອບັນ ວິກໂຕ, ນາຍົກລັດຖະມົນຕີ ຣົງກາຣີ ກ່າວວ່າ: ເອີຣົບ ພວມເຂົ້າສູ່ ວິກິດການ ພະລັງງານ ຄັ້ງໃໝ່, ຮົງກາຣີ ບໍ່ຄວນຕົກຢູ່ໃນວິກິດການເທື່ອນີ້.
ຂປລ.ວິທະຍຸ ສາກົນ ແຫ່ງ ສປ ຈີນ, ເມື່ອບໍ່ດົນມານີ້, ທ່ານ ໂອບັນ ວິກໂຕ, ນາຍົກລັດຖະມົນຕີ ຣົງກາຣີ ກ່າວວ່າ: ເອີຣົບ ພວມເຂົ້າສູ່ ວິກິດການ ພະລັງງານ ຄັ້ງໃໝ່, ຮົງກາຣີ ບໍ່ຄວນຕົກຢູ່ໃນວິກິດການເທື່ອນີ້. ປັດຈຸບັນ, ອູແກຣນ ໄດ້ປິດທໍ່ສົ່ງ ອາຍແກັສທຳມະຊາດ ໄປສູ່ເອີຣົບ, ລັດຖະບານ ອາເມລິກາ ພັດດຳເນີນການລົງໂທດ ຮອບໃໝ່ ຕໍ່ບໍລິສັດນ້ຳມັນເຊື້ອໄຟ ຂອງຣັດເຊຍ ແລະ ແຊັກບີ, ປັດໄຈເຫລົ່ານີ້ ໄດ້ເຮັດໃຫ້ລາຄາພະລັງງານ ປັບສູງຂຶ້ນຕື່ມອີກຢູ່ ເອີຣົບ.ພ້ອມກັນນັ້ນ, ກະຊວງ ເສດຖະກິດ ແຫ່ງຊາດ ຮົງກາຣີ ອອກຖະແຫລງການວ່າ: ມາດຕະການ ທີ່ກ່ຽວຂ້ອງ ຂອງອູແກຣນ ແລະ ການລົງໂທດຮອບໃໝ່ ຂອງ ສ.ອາເມລິກາ ພາໃຫ້ລາຄານ້ຳມັນ ເຊື້ອໄຟ ສູງຂຶ້ນ ຢ່າງຫລວງຫລາຍ. ປັດຈຸບັນ, ນ້ຳມັນດິບ 20% ຫາ 30% ຂອງຮົງກາຣີ ອາໄສການນຳເຂົ້າ, ການເໜັງຕິງ ຂອງຕະຫລາດພາຍນອກ ຈະກະທົບເຖິງ ລາຄານ້ຳມັນດິບ ຂອງຮົງກາຣີ ໂດຍກົງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
