ຂປລ. ພິທີປິດຊຸດອົບຮົມໄລຍະສັ້ນ ໃຫ້ກອງພັນເຄື່ອນທີ່ໄວ ແລະ ໂຮງຮຽນ 303 ຈັດຂຶ້ນໃນວັນທີ 8 ມັງກອນ 2025 ໂດຍການເປັນປະທານຂອງ ສະຫາຍ ພົນຈັດຕະວາ ບຸນຕຽນ ໄຊຍໍາວົງທັນ ຫົວໜ້າກົມ 49, ມີຄະນະກົມອ້ອມຂ້າງກະຊວງປ້ອງກັນປະເທດ, ຄະນະພັກ-ຄະນະບັນຊາ ກົມກອງຂຶ້ນກັບ, ຄະນະຊ່ຽວຊານ ຫວຽດນາມ ​ແລະ ພາກສ່ວນ​ກ່ຽວຂ້ອງ ເຂົ້າຮ່ວມ.

ສະຫາຍ ພັນໂທ ສຸລິພົນ ເລື່ອນສົມຫວັງ ຮອງຫົວຫນ້າພະເເນກອົບຮົບ ກົມ 49 ກົມໃຫຍ່ເສນາທິການກອງທັບ ໄດ້ຜ່ານບົດສະຫລຸບການຝຶກອົບຮົມ-ຫັດແອບໄລຍະສັ້ນ 3 ເດືອນ ທີ່ທາງກອງບັນຊາການຕິພິເສດຫວຽດນາມ ມາຊ່ວຍຝຶກລົງເລິກ 4 ວິຊາຫລັກ ຢູ່ກອງພັນ 428, ກອງພັນໃຫຍ່ 497 ແລະ ຊ່ວຍສ້າງໂຄງການ ຫລັກສູດການຮຽນ-ການສອນຢູ່ໂຮງຮຽນ 303 ປະຈໍາປີ 2025 ເຊິ່ງເລີ່ມອົບຮົມຫັດແອບ ແຕ່ວັນທີ 21 ຕຸລາ 2024-08 ມັງກອນ 2025. ໃນນີ້, ມີຫົວໜ້າຄະນະ ເເລະ ຄະນະຄູຟຶກຈາກ ສສ ຫວຽດນາມ ​ໂດຍໄດ້ຈັດຕັ້ງເປັນ 2 ພາກສ່ວນຄື: ພາກສ່ວນ 1 ແມ່ນອົບຮົມໃຫ້ຄູອາຈານ ຢູ່ໂຮງຮຽນນາຍສິບຕິພິເສດ 303 ຈໍານວນ 10 ສະຫາຍ ເພື່ອຂຽນໂຄງການຫລັກສູດຍົກຂັ້ນ ນາຍຮ້ອຍ ​ແລະ ພາກສ່ວນທີ 2 ໄດ້ຈັດຕັ້ງເປັນ 1 ກອງຮ້ອຍ. ໃນນັ້ນ, ໄດ້ແບ່ງອອກເປັນ 4 ປີກ ນັກ ຮຽນຂຶ້ນຫ້ອງຫັດແອບຄື: ປີກຕີພິເສດນໍ້າ, ປີກຕິພິເສດຕົວເມືອງ, ປີກຕີພິເສດບົກ, ປີກຕີພິເສດຕອບໄດ້ໄວ,  ພ້ອມທັງໄດ້ຂຽນບົດ ປະກອບໃສ່ໂຄງຮ່າງຫລັກສູດ, ດ້ານເນື້ອໃນທິດສະດີ ມີວິທີການຄົ້ນຄ້ວາວິທະຍາສາດ, ວິທີການຄົ້ນຄວ້າ ວິທະຍາສາດການທະຫານ, ເອກະສານແນະນໍາວິທີການອົບຮົມ ຮູບແຖວຍຸດທະວິທີຂັ້ນຈຸຕີພິເສດ, ເອກະສານປີດຕິພິເສດ ປິດລັບຫລອນຕີສັດຕູໃນຂຸມຄອງ, ຫລັກສູດສິລະປະຍຸດເຄື່ອນ ທີ່ພື້ນຖານຂອງຕິພິເສດບົກ, ຫລັກສູດປິກຕີພິເສດປິດ ລັບຫລອມຕີສັດຕູ ພັກທັບຊົ່ວຄາວ, ຫລັກສູດປີກຕິພິເສດແກ້ໄຂ ຊ່ວຍເຫລືອຕົວປະກັນ. ສ່ວນການອົບຮົມຫັດແອບ ດ້ານສິລະປະ ຍຸດ-ຍຸດທະວິທີ ປະກອບມີ: ສິລະປະຍຸດ-ຍຸດທະວິທີຕິພິເສດນໍ້າ, ຕີພິເສດບົກ, ຕິພິເສດຕົວເມືອງ, ຕິພິເສດຕອບໂຕ້ໄວ.

