ຂປລ
ຂປລ. ໃນວັນທີ 18 ມັງກອນ 2025 ຜ່ານມາ, ທ່ານ ທອງຜ່ານ ສະຫວັນເພັດ ຮອງລັດຖະມົນ ຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນ ຂອງ ສປປ ລາວ ໄດ້ເຂົ້າຮ່ວມກອງປະ ຊຸມເຈົ້າໜ້າທີ່ອາວຸໂສອາຊຽນ ຄັ້ງທໍາອິດ ພາຍໃຕ້ການເປັນປະທານອາຊຽນ ຂອງ ມາເລເຊຍ ເພື່ອກະ ກຽມໃຫ້ແກ່ກອງປະຊຸມ ລັດຖະມົນຕີຕ່າງປະເທດອາຊຽນ ແບບວົງແຄບ ທີ່ໄດ້ຈັດຂຶ້ນໃນວັນທີ 19 ມັງ ກອນ 2025 ໂດຍມີຄໍາຂວັນ “ການມີສ່ວນຮ່ວມຢ່າງທົ່ວເຖິງ ແລະ ຍືນຍົງ”.
ຂປລ. ໃນວັນທີ 18 ມັງກອນ 2025 ຜ່ານມາ, ທ່ານ ທອງຜ່ານ ສະຫວັນເພັດ ຮອງລັດຖະມົນ ຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນ ຂອງ ສປປ ລາວ ໄດ້ເຂົ້າຮ່ວມກອງປະ ຊຸມເຈົ້າໜ້າທີ່ອາວຸໂສອາຊຽນ ຄັ້ງທໍາອິດ ພາຍໃຕ້ການເປັນປະທານອາຊຽນ ຂອງ ມາເລເຊຍ ເພື່ອກະ ກຽມໃຫ້ແກ່ກອງປະຊຸມ ລັດຖະມົນຕີຕ່າງປະເທດອາຊຽນ ແບບວົງແຄບ ທີ່ໄດ້ຈັດຂຶ້ນໃນວັນທີ 19 ມັງ ກອນ 2025 ໂດຍມີຄໍາຂວັນ “ການມີສ່ວນຮ່ວມຢ່າງທົ່ວເຖິງ ແລະ ຍືນຍົງ”.
ກອງປະຊຸມຄັ້ງນີ້, ບັນດາເຈົ້າໜ້າທີ່ອາວຸໂສອາຊຽນ ໄດ້ຮັບຊາບກ່ຽວກັບບັນດາບຸລິມະສິດ ການເປັນປະທານອາຊຽນຂອງ ມາເລເຊຍ ແລະ ໄດ້ຮັບຊາບຄວາມຄືບໜ້າຂອງການຈັດຕັ້ງປະຕິບັດ ບັນດາຜົນກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ກອງປະຊຸມສຸດຍອດອື່ນໆ ໃນປີ 2024 ພາຍໃຕ້ການເປັນປະທານອາຊຽນ ຂອງ ສປປ ລາວ ໂດຍສະເພາະ ການເສີມສ້າງປະຊາຄົມອາຊຽນ ໃຫ້ເຂັ້ມແຂງ ໂດຍຜ່ານການຈັດຕັ້ງປະຕິບັດ ວິໄສທັດປະຊາຄົມອາຊຽນ 2025 ແລະ ບັນດາແຜນແມ່ບົດຂອງສາມເສົາຄໍ້າປະຊາຄົມອາຊຽນ, ແຜນແມ່ບົດວ່າດ້ວຍການເຊື່ອມຈອດອາຊຽນ ແລະ ແຜນງານການເຊື່ອມໂຍງ ພາກພື້ນອາຊຽນ. ພ້ອມນັ້ນ, ກອງປະຊຸມ ໄດ້ຮັບຊາບຄວາມຄືບໜ້າ ຂອງການສ້າງບັນດາແຜນຍຸດທະສາດ ເພື່ອຈັດຕັ້ງປະຕິບັດວິໄສທັດປະຊາຄົມອາຊຽນ 2045.
ກອງປະຊຸມ ຍັງໄດ້ປຶກສາກ່ຽວກັບການສະໝັກ ເຂົ້າເປັນພາຄີຂອງ ສົນທິສັນຍາໄມຕີຈິດ ແລະ ການຮ່ວມມືໃນອາຊີຕາເວັນອອກສຽງໃຕ້ ຂອງບັນດາປະເທດນອກພາກພື້ນ ທີ່ມີຄວາມສົນໃຈ ຮ່ວມມືກັບອາຊຽນ. ພ້ອມທັງ ເຫັນດີສະເໜີໃຫ້ ລັດຖະມົນຕີຕ່າງປະເທດອາຊຽນ ພິຈາລະນາຮັບຮອງເອົາການສະໝັກເຂົ້າເປັນພາຄີ ສົນທິສັນຍາດັ່ງກ່າວ ຂອງຫລາຍປະເທດ ທີ່ສອດຄ່ອງກັບເງື່ອນໄຂ ແລະ ຫລັກການຂອງອາຊຽນ ໃນໂອກາດກອງປະຊຸມລັດຖະມົນຕີຕ່າງປະເທດອາຊຽນ ແບບວົງແຄບ. ພ້ອມນີ້, ກອງປະຊຸມ ຍັງໄດ້ທົບທວນຄືນຄວາມຄືບໜ້າ ຂອງການຮ່ວມມືລະຫວ່າງ ອາຊຽນ ກັບປະເທດຄູ່ເຈລະຈາ, ຄູ່ຮ່ວມພັດທະນາ ແລະ ຄູ່ຮ່ວມຂະແໜງການຂອງອາຊຽນ, ພ້ອມທັງຮັບຊາບ ການສະເໜີເປັນຄູ່ຮ່ວມມືຂອງອາຊຽນ.
ຂ່າວ-ພາບ: ກຕທ
KPL
