ຂປລ
ລາຄາພະລັງງານ ປັບຕົວສູງຂຶ້ນ ຢ່າງຕໍ່ເນື່ອງ, ນັບແຕ່ ເດືອນຕຸລາ ປີກາຍນີ້ ເປັນຕົ້ນມາ, ອັງກິດ ໄດ້ປັບເສັ້ນເພດານ ຂອງລາຄາ ພະລັງງານ ພາຍໃນປະເທດໃຫ້ສູງຂຶ້ນ ປະມານ 10%, ເຮັດໃຫ້ ຄອບຄົວທຳມະດາ ຈຳນວນຫລວງຫລາຍ ຢູ່ອັງກິດ ມີຄວາມກົດດັນ ຫລາຍຂຶ້ນ.
ຂປລ.ວິທະຍຸສາກົນແຫ່ງ ສປ ຈີນ, ລາຄາພະລັງງານ ປັບຕົວສູງຂຶ້ນ ຢ່າງຕໍ່ເນື່ອງ, ນັບແຕ່ ເດືອນຕຸລາ ປີກາຍນີ້ ເປັນຕົ້ນມາ, ອັງກິດ ໄດ້ປັບເສັ້ນ ເພດານ ຂອງລາຄາ ພະລັງງານ ພາຍໃນປະເທດໃຫ້ສູງຂຶ້ນ ປະມານ 10%, ເຮັດໃຫ້ ຄອບຄົວທຳມະດາ ຈຳນວນຫລວງຫລາຍ ຢູ່ອັງກິດ ມີຄວາມກົດດັນ ຫລາຍຂຶ້ນ.ໃນບັນດາ ປະເທດ ເອີຣົບ, ອັງກິດ ແມ່ນປະເທດໃຫຍ່ ອັນດັບ 2 ທີ່ອາໄສ ອາຍແກັສທຳມະຊາດ ໃນການໃຊ້ອາຍອຸນ, ຂະນະດຽວກັນ, ກໍ່ແມ່ນປະເທດ ໃຫຍ່ອັນດັບ 5 ທີ່ອາໄສ ອາຍແກັສທຳມະຊາດ ໃນການຜະລິດໄຟຟ້າ. ປີກາຍນີ້, ຄະນະກຳມະການວິກິດ ການພະລັງງານ ອັງກິດ ເຄີຍກ່າວເຕືອນວ່າ, ຍ້ອນການໃຊ້ ອາຍອຸ່ນ ຂອງພົນລະເມືອງ ແລະ ໂຮງງານ ຜະລິດໄຟຟ້າ ຂອງອັງກິດອາໄສ ອາຍແກັສທຳມະຊາດໃນລະດັບສູງ, ອັງກິດ ອາດຈະປະສົບກັບສະພາບ ການທີ່ຕົ້ນທຶນ ພະລັງງານສູງຂຶ້ນ ຢ່າງຫລວງຫລາຍ ພາຍໃນເວລາສັ້ນອີກເທື່ອໜຶ່ງ, ເຊິ່ງເລື່ອງນີ້ ຈະພາໃຫ້ປະຊາຊົນ ຜະເຊີນໜ້າ ກັບວິດກິດການ ຮ້າຍແຮງ ຂຶ້ນຕື່ມ ໃນດ້ານຄ່າ ໃຊ້ຈ່າຍ ໃນຊີວິດ ການເປັນຢູ່. ແຕ່ສະພາບ ການແບບນີ້ ບໍ່ຫ່ອນ ຈະຮັບການແກ້ໄຂ ໄດ້ພາຍໃນໄລຍະສັ້ນ, ຄາດວ່າ, ຮອດເດືອນ ເມສາປີນີ້, ເສັ້ນເພດານ ດ້ານລາຄາພະລັງງານ ຂອງອັງກິດ ອາດຍັງຈະສູງຂຶ້ນ 3% ຕື່ມອີກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