ຜ່ານການອົບຮົມຫັດແອບ ສາມາດຕີລາຄາໄດ້ ໃນການຮຽນ-ການສອນ, ໂຄງການຫລັກຂຽນຫລັກສູດ ຂັ້ນນາຍຮ້ອຍ, ແມ່ນມີການເອົາໃຈໃສ່ປະຕິບັດ ບັນດາຂໍ້ກຳນົດກົດລະບຽບ, ຜ່ານຜ່າຄວາມ ຫຍຸ້ງຍາກ, ສາມາດກໍາໄດ້ເນື້ອໃນພື້ນຖານຂອງແຕ່ລະບົດ, ເອົາໃຈໃສ່ຄົ້ນຄວ້າຫັດແອບ ຮໍ່າຮຽນຮູ້ໜູນໃຊ້ສິລະປະຍຸດ-ຍຸດທະວິທີ ເພື່ອແກ້ໄຂໄດ້ບັນດາ ກໍລະນີຍຸດທະວິທີ, ຮູ້ຈັກນໍາໃຊ້ເຂົ້າໃນ ເງື່ອນໄຂສູ້ຮົບຕົວຈິງ, ສາມາດສະເລ່ຍຕີລາຄາໄດ້ 100% ຮັບປະກັນຄວາມປອດໄພ ທາງດ້ານຄົນ ແລະ ວັດຖຸອຸປະກອນ.

ໂອກາດນີ້, ສະຫາຍ ພົນຈັດຕະວາ ບຸນຕຽນ ໄຊຍໍາວົງທັນ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດໃນການອົບຮົມຫັດເເອບໃນຄັ້ງນີ້, ພ້ອມທັງເນັ້ນໃຫ້ນັກຝຶກອົບຮົມ ເອົາໃຈຍົກສູງຄວາມຮັບ ຜິດຊອບຕໍ່ວຽກງານທີ່ໄດ້ມອບໝາຍໃຫ້, ມີນ້ຳໃຈສູ້ຮົບສູງໃນການປະຕິບັດໜ້າທີ່, ເສີມຂະຫຍາຍມູນ ເຊື້ອຮັກຊາດອັນດີງາມ, ຖືເອົາການສຶກສາອົບຮົມການເມືອງ-ແນວຄິດ ດ້ວຍຫລາຍຮູບການໃຫ້ເເທດ  ເໝາະກັບວິຊາສະເພາະ ດ້ວຍຫລາຍວິທີຢ່າງຕໍ່ເນື່ືອງ ເພື່ອໃຫ້ມີແນວຄິດຫລັກໝັ້ນ, ອຸ່ນອຽນທຸ່ນທ່ຽງ, ຫ້າວຫັນ ແລະ ເຮັດສຳເລັດໜ້າທີ່ຕາມການມອບໝາຍ, ພ້ອມທັງຮຽກຮ້ອງໃຫ້ເເຕ່ລະສະຫາຍ ຈົ່ງເພີ່ມທະວີຄວາມສາມັກຄີ ພາຍໃນ-ພາຍນອກ ໃຫ້ເປັນປຶກແຜ່ນແໜ້ນໜາ, ຍຶດຖືນ້ຳໃຈຮັກຊາດຮັກລະບອບ ໃໝ່, ຫັນເອົາວິຊາສະເພາະທີ່ຮຽນມາ ຈັດຕັ້ງຜັນຂະຫຍາຍໃນກົມກອງຂອງຕົນ ໃຫ້ເກີດດອກອອກຜົນເເລະ ມີເເບບເເຜນທີ່ທັນສະໄໜ, ສາມາດຮັບປະກັນໄດ້ຄວາມສະຫງົບ ເເລະ ຄວາມປອດໄພ.

ຂ່າວ: ສຸກສາຄອນ

KPL