ຂປລ
ໃນປີ 2024 ລວມຍອດ ເສດຖະກິດ ຂອງ ສປ ຈີນ ໄດ້ບັນລຸ ຫລາຍກວ່າ 130.000 ຕື້ຢວນ, ກຳລັງແຫ່ງຊາດລວມຂອງ ສປ ຈີນ ໄດ້ຂຶ້ນສູ່ລະດັບໃໝ່ອີກ.
ຂປລ.ວິທະຍຸ ສາກົນແຫ່ງ ສປ ຈີນ, ໃນກອງປະຊຸມຂ່າວ ທີ່ຈັດຂຶ້ນໂດຍ ຫ້ອງການຖະແຫລງຂ່າວ ລັດຖະບານຈີນ ເມື່ອບໍ່ດົນມານີ້, ຜູ້ຮັບຜິດຊອບ ຕົ້ນຕໍ ຂອງອົງການ ສະຖິຕິແຫ່ງຊາດຈີນ ໄດ້ກ່າວວ່າ: ໃນປີ 2024 ລວມຍອດ ເສດຖະກິດ ຂອງ ສປ ຈີນ ໄດ້ບັນລຸ ຫລາຍກວ່າ 130.000 ຕື້ຢວນ, ກຳລັງແຫ່ງຊາດລວມຂອງ ສປ ຈີນ ໄດ້ຂຶ້ນສູ່ລະດັບໃໝ່ອີກ. ທ່ານ ຄ່າງຢີ້ ຫົງໜ້າ ອົງການສະຖິຕິແຫ່ງຊາດຈີນ ກ່າວວ່າ: ລວມຍອດ ເສດຖະກິດ ບັນລຸ ຫລາຍກວ່າ 130.000 ຕື້ຢວນ ກາຍເປັນທ່າແຮງ ເຮັດໃຫ້ ເສດຖະກິດຂອງ ສປ ຈີນ ມີພື້ນຖານ ທີ່ເຂັ້ມແຂງ ຂຶ້ນຕື່ມອີກ.ນັບແຕ່ ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນ ເປັນຕົ້ນມາ, ລວມຍອດ ເສດຖະກິດຂອງ ສປ ຈີນ ໄດ້ເພີ່ມຂຶ້ນ 10.000 ຕື້ຢວນທຸກໆ 1-2 ປີ. ປີ 2020 ໄດ້ບຸກທະລຸ 100.000 ຕື້ຢວນ, ປີ 2021 ແລະ 2022 ໄດ້ບຸກທະລຸ 110.000 ຕື້ຢວນ ແລະ 120.000 ຕື້ຢວນ ຢ່າງລຽນຕິດ, ແລະ ບັນລຸ ຫລາຍກວ່າ 130.000 ຕື້ຢວນ ໃນປີ 2024. ໃນ 10 ປີທີ່ຜ່ານມາ, ໄດ້ບັນລຸ ການເພີ່ມຂຶ້ນ ຄັ້ງປະຫວັດສາດ ຄື: ຈາກ 50.000 ຕື້ຢວນ ເພີ່ມຂຶ້ນເຖິງ 130.000 ຕື້ຢວນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
