ຂປລ
ກະຊວງການຄ້າ ສິງກະໂປ ລາຍງານວ່າ: ລວມຍອດຜະລິດ ຕະພັນ ພາຍໃນປະເທດ (ຈີດີພີ) ຂະຫຍາຍຕົວ 4% ທຽບໃສ່ປີກາຍ, ເພີ່ມຂຶ້ນ ຫລາຍກວ່າຕົວເລກທີ່ກໍານົດໄວ້.
ຂປລ.ສຳນັກຂ່າວ ຕ່າງປະເທດ, ເມື່ອບໍ່ດົນມານີ້ ກະຊວງການຄ້າ ສິງກະໂປ ລາຍງານວ່າ: ລວມຍອດຜະລິດ ຕະພັນ ພາຍໃນປະເທດ (ຈີດີພີ) ຂະຫຍາຍຕົວ 4% ທຽບໃສ່ປີກາຍ, ເພີ່ມຂຶ້ນ ຫລາຍກວ່າຕົວເລກທີ່ກໍານົດໄວ້.
ເຖິງວ່າ ຈີດີພີຂອງສິງກະໂປ ໃນໄຕມາດ 4 ຂອງປີກາຍ ຫລືລະຫວ່າງ ເດືອນຕຸລາ-ເດືອນທັນວາ ຂະຫຍາຍ ຕົວພຽງແຕ່ 4,3% ຫລຸດລົງຫລາຍ ຈາກສະຖິຕິ 5,4% ເມື່ອໄຕມາດທີ 3 ຂອງປີ ແລະ ການສົ່ງອອກ ໃນໄລຍະທ້າຍປີ ຢຸດຈຶ້ງ, ແຕ່ປັດໄຈສຳຄັນ ທີ່ຊ່ວຍໃຫ້ເສດຖະກິດ ຂອງສິງກະໂປ ຍັງສາມາດສືບຕໍ່ ເຕີບໂຕໄດ້ ຈາກພາກການກໍ່ສ້າງທີ່ຂະ ຫຍາຍຕົວ 5,9% ເມື່ອໄຕມາດສຸດທ້າຍຂອງປີ, ເພີ່ມຂຶ້ນຈາກ 4,7% ເມື່ອ 3 ເດືອນກ່ອນໜ້າ ແລະ ການບໍລິການທີ່ເຕີບໂຕ 4,3% ເມື່ອ 3 ເດືອນສຸດທ້າຍ ຂອງປີກາຍ ເພີ່ມຂຶ້ນຈາກ 4% ເມື່ອໄຕມາດ ກ່ອນໜ້າ./
KPL
